LEVÍTICO 12:3 - Enhlit Bible

³ Colhic sat allana asoc monquinatquiscama apyimpejic apquitcoc acvaycmo ocho acnim natamin apteyam.

LEVÍTICO 12:3 Iomraidhean Croise

ÉXODO 22:30

Noelmiyov nasa jelmecsic aptoscama aptiyam apmamyi nipquesic najan vayqui. Cotoc sat neme ac inyapmoc 7 acnim. Jelmes sat ayitcoc acvocmo 8 acnim.

LEVÍTICO 12:4

Comascoc sat comasis ayimpejic inquin acvaycmo mocjam treinta y tres acnim. Actomja actanovmalhca napato Dios, covanquejec copasmoc apcaneyquiclha enlhit carpa apponquinomap, covanquejec comongvomoc asoc acponquinomalhca, acvaycmo nelha comasis ayimpejic napato Dios.

LEVÍTICO 15:3

Acno moc mataa, actemaclha ayingmenic, najan actemaclha acyimnatem, ayinyema actiyapma aptilha, etniclhac sat aptanovmap napato Dios.

SAN LUCAS 1:59

Invocmec alhta ocho acnim. Apquilaneyquiclhac alhta, yoyam colhic alana asoc monquinatquiscama sicaa. Apquililtamjoc alhta elhnasojoc apvisay apyap Zacarías.

SAN LUCAS 2:21

Ocho acnim alhta invocmoc apquilyimyicja actemaclha asoc monquinatquiscama sicaa. Apquiltimec alhta apvisay JESUS. Innoc alhta actomjaclha appayvam ángel Dios apcasinancama. Actomja alhta ayanyomalhca María cotnamaclha mocjam inlovso.

LOS HECHOS 15:1

Apquilvaac alhta napocja enlhit tingma Antioquía. Yoclhilhma Judea alhta apquilinyemac. Apquililtimnam alhta nipyesicsa apquilyalhinga: “Am sat ancoc eltingyac quellhip asoc monquinatquiscama ingyimpejic actemaclha ilhnic nat singanama Moisés, melvomsacpejec tap quellhip” —alhta apquiltomjac.

ROMANOS 3:19

Ningyasamcoc nincoo, inpeyvoc aclhanma singanamaclha actalhesomalhca. Apquillhenacpec enlhitaoc acyitna singanamaclha. Copvanquejec lhama etnejic appayvam: “Mepqui sicsilhnanomalhca coo”. Ayinyemaclha aplhamoclhojo enlhitaoc lhalhma anco apquiltomja apquilsilhnanomap napato Dios.

GALATAS 3:17

Altamjoc coo olhenic actemaclha ilhnic nat: Appenasoc nic nat Dios aplhanma actomja nasoc anco napato Abraham actemaclha yoyam colhejec sat acyascacmo. Invocmec nic nat cuatrocientos treinta años actepa ilhnic nat singanamaclha Moisés. Am nic nat covanac singanamaclha yoyam comascocsic actemaclha aplhanma ilhnic nat Dios actomja nasoc anco.

GALATAS 5:3

Pac otnejic ongvanic mocjam quellhip: Apquilyiplovcasquic sat ancoc quellhip apquiltemaclha judíos yoyam colhic asoc monquinatquiscama apyimpeoc. Incaymalhquic elsavojoc apquilyiplovquiscama acyovoclhojo singanamaclha.

DEUTERONOMIO 30:6

Ellanac sat Dios apquilvalhoc quellhip monquinatquiscama pacto ningmiyovmalhca. Najan maa apquilvalhoc apquitquic. Elasicjojoc sat mataa Dios ayinyema, ayinyema apquilvalhoc najan apquilyimnatem quellhip. Colhic sat acyimnatem apnenyaoc quellhip.

FILIPENSES 3:5

Siclhoc sictiyaycamlha acvocmo ocho acnim inquillanalhquic alhta asoc monquinatquiscama eyimpejic. Sictomja israelita apanco. Sictomja aptovana niptamin Benjamín. Coo nac judío apanco, ayinyemaclha tata aptomja judío apanco najan meme. Sicvisay alhta fariseo apanco. Acvajanamquic alhta actemaclha singanamaclha Moisés.

COLOSENSES 2:11

Apquiltimec quellhip apquilpasmeyquiclha Cristo, malha acyitna asoc monquinatquiscama quellhip. Jave asoc monquinatquiscama apyimpeoc ayinyema enlhit eyca actemaclha apquilvomsomap tap naysicsa melyascalhma najan apquiltemaclha nano. Eyca as asoc monquinatquiscama ayinyema Cristo.