LEVÍTICO 1:9 - Enhlit Bible

⁹ Incaymalhquic enlhit elcoc siclho yingmin vayqui avalhoc (ayi) najan vayqui alhquipcoc. Comyetic sat acyovoclhojo naysicsa talha netin altar apquilvatnamaclha. Cotnejic sat acvisay ofrenda macmescama Dios, actomja apyisponcama.

LEVÍTICO 1:9 Iomraidhean Croise

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

1 CRÓNICAS 6:34

apyap ninga Elcana, apyap ninga Jeroham, apyap ninga Eliel, apyap ninga Toa,

2 CRÓNICAS 4:6

Inquillanalhquic nic nat diez pilas yingmin alhanaoc, allanomalhca bronce actemaclha ninliclama yingmin ingmeoc, cinco ilhnic nat nicja derecha najan cinco payjoc nicja izquierda. Inlicalhquic nic nat ayimpeoc maa asoc macmescama Dios acyanmongam mongilyascalhma. Apquilliquic nic nat yingmin apmeoc sacerdotes pila acvanyam anco (acyivey anco).

SALMOS 51:6

Apyispaquic lhip actomja nasoc anco ingvalhoc. Lhip aptomja apyascasingvoyam evalhoc coo.

SALMOS 66:15

Olmecsic sat lhip sicnatoscama apquiltamila apanco, yoyam colhic alvatna. Sicnatoscama nipquesic najan yataay najan vayqui inquinavo ayitcoc.

ÉXODO 12:9

Noeltovaoc nasa apjapitic angvitic najan acjanomalhca. Eltovaoc sat apquilyalhaclhama acyiplomo apcatic najan apmeoc najan apyi.

ÉXODO 29:18

Itne sat ofrenda as nipquesic netin altar, acvisay holocausto malvatnama talha acyanmongam melyascalhma, yoyam colhic ayaco Dios, acvisay ofrenda apyisponcama Dios, acticjanquiscama actamila.

ÉXODO 29:25

Ilic sat mocjam ofrenda apmaycam apmic Aarón najan apquitquic, colhic sat alvatna talha netin altar. Acno malvatnama talha holocausto acyanmongam melyascalhma acticjanquiscama actamila napato Dios. Acvisay ofrenda malvatnama talha, yoyam colhic ayaco Dios.

JEREMÍAS 4:14

Quellhip co Jerusalén, eljalhyovas acmasom acyitna apquilvalhoc quellhip, yoyam elvomsacpoc sat tap. Yitnec quellhip alquitamsama apquilvalhoc almasomcaa, ¿co sat acvam elvatsamcoc?

EZEQUIEL 20:28

Siclhoc alhta apquilvita yoclhilhma alhnancoc sicmescama coo, ayinyema siclhanma siclho mepqui sicyeycajascaoc yoyam ellhovamcoc. Pilapcasquic alhta sicvita apquiltemaclha acmasom sictanoncama coo. Apquiltingyac asoc macmescama quilaycmasquiscama sictanoncama coo. Acvitac alhta apquiltemaclha maa netin inquilhe, najan coning yamit acma acyilhna actemaclha apquilvatnama talha asoc acmasis, najan moc asoc macmescama quilaycmasquiscama, najan uva ayingmenic macmescama quilaycmasquiscama.

EZEQUIEL 20:41

Cotnejic sat mocjam sicyisponcama coo, sicvita inlhojo asoc selmescama coo payjoc apquilvatnamaclha altar. Apquilhpaneycam mocjam quellhip, onalovsingvoclhac sat quellhip sicvisay Dios Visqui sicyimtalhnamo, elvitac sat aplhamoclhojo metnaja israelitas sictemaclha sicmasma quellhip.

EZEQUIEL 40:38

Yitnec maa aplhancoc payjoc atong vestíbula. Apquilyimyesquic maa apitic macmescama Dios, cotnejic ayalhnayo, yoyam colhic alvatna talha netin altar.

LEVÍTICO 1:13

Incaymalhquic enlhit elcoc siclho yingmin nipquesic apvalhoc najan apilhquipcoc. Comyetic sat acyovoclhojo naysicsa talha netin altar. Cotnejic sat acvisay ofrenda macmescama Dios, actomja apyisponcama.

LEVÍTICO 1:17

Eyaptic sat aplhimpancoc mepqui apliclama (mepqui appalhcatma) sat cotnejic. Natamin epquinic sat apyovoclhojo valhaay netin talha, emyetic sat maa. Cotnejic sat ofrenda macmescama Dios, actomja apyisponcama.

LEVÍTICO 2:16

Emoc sat sacerdote nintom ayitcoc, acyiplomo aceite najan asoc acmasis, eyinyoc sat naysicsa talha, comyetic sat maa. Cotnejic sat acvisay ofrenda nintom macmescama Dios, actomja apyisponcama.

