LEVÍTICO 15:15 - Enhlit Bible

¹⁵ Etnejic sat sacerdote lhama macmescama Dios acyanmongam meyascalhma, poc sat etnejic macmescama holocausto malvatnama talha, colhic sat acmoscosa actemaclha aptanovmap napato Dios, ingyasicjacpoc sat mocjam enlhit aptamalviyam.

LEVÍTICO 15:15 Iomraidhean Croise

LEVÍTICO 11:24

Eltanovacpoc sat quellhip napato Dios: aptomja apmongvoyam asoc ayitsepma actanovmalhca napato Dios. Etanovacpoc sat acvaycmo actalhnama acnim.

LEVÍTICO 11:25

Apyinyovasquic sat ancoc enlhit asoc ápac, incaymalhquic eyimyecsic apava apquilantalhnama. Etanovacpoc sat acvaycmo actalhnama acnim.

LEVÍTICO 11:27

Actanovmalhca napato Dios acvisay aclhingam anit ameoc najan anit amancoc, najan acma ajamtic apjeoc. Enlhit apmongvoyam as asoc ayitsepma, etanovacpoc sat acvaycmo actalhnama acnim.

LEVÍTICO 11:28

Apyinyovasquic sat ancoc enlhit asoc ápac, incaymalhquic eyimyecsic apava apquilantalhnama. Etanovacpoc sat enlhit napato Dios acvaycmo actalhnama acnim.

LEVÍTICO 11:31

Acyovoclhojo as asoc altomja altanovmalhca napato Dios. Enlhit apmongvoyam asoc ayitsepma, etanovacpoc sat napato Dios acvaycmo actalhnama acnim.

LEVÍTICO 11:32

Coltimjic sat altanovmalhca napato Dios aclhamoclhojo asoc, actiyacmo inlhojo netin asoc ayitsepma: najan yamit, najan apava nintalhnama, najan aso'yimpejic, najan costal, najan moc asoc acvisay apquilmaycam enlhit. Incaymalhquic elovsic congne yingmin. Cotanovalhcac sat as asoc acvaycmo actalhnama acnim, natamin cotamiliclhac sat mocjam.

LEVÍTICO 11:39

Inquitsepquic sat ancoc aptoscama mepqui actanovmalhca napato Dios. Etanovacpoc sat enlhit, apmongvocmo inlhojo aptoscama ayitsepma, etanovacpoc sat acvaycmo actalhnama acnim.

LEVÍTICO 11:40

Aptovquic sat ancoc enlhit apitic aptoscama ayitsepma, incaymalhquic eyimyecsic apava aptalhnama, etanovacpoc sat napato Dios acvaycmo actalhnama acnim. Apyinyovasquic sat ancoc enlhit aptoscama ayitsepma, incaymalhquic eyimyecsic apava aptalhnama, etanovacpoc sat acvaycmo actalhnama acnim.

LEVÍTICO 12:7

Epenacsic sat sacerdote napato Dios macmescama ayinyema quilvana acyanmongam coyascalhma. Comascoc sat comasis ayimpejic, comascoc sat actanovmalhca napato Dios. Eycaso singanamaclha coyiplovcasojoc sat quilvana actimquiscama ayitca.

LEVÍTICO 12:8

Am sat ancoc eyancac actoscama nipquesic, avanquic as quilvana cotingyac apcanit sapop, tasic najan apcanit valhaay, lhama sat cotnejic actemaclha holocausto, poc sat cotnejic macmescama Dios acyanmongam coyascalhma. Elmalhnesquisic sat sacerdote, comascoc sat actanovmalhca quilvana napato Dios — nic nat aptomjac.

LEVÍTICO 4:20

Cotnejic sat acno ningajem vayqui macmescama Dios acyanmongam melyascalhma. Colhic sat acmascosa melyascalhma apyovoclhojo enlhit, elasicjacpoc sat mocjam.

LEVÍTICO 4:26

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha. Colhic sat acmascosa meyascalhma apvisqui apquilmolhama tribu.

LEVÍTICO 4:31

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha, Dios apyisponcama. Colhic sat acmascosa meyascalhma enlhit mepqui apyimtalhnamo.

LEVÍTICO 4:35

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha, Dios apyisponcama. Colhic sat acmascosa meyascalhma enlhit mepqui apyimtalhnamo.

NÚMEROS 15:25

Etingyasquisic sat sacerdote najato mayasicjayquiclha enlhitaoc Israel. Ongvasicjiclhojoc sat mocjam, ayinyema meltamjoclha elsilhnanacpoc apanco enlhit, najan sicvita selmescama ofrenda najan sacrificio selmescama acyanmongam melyascalhma.

NÚMEROS 25:13

Eltimjic sat mataa sacerdotes Finees najan aptovana cotmongvoycamlha nelha. Avanjec alhta semasma coo Finees, yiplovcoc alhta siyasicjayquiclha mocjam apyovoclhojo enlhitaoc — nic nat aptomjac.

SAN MATEO 3:17

Pilapcasquic alhta ayinyema netin lhama appayvam: —Lhip nac Sictamongvoyam siyasicjayo, acyispaquic lhip —alhta intomjac appayvam.

EFESIOS 1:6

Pac ontimjic mataa ningayo Dios ayinyema singaycaoc altamila. Aptomja singmescama nasa Apquitca aptomja apcasicjayo.

HEBREOS 1:3

Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.