LEVÍTICO 1:5 - Enhlit Bible

⁵ Comatong sat vayqui inquinavo napato Dios. Lhama sacerdote, Aarón apquitca, ingyilhpajac sat ema niyava altar apquilvatnamaclha, acyitna congne carpa tingma.

LEVÍTICO 1:5 Iomraidhean Croise

2 CRÓNICAS 35:11

Natamin nic nat apquilnapa apnatoscama actemaclha macmescama Dios fiesta Pascua. Apquiljalhyovasquic nic nat apyimpeoc yataay apticyovam levitas, apquilansayclha ema apnatoscama. Apquilmec nic nat tacja ema sacerdotes, apquililhpaja altar apquilvatnamaclha.

ÉXODO 29:11

Ingyaa sat vayqui payjoc carpa apponquinomap apatong, napato Dios.

ÉXODO 29:16

Ingyaa sat nipquesic, ingyilhpaja sat em pac netin altar najan niyava altar apquilvatnamaclha.

ÉXODO 40:6

Ipquin sat congne acvatnamalhquilha asoc macmescama Dios. Payjoc jilip atong acjalhtamomalhca.

ISAÍAS 52:15

Cotlapsic sat aplhamoclhojo enlhitaoc lhalhma anco, apquilvita inlhojo siyasinancama. Comascoc sat apquilyataycam apquilviscaa naysicsa apquilaneyo. elyasingvomoc sat amyaa colngamalhca mocjam nipyesicsa enlhitaoc — alhta aptomjac Visqui ingac — nic nat aptomjac profeta.

EZEQUIEL 36:25

Oyapacsic sat apyimpeoc quellhip yingmin alhnancoc, ayinyema alhta apquilpaysimsomap apanco apquilayoclha quilaycmasquiscama.

EZEQUIEL 43:18

Aptomjac alhta Visqui ingac seyanya coo: Apquillanac sat ancoc altar, incaymalhquic elyiplovcasojo moclhama actemaclha: Elvitic sat talha nintoscama acmatnam acyanmongam mongilyascalhma, natamin elilhpajac sat ema ayimpejic altar.

LEVÍTICO 1:11

Incaymalhquic enlhit (apvitip) eyantemiclha carpa tingma, ingyajic napato Dios, payjoc acyitnamaclha altar, payjoc nicja nilhqueyja. Sacerdote Aarón apquitca ingyilhpajac sat ema pac netin altar najan niyava altar apquilvatnamaclha.

LEVÍTICO 1:15

Eyaptic sat apcatic valhaay sacerdote, yoyam elvitic talha netin altar: Ingyajapsacpoc sat valhaay nicja altar, yoyam cotyapoc sat em pac maa.

LEVÍTICO 16:15

Natamin ingyajic sat Aarón lhama yataay apquinavo macmescama Dios acyanmongam melyascalhma enlhitaoc, esaclhac sat ema pac tap apava apjalhtamomap, ingyilhpajac sat netin tapa najan nalhpop payjoc tapa atong yamit aysicsic, acno apquilhpajay siclho ema ac vayqui inquinavo.

LEVÍTICO 17:11

Aclhamoclhojo asoc aleyvam as nalhpop altomja alyimnatem, ayinyema ema ancaoc najan ema apancaoc. Apquilanyacpec enlhit elajic apnatoscama payjoc altar apquilvatnamaclha, colhic sat alvatna talha ema, colhic sat acmascosa melyascalhma quellhip, ayinyema ema acyanmongam melyascalhma.

LEVÍTICO 3:2

Incaymalhquic enlhit eyantemiclha aptoscama carpa tingma, epquinic sat apmic netin apcatic aptoscama. Ingyajic sat payjoc apatong carpa tingma. Elilhpajac sat ema netin najan niyava altar sacerdotes.

LEVÍTICO 4:29

Epquinic sat apmic netin apcatic yataay, ingyajic sat aptoscama payjoc acticyovamaclha apnatoscama elvitic sat talha.

LEVÍTICO 4:33

Epquinic sat apmic netin apcatic nipquesic, ingyajic sat aptoscama payjoc acticyovamaclha apnatoscama elvitic sat talha.

LEVÍTICO 4:7

Eltilhnamcoc sat ema ayitcoc payjoc inquipetaoc altar apquilvatnamaclha asoc acmasis, acyitnaclha congne carpa apponquinomap. Moc ema ayaymomalhca eyanquinic sat payjoc altar avjac apquilvatnamaclha apnatoscama, acyitnaclha payjoc apatong carpa apponquinomap.

MIQUEAS 6:6

Aptomjac nic nat profeta: Yitnec apquilpayvam quellhip: ¿Co laa otnejic siyayo Dios Apyimtalhnamo apna netin? ¿Naso ya olnapoc vayqui ayitcoc un año, coltimjic sat macmescama Dios acyanmongam mongilyascalhma?

NÚMEROS 18:17

Nongyane nasa colhic acmesa solyayem acyanmongam apnatoscama appaliyam siclha apvitay yataay najan nipquesic najan vayqui. Alvisay sicnatoscama coo, yoyam coticyoc. Ingyilhpaja sat ema ayinyema acticyovam, netin altar apquilvatnamaclha. Colhic sat alvatna talha acpilhmoc. Cotnejic sat ofrenda sicyisponcama coo.

HEBREOS 10:11

Apnam mataa Dios apquilancam Leví apmolhama congne tingma apponquinomap aclhamoclhojo acnim yoyam eltamjam. Apquilmasquic mataa asoc acticyovam actemaclha macmescama Dios. Am eyca colmascosac mataa melyascalhma enlhitaoc.

HEBREOS 12:24

Apquilvoclhec quellhip apnaclha Jesús aptomja singyipitcasquiclha Dios ayinyema monquinatquiscama apmayjayoclha Dios aplhanma alhnancoc. Apquilvoclhec quellhip acyitnaclha em pac Jesús mayilhpajey quellhip. Actamila anco Jesucristo em pac acyinquinomalhca, am nic nat colhnoc Abel em pac acyinquinomalhca.

1 SAN PEDRO 1:2

Apquilyacyesquic nic nat Dios Ingyapam quellhip ayinyema aclhanma apvalhoc siclhoc ancoc. Dios aptomja apponquinquiscama quellhip ayinyema Espíritu apanco. Apquiltamjoc yoyam elilyejiclhojo quellhip Jesucristo yoyam colmascosalhca melyascalhma quellhip ayinyema em pac acyinquinomalhca. Altamjoc coo eyeycajasojo apcaycaoc Dios Ingyapam yoyam ellhova quellhip. Yoyam coytic najan actamilaycam apquilvalhoc quellhip.

1 SAMUEL 1:25

Inmatnec nic nat lhama actoscama vayqui macmescama Dios. Innec nic nat acyantamaclho ayitca apnaclha Elí.