LEVÍTICO 10:3 - Enhlit Bible

³ Aptomjac nic nat Moisés apcanya Aarón: —Eycaso aplhanma siclho Dios: Cotalhcac sat santidad mayayoclha ajanco napatavo seltimesaycam coo. Cotalhcac sat gloria sicyimtalhnamo ajanco napatavo israelitas — nic nat aptomjac. Intiyacmec nic nat apvalhoc Aarón.

LEVÍTICO 10:3 Iomraidhean Croise

GÉNESIS 18:25

Copvanquejec lhip etvacsojoc lhama enlhit apquilpeyvomo enlhitaoc apquilmapsomcaa. Copvanquejec lhip eyipitcasiclhojo enlhit apquilpeyvomo enlhitaoc apquilmapsomcaa. Lhip aptomja singyicpilquemo apyimtalhnamo as nalhpop. ¿Impeyvo ya mataa apyicpilquemo lhip?— nic nat aptomjac Abraham.

JOB 2:10

Apcatingmavoc nic nat Job: —Lhiya, malha ayanem acpayvam intomjac. Nintimec ningayo Dios ayinyema ningillhoy asoc altamila. Incaymalhquic ontimjic ningayo Dios, ningvita inlhojo acmasom — nic nat aptomjac Job. Am nic nat esilhnanacpoc apanco Job ayinyema aplhanma as appayvam.

SALMOS 119:120

Acpilhyinimquic coo napato lhip. Yitnec ayay evalhoc napato singyicpilquemo.

SALMOS 148:14

Visqui ingac aptomja apmescama apquilmopvan enlhitaoc apancaoc. Apquiltimec apquilayo aptomja apquilyacyescama. Apquilvisay apnaymacoc enlhitaoc Israel. Innec ayaco Visqui ingac.

SALMOS 39:10

Vamlha itne. Ilvatesquis aclingaycamco evalhoc (siclingaycamco coo). Ongvitsapoc sat coo ayinyema lhip seyasquiscama eyimpejic.

SALMOS 39:9

Acvanmaquic coo. Mepqui actiyapma sicpayvam. Lhip Visqui ingac ayinyema actomjaclha alhta.

SALMOS 46:10

Elvatsaoc quellhip. Elyasingvom sicvisay Dios Apvisqui apancaoc. Sicvisay Visqui sicyimtalhnamo nipyesicsa enlhitaoc. Sicvisay Visqui sicyimtalhnamo lhalhma anco as nalhpop.

SALMOS 89:7

Lhip Dios Visqui ingac apyimtalhnamo. Elavojoc ángeles apquilpamejitsomap.

SALMOS 93:5

Visqui ingac, acyimnatem anco lhip apcanamaclha. Malha apquilnalhamomap aptomjac tingma apponquinomap, aclhamoclhojo acnim cotmongvoycamlha nelha.

ÉXODO 14:17

Quip elaylhojo. Coo sat oyimtalhnesic apquilvalhoc co Egipto yoyam elminlhinam sat mocjam. Coo sat olhicmosalhcoc ajanco sictemaclha sicyimtalhnamo napato apvisqui faraón najan napatavo aplhamoclhojo apquillhalhmaa apquilquinamtem carros najan nolhing apcapaoc.

ÉXODO 14:4

Otnesquisic sat cotamilaycam apvalhoc faraón yoyam eminlhinam enlhitaoc Israel. Olhicmosalhcoc sat ajanco actemaclha sicyimtalhnamo napato apvisqui faraón najan napatavo apquillhalhmaa. Elyasingvomoc sat co Egipto sictomja Dios Visqui sicyimtalhnamo — nic nat aptomjac. Apquilyajaclhoc nic nat enlhitaoc Israel.

ÉXODO 19:22

Incaymalhquic sacerdotes apquiltomja Dios apquilancam yoyam ellaniclha apquilvalhoc. Yoyam moyanmongsiclhejec sat apquiltemaclha sacerdotes — nic nat aptomjac.

ÉXODO 19:24

Aptomjac nic nat Dios Apyimtalhnamo apcanya Moisés: —Ityip sat siclho. Ivota sat mocjam. Iyantamenta sat Aarón. Noelane nasa elyeycajac apjalhtam sacerdotes najan enlhitaoc. Colapvanquejec jelyotac yoyam moyanmongsiclhejec sat apquiltemaclha — nic nat aptomjac.

ÉXODO 30:30

Ingyilhpaja sat ayingmenic acmasis apyimpejic Aarón najan apquitquic, eltimjic sat apquilponquinomap sacerdotes ajancaoc.

