LEVÍTICO 15:5 - Enhlit Bible

⁵ Apmongvocmec sat ancoc poc enlhit aptajanma as enlhit aptanovmap, incaymalhquic eyimyecsic apava najan eyapacsic yingmin apyimpejic, etniclhac sat aptanovmap napato Dios acvaycmo actalhnama acnim.

LEVÍTICO 15:5 Iomraidhean Croise

SALMOS 26:6

Mepqui acsilhnanomalhca evalhoc coo. Altamjo inyicje oyoclhojo lhip payjoc ningilmalhnancamaclha.

SALMOS 51:2

Ingyalhnas sat evalhoc acmasom. Jeliquis sat acmasom.

SALMOS 51:7

Jeliquis sat evalhoc acmasom, malha apmaycam hisopo yoyam jeyalhnacsic coo. Ingyalhnas sat evalhoc yoyam cotnejic acmopoy anco, colhno asoc ningmopiscama.,

ÉXODO 19:10

Aptomjac nic nat mocjam Dios Apyimtalhnamo apcanya Moisés: —Itne sat elanic enlhitaoc Israel: Elaniclha sat apquilvalhoc quellhip acnim nac jay najan secaseclha. Elyimyisaoc apquilantalhnama quellhip.

ISAÍAS 1:16

Elyapasaoc yingmin yoyam comopiclha apyimpeoc quellhip. Etlhaoc sat apquiltemaclha apancaoc. Elvatsaoc sat apquiltemaclha acmasom.

ISAÍAS 22:14

Aclingac alhta Visqui apyimtalhnamo appayvam, aptomja seyanya coo: Mongvasicjiclhejec sat mocjam as enlhitaoc naysicsa apquileyvam — alhta aptomjac Visqui ingac apyimtalhnamo — nic nat aptomjac profeta.

EZEQUIEL 36:25

Oyapacsic sat apyimpeoc quellhip yingmin alhnancoc, ayinyema alhta apquilpaysimsomap apanco apquilayoclha quilaycmasquiscama.

EZEQUIEL 36:29

Olcoc sat apquilvalhoc acmasom acsilhnanoncama quellhip. Elvitac sat trigo apactic najan acyilhna cotlaycaoc. Melingamquejec sat mataa mayic.

LEVÍTICO 11:24

Eltanovacpoc sat quellhip napato Dios: aptomja apmongvoyam asoc ayitsepma actanovmalhca napato Dios. Etanovacpoc sat acvaycmo actalhnama acnim.

LEVÍTICO 11:25

Apyinyovasquic sat ancoc enlhit asoc ápac, incaymalhquic eyimyecsic apava apquilantalhnama. Etanovacpoc sat acvaycmo actalhnama acnim.

LEVÍTICO 11:28

Apyinyovasquic sat ancoc enlhit asoc ápac, incaymalhquic eyimyecsic apava apquilantalhnama. Etanovacpoc sat enlhit napato Dios acvaycmo actalhnama acnim.

LEVÍTICO 11:32

Coltimjic sat altanovmalhca napato Dios aclhamoclhojo asoc, actiyacmo inlhojo netin asoc ayitsepma: najan yamit, najan apava nintalhnama, najan aso'yimpejic, najan costal, najan moc asoc acvisay apquilmaycam enlhit. Incaymalhquic elovsic congne yingmin. Cotanovalhcac sat as asoc acvaycmo actalhnama acnim, natamin cotamiliclhac sat mocjam.

LEVÍTICO 13:34

Natamin mocjam siete acnim eyipconic sat sacerdote llaga apyimpejic enlhit. Am sat ancoc etac acpayjayclha llaga apyimpejic enlhit, paj najan hundida, etnesacpoc sat mepqui aptanovmap napato Dios as enlhit, eyimyecsic sat apava enlhit apjalhnancoc.

LEVÍTICO 13:6

Natamin eyipconic sat mocjam sacerdote. Apvitac sat ancoc mepqui acpayjayclha llaga apyimpejic enlhit, etnesacpoc sat apjalhnancoc enlhit mepqui aptanovmap napato Dios, am cotnajac ningmasquem lepra. Apcanyacpec enlhit eyimyecsic apava apquilantalhnama, mepqui aptanovmap napato Dios.

LEVÍTICO 14:27

Etnejic sat apopjejic apmic derecho ingyilhpajac sat aceite netin altar acvaycmo siete veces.

LEVÍTICO 15:18

Appatjetamquic sat ancoc enlhit lhama quilvana, incaymalhquic colyapacsic yingmin ayimpeoc, etnejic sat aptanovmap enlhit, cotnejic sat actanovmalhca quilvana napato Dios acvaycmo actalhnama acnim.

