LEVÍTICO 13:29 - Enhlit Bible

²⁹ Invitalhquic sat ancoc llaga apyimpejic apcatic enlhit, najan apcatic quilvana, najan coning apatong naysicsa apva.

LEVÍTICO 13:29 Iomraidhean Croise

1 REYES 12:28

Eycaso ilhnic nat aclhanma apvalhoc apvisqui Jeroboam. Apcanayquic nic nat colhic allana anit vayqui inquilinava ayitcoc quilaycmasquiscama asoc alyinmom oro. Aptomjac nic nat apvisqui apquilanya enlhitaoc: —Vamlha sat ongiltimjic ningilyascama tingma Jerusalén. Quellhip enlhitaoc Israel: Quip elanojo vayqui ayitcoc quilaycmasquiscama actomja visqui ingac. Actomja alhta singilyinyovquiscama yoclhilhma Egipto — nic nat aptomjac apvisqui.

1 REYES 8:38

Elvotac sat as tingma enlhitaoc yoyam elilmalhna ayinyema apquillingaycamco apquilvalhoc acyanmongayclha apquiltemaclha. Elyasiclhac sat netin apmeoc naysicsa apquililmalhnancama as tingma.

2 CRÓNICAS 6:29

Ingyeylhojo sat lhip apquilmalhnancama moclhama enlhit, najan apquilmalhnancama apyovoclhojo enlhitaoc Israel, naysicsa apquillingaycamco acyanmongayclha apquiltemaclha apancaoc. Apquilpayesquic sat ancoc apectengaoc enlhit as tingma apponquinomap, apquililmalhnamcaa napato lhip. Ingyeylhojo sat lhip apmaclha netin, ingyasicjiclhojo sat mocjam enlhitaoc. Apyasamcoc lhip moclhama apquiltemaclha apancaoc najan actemaclha apquilvalhoc. Imyov sat lhip enlhit mepqui apsilhnanomap apanco, iyanmongsiclha sat aptemaclha apanco apmapsom.

ESDRAS 9:3

Intiyacmec alhta evalhoc siclinga apquilpayvam. Acyaptec alhta sictalhnama, siyaptama eva najan avajatong actemaclha acmayovsa evalhoc. Acnaclhec alhta malha mepqui sicyimnaa.

SALMOS 53:4

¿Mepqui ya apquilyascamco enlhit apquilmapsomcaa? Apnatovasquic mataa enaymacoc. Malha aptoycaoc pan apquiltomjac. Am eltomjac mataa selayo sicvisay Visqui Dios.

ISAÍAS 1:5

¿Jalhco sat actema oyanmongsiclha apquiltemaclha quellhip? Selinmelhaycam apquiltomja mocjam quellhip. Acmasca intomjac apquilvalhoc quellhip najan acmasca apcatcoc.

ISAÍAS 5:20

Quellhip layi apquiltimem actamila, yoyam cotniclha acmasom, najan apquiltimem acmasom, yoyam cotniclha actamila. Apquiltimem ayitsay, yoyam cotniclha yatescama olhma, najan yatescama olhma, yoyam cotniclha ayitsay. Apquiltimem asoc acmasca, yoyam cotniclha acmasis, najan acmasis yoyam cotniclha acmasca.

ISAÍAS 9:15

Apquiltimec mataa apvisay apcatic enlhitaoc apquilvanyam najan apquilyimtalhnamo. Apquiltimec mataa acvisay apyipacyic profetas apquilmopvancaa amyaa.

EZEQUIEL 5:1

Aptomjac alhta Visqui ingac seyanya: Ilic sat lhip sovo acmajamtic. Iyatemen sat apva apcatic najan ava apatong. Ilic sat mocjam balanza quiljanma, ilyipsit sat acvamlha tres partes apva.

LEVÍTICO 13:28

Am sat ancoc copayjiclhac mancha apyimpejic, yoyam cotamalvomoc, cotnejic sat acvisay hinchazón naysicsa apyimsem acmeta. Etnesacpoc sat mepqui aptanovmap napato Dios as enlhit, ayinyema acvitamalhca cicatriz apyimsem acmeta.

LEVÍTICO 13:30

Incaymalhquic sacerdote eyipconic llaga netin apcatic. Apvitac sat ancoc hindida apyimpejic, am colhno moc apyimpejic enlhit. Etnesacpoc sat aptanovmap napato Dios as enlhit, ayinyema tiña lepra ningmasquem netin apcatic najan coning apatong as enlhit.

MIQUEAS 3:11

Apquiltingyac mataa solyayem acyanmongam apquilpeyvescasquiclha apquilyicpilquemo. Apquiltingyac mataa solyayem acyanmongam apquillhicmoscama sacerdotes. Apquiltingyac mataa solyayem acyanmongam apquilyascamco asoc profetas. Apquililtamjoc mataa epasmoc Dios Apyimtalhnamo, apquiltomja apquilanya: Ingilpasmec nincoo mataa Dios Apyimtalhnamo. Mongvityejec sat mataa acyimtalhnama yoyam onlingamcojo — apquiltomjac mataa.

SAN MATEO 6:23

Am sat ancoc coltamilac ingataoc, coyinaticsic sat olhma ningyovoclhojo. Yitnec nincoo ingvalhoc ayitsayolhma. Intomjaclhec sat ancoc yatescamalhma ingvalhoc, sat cotnejic yatescamalhma acyiviy.