LEVÍTICO 11:33 - Enhlit Bible

³³ Intiyacmec sat ancoc congne valhva lhama ascoc najan asoc actanovmalhca napato Dios, cotniclhac sat acmasom acyovoclhojo apvalhoc valhva, colhic sat acpalhcata valhva apmapsom.

LEVÍTICO 11:33 Iomraidhean Croise

JEREMÍAS 48:38

Inlingalhquic alinlhayam najan aliclhangveycam natingma najan apvalhoc tingma. Aptomjac alhta Visqui ingac: Actovasquic coo enlhitaoc co Moab, acno sicpalhcatma valhva, memacpejec sat mocjam — alhta aptomjac.

LEVÍTICO 11:34

Yingmin ayinyema as valhva actomja ayasomquiscama nintom ningjanma, cotnejic actanovmalhca napato Dios.

LEVÍTICO 11:35

Intiyacmec sat ancoc asoc ápac netin ningjanmaclha nintom, najan apquilanomacpilha pan, incaymalhquic colhic actovasa ningjanmaclha nintom najan pan, ayinyema actomjayclho actanovmalhca napato Dios.

LEVÍTICO 13:52

Incaymalhquic as asoc colhic alvatna talha, colmetic sat, ayinyema lepra ningmasquem acmasom.

LEVÍTICO 14:45

Etvasacpoc sat apyovoclhojo tingma, etlhacpoc sat carpa tingma tap, payjoc acyitnamaclha asoc actanovmalhca napato Dios.

LEVÍTICO 15:12

Colhic sat acpalhcata valhva pac enlhit aptanovmap. Colhic sat acyimyesa yingmin apquilmaycam allanomalhca yamit.

LEVÍTICO 6:21

Ellanac sat ofrenda nintom avalhoc sartén, alpalhquemalhca aceite. Elyaptic sat nipvayc nilpayescama, actemaclha apyisponcama Dios.

LEVÍTICO 6:28

Yitnec sat ancoc apquiljanma apjapitic apvalhoc yatingvalhva, colhic sat acpalhcata natamin apquiljanma. Yitnec sat ancoc apquiljanma apjapitic apvalhoc vaynca apanco, incaymalhquic colhic ayalhnasa apvalhoc, etniclha apcalhnayo.

NÚMEROS 19:15

Moclhama apquilmaycam acnaycaoc congne tingma mepqui ayapma, cotnejic sat actanovmalhca napato Dios.

FILIPENSES 3:21

Yitnec ningyovoclhojo yoyam comasquingvomoc. Eyanmongsic sat Visqui ingac moc actemaclha ningyovoclhojo. Elhnasojoc sat ningyovoclhojo actemaclha aptamila apanco apyovoclhojo. Apmopvan innac Visqui ingac. Apvanquic ingyanic yoyam colilyejiclhojo aclhamoclhojo asoc netin najan nalhpop.