ISAÍAS 39:8

Inlhenquic nic nat apvalhoc Ezequías, cotnejic sat mepqui apquilnapomacpilha naysicsa aptiyascam mengyitsepmaclha mocjam. Apcatingmavoc nic nat: —Actamila Visqui ingac appayvam seltimnascama lhac lhip — nic nat aptomjac Ezequías.

ISAÍAS 49:3

Aptomjac alhta seyanya: Lhip nac siyasinancama Israel, lhip sat etasquisic gloria mayayoclha ajanco — alhta aptomjac.

ISAÍAS 52:11

Noc, noc maa. Elyinyov apnaycamcaclha quellhip. Eltamilsojo apquilvalhoc quellhip, noelsilhnanap nasa. Elyamyiclha as enlhitaoc. Ellaniclha apquilvalhoc quellhip apquiltamilquiscama asoc apanco Dios.

EZEQUIEL 20:41

Cotnejic sat mocjam sicyisponcama coo, sicvita inlhojo asoc selmescama coo payjoc apquilvatnamaclha altar. Apquilhpaneycam mocjam quellhip, onalovsingvoclhac sat quellhip sicvisay Dios Visqui sicyimtalhnamo, elvitac sat aplhamoclhojo metnaja israelitas sictemaclha sicmasma quellhip.

EZEQUIEL 28:22

Itne sat lhip elanic: Eycaso appayvam ayinyema Visqui ingac: Apquiltomjaclhec quellhip cotnaja ingmoc, oyanmongsiclhac sat apquiltemaclha quellhip naysicsa sicmovan najan sicyimtalhnamo. Jelyicpilcangvomoc sat quellhip sicvisay Visqui apancaoc.

EZEQUIEL 38:16

Elimpocjac sat quellhip nipyesicsa israelitas. Cotnejic sat malha yatepiyam apquilimpocjay quellhip. Cotnejic sat actamongvamlha acnim, yoyam ongvanic lhip najan apquillhalhmaa elimpocjac enlhit ajancaoc. Olhicmocsic sat lhip apvisqui Gog sictemaclha sicmovan ajanco, elvitac sat enlhitaoc metnaja israelitas sictemaclha mayayoclha ajanco, sicvisay Visqui apancaoc Dios, alhta aptomjac.

EZEQUIEL 40:46

Moc aplhancoc cuarto actomja sacerdotes apancaoc apquiltimesaycam altar apquilvatnamaclha asoc acticyovam. Sadoc aptovana niptamin maa, apquilvisay levitas. Apquilvamlha maa, apquilmopvan eltimesam napato Visqui ingac — alhta aptomjac.

EZEQUIEL 42:13

Aptomjac alhta seyanya as enlhit: Alponquinomalhca nac aplhanaoc acnamco nicja nilhqueyja, najan nicja nipiyam, jilip patio cerrado. Actomja aptoycamcolha sacerdotes nintom acponquinomalhca, apquiltimesaycam mataa napato Visqui ingac. Apquilansaclhec mataa sacerdotes aplhancoc acponquinomalhca ayinyema ofrenda nintom macmescama Dios, najan ofrenda por pecado melyascalhma, najan ofrenda culpa apancaoc, apquilsilhnanomap apanco.

LEVÍTICO 21:15

Meltimjic sat aptovana apquiltanovmap napato Dios, silyacyescama siclho coo, sicvisay Visqui apancaoc — nic nat aptomjac Dios.

LEVÍTICO 21:17

Iltimnas sat lhip sicpayvam napato Aarón: Colapvanquejec mataa Aarón aptovana najan aptovana niptamin, jeltimesam apquiltemaclha sacerdote payjoc altar apquilvatnamaclha, acyitna inlhojo acmasom apyimpejic.

LEVÍTICO 21:21

Colapvanquejec Aarón aptovana eltimesam altar apquilvatnamaclha macmescama Dios, ayinyema mepqui actamila apyimpeoc, colapvanquejec elvitic talha nintom selmescama coo, sicvisay Dios.

LEVÍTICO 21:6

Apquiltomjac mataa apquilponquinomap sacerdotes napato Dios, yoyam colhic ayaco sicvisay. Apquiltingyac mataa asoc acmatnam malvatnama talha najan nintom macmescama Dios. Copvanquejec mataa sacerdote etniclha aptanovmap napato Dios.

LEVÍTICO 21:8

Sacerdotes apquiltomja seltimesaycam, apquiltomja apquilponquinomap, apquiltomja seltingyasquiscama sictom. Coo sicvisay santo mayayo, silyacyescama sacerdotes, eltimjic santos mayayo nipyesicsa quellhip.

