LEVÍTICO 14:10 - Enhlit Bible

¹⁰ Vocmec ocho acnim (octavo) etingyac sat apcanit nipquesic apquitcoc, mepqui apyimpeoc acmasom, najan lhama nipquesic apquitcoc apquilvana un año mepqui apyimpejic acmasom. Etingyac sat mocjam seis kilos y medio harina, cotnejic sat macmescama Dios nintom alpalhquemalhca aceite, natamin mocjam aceite ayitcoc, malha tercera parte de un litro.

LEVÍTICO 14:10 Iomraidhean Croise

ÉXODO 29:40

Acyiplomo mocjam ofrenda dos kilos harina alpalhquemalhca lhama litro olivo ayingmenic, najan maa un litro uva ayingmenic, acvisay ofrenda secaseclha.

LEVÍTICO 1:10

Elyacyes sat aptoscama nipquesic, tasic najan yataay apquinavo, mepqui acmasom apyimpejic, ematong sat acyanmongam melyascalhma, actemaclha holocausto.

LEVÍTICO 1:3

Elyacyes sat aptoscama vayqui inquinavo mepqui acmasom ayimpejic, comatong sat acyanmongam melyascalhma, actemaclha holocausto. Elyantemiclha sat mataa payjoc apatong carpa tingma.

LEVÍTICO 14:11

Etnamam sat sacerdote, ingyanic sat etnamam enlhit aptamalviyam acyiplomo asoc apancaoc, payjoc apatong carpa apponquinomap napato Dios.

LEVÍTICO 14:12

Etingyac sat lhama nipquesic apquitcoc najan aceite ayitcoc, cotnejic sat macmescama Dios acyanmongam apsilhnanomap apanco. Eycaso aptomjaclha sacerdote napato Dios.

LEVÍTICO 14:15

Etnejic sat sacerdote tacja apmic sancalvelha eyanquinic aceite ayitcoc.

LEVÍTICO 14:21

Nasoc sat ancoc mepqui apquilnatam enlhit, etingyac sat lhama nipquesic apquitcoc macmescama Dios acyanmongam apsilhnanomap, yoyam comascosalhcac sat meyascalhma. Mocjam macmescama Dios anit kilos harina alpalhquemalhca aceite, cotnejic sat nintom macmescama Dios najan aceite ayitcoc, malha tercera parte de un litro.

LEVÍTICO 2:1

Apvanquic enlhit esantac ofrenda nintom macmescama Dios, acvisay harina actamila anco, najan acyipitcayo aceite najan asoc acmasis.

LEVÍTICO 2:11

Noelpalhaquis nasa asoc acyipjescama ofrendas nintom macmescama Dios. Mongvanquejec mataa ongilpalhaquisic asoc acyipjescama, paj najan yamyovjene alpalhquemalhca ofrendas nintom macmescama Dios.

LEVÍTICO 2:13

Incaymalhquic ongincajac yasic moclhama nintom macmescama Dios, actomja asoc monquinatquiscama pacto ningmiyovmalhca napato Dios. Mongvanquejec mataa lhama nintom macmescama Dios mepqui yasic.

LEVÍTICO 23:13

Elsanta sat cuatro kilos y medio harina alpalhquemalhca aceite, cotnejic macmescama Dios malvatnama talha, apyisponcama Dios. Cotnejic sat moc macmescama Dios un litro uva ayingmenic.

LEVÍTICO 4:32

Apvanquic as enlhit etingya aptoscama nipquesic apquilvana. Incaymalhquic etnejic nipquesic apquilvana mepqui acmasom apyimpejic, cotnejic sat macmescama Dios acyanmongam meyascalhma.

LEVÍTICO 9:1

Vocmec nic nat ocho (octavo) acnim. Apcansaclhec nic nat Moisés Aarón, najan apquitquic, najan apquilvanyam israelitas.

NÚMEROS 28:20

Acyipitcayo mataa ofrenda macmescama Dios harina motajap alpalhquemalhca aceite. Eycaso mataa: lhama vayqui inquinavo acmatnam colhic acyipitsa seis kilos harina motajap. Lhama nipquesic apmatnam colhic acyipitsa cuatro kilos harina motajap.

NÚMEROS 6:14

Eyantementac sat nipquesic apquitcoc lhama año, etnejic macmescama Dios mepqui acmasom apyimpejic, ematong sat, colhic alvatna talha acyanmongam meyascalhma. Mocjam lhama nipquesic mepqui apyimpejic acmasom, acvaycmo un año aptiyascam nipquesic, ematong sat, colhic alvatna talha acyanmongam meyascalhma. Mocjam lhama aptoscama nipquesic apquinavo, ematong sat, acyanmongam singasicjayquiclha mocjam.

NÚMEROS 7:43

Apnasoc ofrenda apquilpatmeyquinta apquilmamyi.

SAN MATEO 8:4

Aptomjac alhta Jesús apcanya aptamalviyam: —Noltimnas nasa enlhit maa apyasaclha. Ilhing maa, ilhicmosacpojo sat sacerdote. Imques sat apmescama acyanmongam ayalhnayclha apyimpejic. Itne sat actemaclha singanama ilhnic nat Moisés, yoyam ongmesic. Apmesquic sat ancoc, melquinatsejec sat enlhitaoc aptomja aptamalviyam —alhta aptomjac.

SAN MARCOS 1:44

—Quip ingyeylhojo, noltimnas nasa enlhit maa. Ilhing maa, ilhicmosacpojo sat sacerdote. Imques sat apmescama acyanmongam ayalhnayclha apyimpejic. Itne sat actemaclha singanama ilhnic nat Moisés, yoyam ongmesic. Apmesquic sat ancoc, melquinatsejec sat enlhitaoc aptomja aptamilviyam —alhta aptomjac.

SAN LUCAS 5:14

Apmiyovquic alhta eltimnacsic apnaymacoc: —Ilhing maa, ilhicmosacpojo sat sacerdote. Imques sat apmescama acyanmongam ayalhnayclha apyimpejic. Itne sat actemaclha singanama ilhnic nat Moisés, yoyam ongmesic. Apmesquic sat ancoc, melquinatsejec sat enlhitaoc aptomja aptamalviyam —alhta aptomjac.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

SAN JUAN 6:33

Nintom actomja nasoc anco ayinyema netin singmescama Dios Ingyapam apvisay apvoy as nalhpop. Aptomja apmescama acyimnatem apnenyaoc enlhitaoc lhalhma anco —alhta aptomjac.

SAN JUAN 6:51

Coo nac sicvisay nintom ayinyema netin. Aptovquic sat ancoc enlhit as nintom, mengyitsepejec sat cotmongvoycamlha nelha. Nintom sicmescama coo actomja sicyovoclhojo ajanco. Momyovalhcoyc co ajanco, yoyam colhic acyimnatem apnenyic enlhit lhalhma anco —alhta aptomjac.

1 SAN PEDRO 1:19

Eyca acyanmongam asoc acmamnave acvisay Jesucristo em pac. Apyinyovacpec alhta apanco Cristo yoyam ematong, malha ningmescama Dios nipquesic apquitcoc aptamila najan apjalhnancoc.