LEVÍTICO 16:2 - Enhlit Bible

² Aptomjac nic nat Dios apcanya Moisés: Ingyane sat lhip Aarón metalhningvotayc sat sicmaclha coo tap apava apjalhtamomap, payjoc acyitnamaclha ayapma atong yamit aysicsic acyitnamaclha Dios appayvam, ingyitsapoc sat maa. Evanquic coo ongvanic etalhningvota sicmaclha, olhicmocsic sat sicmayjayoclha ajanco naysicsa yipjopay tacjalhit yamit aysicsic acyitnamaclha Dios appayvam.

LEVÍTICO 16:2 Iomraidhean Croise

1 REYES 6:16

Apquillanac nic nat lhama aplhancoc congne tingma, nueve metros de largo, alyipitsomalhca tablas yamit cedro, payjoc parte posterior. Apquiltimec nic nat acvisay aplhancoc Santísimo apponquinomap apanco.

1 REYES 8:6

Apquilpatmentac nic nat sacerdotes yamit aysicsic acyitnamaclha Dios appayvam. Apquilpicanvoctac nic nat tingma apponquinomap, congne tingma apvisay apponquinomap apanco, coning quilaycmasquiscama ángeles apma aplhimpancoc.

2 CRÓNICAS 5:14

Apquilvitac nic nat sacerdotes as yipjopay, actomja ayinmelhaycam naysicsa apquiltamjaycam culto, ayinyema gloria apcapongmatem Dios apanco acyitna congne tingma apponquinomap.

ÉXODO 30:10

Eycaso altar acvisay acponquinomalhca napato Dios. Etnejic sat Aarón una vez al año eltilhnamcoc inquipetaoc netin altar, apmaycam ema asoc acmatnam malvatnama talha acyanmongam melyascalhma. Aclhamoclhojo años, una vez al año colhic alvatna talha macmescama Dios acyanmongam melyascalhma — nic nat aptomjac.

LEVÍTICO 16:13

Epalacsic sat asoc acmasis anic naysicsa atilh, cotyapoc etin. Cotnejic sat etin ayinyema asoc acmasis, malha ayapma tapa yamit aysicsic acyitnamaclha Dios appayvam. Mengyitsepejec sat maa Aarón.

LEVÍTICO 16:34

Comasquejec sat mataa singanamaclha: Acvisay fiesta una vez al año, colhic acmascosa melyascalhma apancaoc apyovoclhojo israelitas. Apquilyajaclhoc nic nat Aarón, acno apcanama siclho Dios napato Moisés.

LEVÍTICO 23:27

Vocmec sat ancoc acnim diez, najan piltin séptimo, cotnejic sat fiesta Singasicjayquiclha mocjam, moc acvisay Acmascosomalhquilha mongilyascalhma. Cotnejic sat apcaneyquiclha santa, mepqui aptoycaoc as acnim, eltingyac sat asoc macmescama Dios malvatnama talha, colhic ayaco Dios.

LEVÍTICO 8:35

Elinlhanmojo sat apnaycam nicja apatong carpa apponquinomap acnim anco najan alhtaa, acvaycmo siete acnim. Elmiyovacpoc sat quellhip, apquilyiplovquisa inlhojo apcanamaclha Dios. Eycaso siyanyomalhca oltimnacsic quellhip — nic nat aptomjac Moisés.

NÚMEROS 17:10

Aptomjac nic nat Dios apcanya Moisés: Ipquinvoclha sat yamit ayitcoc apanco Aarón avalhoc yamit aysicsic acyitnamaclha Dios appayvam. Coytic sat maa actemaclha acyitnama ingatic enlhitaoc apquiltemaclha apquilinmelhaycam. Comascoc sat apquiltemaclha sevenneycam, melitsepejec sat maa enlhitaoc — nic nat aptomjac.

NÚMEROS 18:7

Apvamlha lhip najan lhip apquitquic eltimjic sacerdotes, eltimesam sat acyitnamaclha altar najan payjoc aplhancoc apponquinomap apanco. Coo alhta silyacyescama quellhip eltimjic sacerdotes, paj poc. Apvitacpec sat ancoc poc aptimesaycam apquilpalhcomap sacerdotes, ematong sat quilhvo — nic nat aptomjac Dios.

NÚMEROS 4:19

Incaymalhquic emyovacpoc moclhama naysicsa aptamjaycam, elavojoc sat mataa asoc alponquinomalhca, ingyitsapoc sat aptomja apmongvoyam as asoc. Apvamlha Aarón najan apquitquic apvanquic elapajacsic apquilmolhama Coat, yavamlha eltimjic najan yavamlha elpatmaoclha asoc.

NÚMEROS 4:5

Amamyi apquilquimpayclha apyovoclhojo enlhitaoc, incaymalhquic siclho etlhic congne carpa tingma Aarón najan apquitquic. Apquilanyacpec eljalhyovacsic siclho apava apjalhtam payjoc santísimo aplhancoc apponquinomap apanco. Elalacsic sat as apava yamit aysicsic acyitnamaclha Dios appayvam.

SAN MATEO 27:51

Apyaptacpec alhta apava apjalhtamomap congne tingma apponquinomap. Malha ningyaptama apava nipyesicsa. Inyovjam alhta nalhpop. Inquilpalhec alhta mataymong alvinatem.

HEBREOS 6:19

Eycaso aljalhneycam ingvalhoc actomja acmaycaoc ingvalhoc, malha tama actomja acmaycaoc barco. Eycaso aljalhneycam ingvalhoc actomja malha tama acyascama navá alhataoc apmaclha Dios congne tingma apponquinomap netin.

HEBREOS 9:25

Aptalhningvoclhec mataa Dios apquilancam Leví apmolhama tingma apvalhoc apvisay “apponquinomap apanco” moclhama año yoyam esaclha ema ac asoc acticyovam, cotnaja em pac apanco. Lhama apmesomap apanco alhta Cristo, jave aclhamoclhojo años.

HEBREOS 9:3

Yitnec alhta anit apjalhtamomap apava. Yitnec najan moc apvalhoc anit apjalhtamomap tap, apvisay “apponquinomap apanco”.

HEBREOS 9:5

Innamquic alhta anit quilaycmasquiscama netin yamit aysicsic malha ángeles alhta quilaycmasquiscama. Eycaso actomja monquinatquiscama actomja apmaclha Dios. Inpayesaclhec alhta aplhimpancoc netin yamit aysicsic, acpayjo acmascosomalhquilha mongilyascalhma. Am ongiltamjoc mocjam quilhvoc ongillhenic moclhama asoc acnaycamcolha.

EL APOCALIPSIS 15:8

Intipquic alhta etin ayinyema Dios aptomja apyimtalhnamo najan apmopvan. Inlanoc alhta etin tingma apponquinomap. Paj lhama enlhit apmopvan etlhic congne tingma apponquinomap. Incaymalhquic siclho siete ángeles yoyam elsavojo siete altemaclha alasquiscama apyimpeoc enlhitaoc.