LEVÍTICO 2:2

Colhic sat acmesa sacerdote Aarón apquitca. Emoc sat lhama apyacvom apmic harina acyipitcayo aceite najan asoc acmasis, eyinyoc sat naysicsa talha netin altar napato Dios. Cotnejic sat macmescama Dios, actomja apyisponcama.

LEVÍTICO 2:9

Eyinyoc sat sacerdote nicja nintom naysicsa talha, comyetic sat maa. Cotnejic sat acvisay ofrenda nintom macmescama Dios, actomja apyisponcama.

LEVÍTICO 3:5

Elvitic sat talha sacerdotes as asoc netin altar, alvatnamó lhama talha vayqui acmatnam acyanmongam melyascalhma.

LEVÍTICO 4:31

Comyetic sat netin altar acyovoclhojo aptipilhmoc, colhojoc sat malvatnama talha macmescama Dios actemaclha singasicjayquiclha, Dios apyisponcama. Colhic sat acmascosa meyascalhma enlhit mepqui apyimtalhnamo.

LEVÍTICO 6:14

Eycaso actemaclha macmescama Dios motajap apactic harina, najan moc actic: Incaymalhquic sacerdotes elpenacsojo netin altar macmescama Dios.

LEVÍTICO 8:21

Apliquic nic nat yingmin apvalhoc nipquesic najan apilhquipcoc (apmeoc, apmancoc), colhic alvatna talha netin altar apquilvatnamaclha actemaclha holocausto acyanmongam melyascalhma, actemaclha apyisponcama Dios. Acno ilhnic nat apcanama siclho Dios.

LEVÍTICO 8:28

Apcansaclhec nic nat mocjam Moisés asoc aplhoy Aarón najan apquitquic, yoyam eyinyoc naysicsa talha netin altar, comyetic sat maa alvatnamó lhama talha holocausto acyanmongam melyascalhma. Cotnejic sat ofrenda actemaclha nimponquinquiscama apyisponcama Dios. Acvisay ofrenda malvatnama talha, yoyam colhic ayaco Dios.

LEVÍTICO 9:14

Apliquic nic nat yingmin apvalhoc najan apilhquipcoc nipquesic (apmeoc), colhic alvatna talha, acno malvatnama talha apyovoclhojo.

ZACARÍAS 13:7

Eycaso appayvam ayinyema alhta Visqui ingac: ¡Sovo acvinatem cajic sat apquilancam nipquesic najan aplhalhma! ¡Ematong sat apquilancam, ingyilhpanic sat apnatoscama! ¡Olinmelham sat nipquesic apquitcavoc!

NÚMEROS 15:3

Apquilajac sat ancoc aptoscama vayqui, tasic najan nipquesic, cotnejic sat selmescama coo naysicsa apquilvatnama talha acticyovam sacrificio, najan seticjanquiscama holocausto aptoscama acmatnam macmescama acyanmongam melyascalhma. Cotnejic sat ayinyemayaclha apquillhanma mepqui apquilyeycajascaoc, najan ayinyemayaclha apquilmescama nasa, najan ayinyemayaclha fiesta apquilmescama nasa aptoscama acmatnam.

NÚMEROS 28:11

Acnim primero moclhama piltin eltingya sat holocausto macmescama Dios: anit vayqui inquilinava, najan lhama nipquesic apquinavo, najan siete nipquesic apquitcoc apvaycmo un año, mepqui acmasom apyimpeoc.

NÚMEROS 28:7

Mocjam ofrenda uva ayingmenic un litro acyipitcay nipquesic apmatnam macmescama Dios, malvatnama talha. Colhic sat ayilhpaja uva ayingmenic congne carpa apponquinomap, colhic sat ayaco sicvisay coo.

NÚMEROS 28:8

Poc nipquesic apquitcoc incaymalhquic ematong actalhnam, colhic sat alvatna talha actemaclha macmescama Dios. Colhojoc sat ofrenda secaseclha, harina najan uva ayingmenic acyipitcay. Eycaso asoc macmescama Dios malvatnama talha, colhic ayaco Dios — nic nat aptomjac Dios.

2 CORINTIOS 2:15

Nincoo ningiltomja napato Cristo malha asoc masis macmescama Dios. Inticjancasquic mataa enlhitaoc yoyam elvomsacpoc tap najan enlhitaoc yoyam enatovasacpoc sat.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

DEUTERONOMIO 12:27

Enaliclha sat apnatoscama macmescama Dios, eticyoc sat, colhic alvatna talha netin altar. Coyanquinalhcac sat em pac apmatnam netin altar, eltovamcoc sat apjapitic apquilpasmeyquiclha.

FILIPENSES 4:18

Am coyitnac lhama asoc ayaymomalhca quilhvo. Yitnec coo aclhamoclhojo asoc malha acyeycajangvaycmo. Yitnec coo asoc sesantimquiscama alhta ingyalhing Epafrodito, selapajasquiscama alhta quellhip. Asoc selmescama alhta actomja malha apquilaycaoc acmasis napato Dios Ingyapam. Apyispaquic Dios actemaclha apquilaycaoc quellhip.