LEVÍTICO 22:9

Incaymalhquic sacerdotes elsavojo apquilyiplovquiscama aquilanyomap eltimjic, melsilhnanacpejec sat napato Dios, meticyovejec sat maa. Coo sicvisay Dios silyacyescama sacerdotes.

LEVÍTICO 8:35

Elinlhanmojo sat apnaycam nicja apatong carpa apponquinomap acnim anco najan alhtaa, acvaycmo siete acnim. Elmiyovacpoc sat quellhip, apquilyiplovquisa inlhojo apcanamaclha Dios. Eycaso siyanyomalhca oltimnacsic quellhip — nic nat aptomjac Moisés.

NÚMEROS 16:5

Aptomjac nic nat Moisés apcanya Coré najan apnaymacoc apquillhalhmaa: —Jingilyascasingvomoc sat secaseclha alhtoo Dios, ongilyasamcojo apquilvamlha eltimjic apquilponquinomap apquiltingyasquiscama ofrendas, yoyam colhic alvatna talha. Apvanquic mataa apvamlha Dios apquilyacyescama.

NÚMEROS 20:12

Aptomjac nic nat Dios apcanya Moisés najan Aarón: Apquilyascacmec alhta quellhip sicpayvam. Am alhta eltomjac selayo napatavo apnaymacoc. Colapvanquejec quellhip enaliclha apnaymacoc yoclhilhma alhnancoc — nic nat aptomjac Dios.

SAN MATEO 10:37

‘Avanjec sat ancoc enlhit apcasicjayo apyap najan inquin, am colhno seyasicjayo coo, copvanquejec etnejic siltamescama. Avanjec sat ancoc enlhit apcasicjayo apquitca, am colhno seyasicjayo coo, copvanquejec etnejic siltamescama.

SAN JUAN 12:28

Tata, ingyane sat colhic ayaco lhip apvisay —alhta aptomjac. Yejemoc alhta ayinyema netin lhama appayvam: —Innec ayaco coo sicvisay, colhic sat mocjam ayaco coo sicvisay —alhta aptomjac.

SAN JUAN 14:13

Elmalhnaquic sat ancoc quellhip moclhama asoc naysicsa apquillhanma sicvisay, olyejiclhojoc sat coo. Yoyam colhic ayaco coo Tata ayinyema coo sicvisay Apquitca.

DEUTERONOMIO 32:51

Am alhta colcac evalhoc aptemaclha lhip najan apipma Aarón napatavo apnaymacoc, payjoc actiyapmaclha yingmin Meriba-cades, yoclhilhma actamopeycaoc acvisay Zin. Am alhta eltomjac selayo quellhip napatavo apnaymacoc.

2 TESALONICENSES 1:10

Incovac sat acnim yoyam evotac Visqui ingac nipyesicsa Jesucristo apmolhama. Cotlapsic sat apvitamap. Apquilayo sat eltimjic aplhamoclhojo apquiltomja melyasquiyam. Najan quellhip lha apquiltomja melyasquiyam amyaa ninlingascama alhta nincoo.

1 SAN PEDRO 4:17

Invocmec acvamlha acnim yoyam eyanmongsiclha Dios apquiltemaclha Jesucristo apmolhama. Apyanmongsaclhec sat ancoc siclhoc nintemaclha nincoo, coyimtilhojoc sat actamongvomlha nelha acnim apyanmongsayclha Dios apquiltemaclha enlhitaoc apquilyasquiyam Dios appayvam.

1 SAMUEL 2:30

Alyacyesquic alhta eltimjic sacerdotes lhip apquilmolhama, ongvanic lhip quilhvo nac jay: Colhic sat ayaco enlhit aptomja seyayo. Colhic sat acvenná enlhit aptomja sevennéycam coo. Coo sicvisay Dios Visqui apancaoc Israel, siclhanma sicpayvam.

1 SAMUEL 3:18

Apsovjoc nic nat aplhanma amyaa Samuel. Aplingac nic nat Elí, aptomja apyimnatesa appayvam: —¡Dios Apyimtalhnamo nac lha! Cotnejic sat apmayjayoclha apanco — nic nat aptomjac.

1 SAMUEL 6:20

Apquiltomjac nic nat apquilanya: Santo mayayo nac Dios. Mongvanquejec mataa ongilyoclhojo. ¿Jalhcojo sat ongilapajacsic yamit aysicsic acyitnamaclha Dios appayvam? — nic nat apquiltomjac.