LEVÍTICO 15:4

Najan apmaclha, najan apyitnamaclha, najan apquilmaycam enlhit, cotniclhac sat actanovmalhca napato Dios, najan moclhama asoc, apnaclho inlhojo as enlhit.

LEVÍTICO 15:6

Apnaclhec sat ancoc enlhit silla pac as enlhit aptanovmap, incaymalhquic eyimyecsic apava aptalhnama, najan eyapacsic yingmin apyimpejic, etniclhac sat aptanovmap napato Dios acvaycmo actalhnama acnim.

LEVÍTICO 16:26

Incaymalhquic enlhit apyantamayclha yataay yoclhilhma actamopeycaoc Azazel (emoc sat Azazel), incaymalhquic eyimyecsic apava apquilantalhnama, eyapacsic sat yingmin apyimpejic, natamin etlhic sat mocjam carpa tingma nipyesicsa apnaymacoc.

LEVÍTICO 16:28

Enlhit apquilvatnama talha eyimyecsic sat apava, najan eyapacsic yingmin apyimpejic, natamin etlhic sat mocjam carpa tingma nipyesicsa apnaymacoc — nic nat aptomjac.

LEVÍTICO 17:15

Aptovquic sat ancoc israelita najan metnaja israelita asoc ayitsepma, incaymalhquic eyimyecsic apava najan eyapacsic yingmin apyimpejic. Etniclhac sat aptanovmap napato Dios acvaycmo actalhnama acnim. Natamin actalhnama acnim comascoc actemaclha aptanovmap napato Dios.

NÚMEROS 19:10

Enlhit apcansayclha tajap vayqui acmeta, cotnejic sat calhnayo apvalhoc meyisponcama Dios, acvaycmo actalhnam. Comasquejec sat mataa as siyanamaclha nac jay, elyiplovcasojo quellhip isralitas najan poc metnaja israelitas apquilpalhaviyam quellhip — nic nat aptomjac.

NÚMEROS 19:22

Moclhama asoc apmongvoyam enlhit aptanovmap napato Dios, cotniclhac sat actanovmalhca napato Dios. Moclhama enlhit apmongvoyam aptanovmap napato Dios, etniclhac sat aptanovmap napato Dios, acvaycmo actalhnam — nic nat aptomjac Dios.

HEBREOS 10:22

Ingilane sat ongilyoclhojo apnaclha Dios acyitna ingvalhoc ayalhnayo najan acyitna acyimnatem mongyasquiyam. Innec alhta alalhnasa ingilvalhoc. Inmasquec najan alsilhnanomalhca ingvalhoc. Innec alhta singyapasquisa yingmin ningyovoclhojo, ayinyema yingmin ayalhnayo.

HEBREOS 9:14

Acyiviy acmovan em pac Cristo, am colhnoc acmovan ema ac asoc acticyovam. Apmesacpec alhta apanco Cristo actemaclha macmescama Dios actomja actamila anco. Eycaso ayinyema apmopvan Espíritu Santo apquilmilaneycaoc. Cristo em pac actomja ayalhnascama ingvalhoc najan acmascoscama actemaclha ingvalhoc nano. Ingvanquic sat ongilanam Dios aptomja apquilmilaneycaoc.

HEBREOS 9:26

Copvanquejec alhta Cristo ingyitsapoc mataa aclhamoclhojo años ayenmo siclhoc nic nat allanomalhca as nalhpop. Acvamlha lhama apvoy alhta Cristo yicpintama actomjaclha nelha ningvamlha nac jay. Apmesomacpo apanco actemaclha macmescama Dios yoyam emascocsic mongilyascalhma.

SANTIAGO 4:8

Elyipitcojo sat quellhip Dios Ingyapam. Eyipitcangvotamojoc sat najan quellhip Dios Ingyapam. Quellhip enlhit melyascalhma, ellic yingmin apmeoc. Quellhip acyitna anit apquilvalhoc, ellaniclha apquilvalhoc.

EL APOCALIPSIS 7:14

Actomjac alhta coo siyatingmavo: —Visqui, lhip apyasamcoc —alhta actomjac coo. Aptomjac alhta seyanya mocjam: —Avanjec alhta apquillingaycamco acmasca apquilinyemayaclha as enlhitaoc. Apquilyimyesquic alhta apquilantalhnama em pac Nipquesic Apquitcoc. Apquilmopisaclhec alhta apquilantalhnama.

1 SAMUEL 20:26

Am nic nat elhenac Saúl as acnim nac jay. Apcanayquic nic nat mepqui appenescamo David actemaclha apquilanayclha apvalhoc.