LEVÍTICO 10:9 - Enhlit Bible

⁹ Apcanyacpec sat ancoc lhip, najan apquilanyacpo apquitquic elantilhic eltimesam congne carpa apponquinomap, colapvanquejec mataa elyinamcoc uva ayingmenic, paj najan anmin, eticyoc sat maa. Comasquejec sat mataa singanamaclha nac jay cotmongvoycamlha nelha.

LEVÍTICO 10:9 Iomraidhean Croise

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

PROVERBIOS 20:1

Acyeyjamelhma ingvalhoc nincoo, nintingya inlhojo anmin singajem, najan vino singajem. Comascoc sat acyascamco ingvalhoc.

ISAÍAS 28:7

Apquillhenacpec poc anmin alnapma, malha mepqui aplhingam apquiltomjac. Apquillhenacpec sacerdotes najan profetas anmin alnapma, alyeyjamelhma ayinyema anmin. Malha mepqui apquillhingam apquiltomjac. Apquillhinganacmec naysicsa acvitay apquilvanmoncama. Anmin inquilnapac naysicsa apquilpeyvescasquiclha apquiltemaclha enlhit.

EZEQUIEL 44:21

Colapvanquejec mataa sacerdotes elyinamcoc uva ayingmenic, apquilantalhna inlhojo atrio interior.

OSEAS 4:11

Aptomjac alhta Dios Apyimtalhnamo: Comascoc actemaclha apquilyascamco, ayinyema apquilanatama najan apyinaycaoc anmin.

LEVÍTICO 10:8

Aptomjac nic nat Dios apcanya Aarón:

LEVÍTICO 3:17

Comasquejec sat mataa singanamaclha nac jay, elyiplovcasojoc sat mataa enlhit najan aptovana naysicsa apquileyvam lhalhma anco. Noeltovaoc nasa acpilhmoc (aptipilhmoc), noeltovaoc nasa ema ac vayqui, najan ema pac yataay najan nipquesic — nic nat aptomjac Moisés.

NÚMEROS 6:20

Natamin etnejic sat mocjam sacerdote ofrenda macmescama Dios, elcoc sat nipquesic nipye najan apyoc, cotnejic sat macmescama Dios acponquinomalhca, cotnejic aptom apanco sacerdote. Natamin eynic sat mocjam uva ayingmenic nazareo apponquinomap.

NÚMEROS 6:3

Copvanquejec as enlhit, covanquejec as quilvana, coynic najan eynic vino uva ayingmenic, paj najan cervesa, paj najan uva ayingmenic acmasis, paj najan uva acyilhna, paj najan pan alpalhquemalhca uva acyilhna.

SAN LUCAS 1:15

Etnejic sat apyimtalhnamo napato Dios. Meynejec sat anmin. Elhic sat Espíritu Santo apvalhoc amamyi aptiyam.

EFESIOS 5:18

Noeltamjo nasa colnapoc anmin, ayinyemaclha elsilhnanacpoc sat. Elane sat elhic Espíritu Santo acyovoclhojo apquilvalhoc quellhip.

1 TIMOTEO 3:3

Incaymalhquic etnejic mepqui ayajem anmin. Etnejic najan mepqui apquilatingmomap. Etnejic najan mepqui ayitsepma apnenyic solyayem. Incaymalhquic etnejic aptamila, coytic najan actamilaycam apvalhoc.

1 TIMOTEO 3:8

Najan lha apquilancam diáconos nipyesicsa Jesucristo apmolhama. Incaymalhquic mataa colhic ayaco. Incaymalhquic am coytic actemaclha anit apvalhaoc najan mepqui ayajem anmin. Incaymalhquic najan cotsepeje apnenyaoc solyayem.

1 TIMOTEO 5:23

Inlhenquic evalhoc actemaclha lhip coyimnaycam apyimpejic najan acmasca apvalhoc. Noyin nasa acvamlha yingmin, iyin sat najan quitsic uva yingmenic.

TITO 1:7

Incaymalhquic etnejic apquimja apmamyi mesilhnanomap, aptomja apcanyomap eltamilsic Dios asoc apancaoc. Incaymalhquic meyimtalhnesacpojo apanco. Etnejic mepqui aplom najan mepqui ayajem anmin najan melatingmomap. Etnejic najan mepqui ayitsepma apnenyic solyayem.