LEVÍTICO 1:10 - Enhlit Bible

¹⁰ Elyacyes sat aptoscama nipquesic, tasic najan yataay apquinavo, mepqui acmasom apyimpejic, ematong sat acyanmongam melyascalhma, actemaclha holocausto.

LEVÍTICO 1:10 Iomraidhean Croise

GÉNESIS 4:4

Apsantac nic nat najan Abel aptoscama nipquesic apquitcoc, actemaclha macmescama Dios. Apyispaquic nic nat Dios aptemaclha Abel najan actemaclha apmescama.

GÉNESIS 8:20

Apquillanac nic nat Noé apvatnamaclha asoc macmescama Dios. Apcajac nic nat lhama mataa: moclhama actemaclha apnatoscama (najan asoc navjac) najan moclhama actemaclha nata. Apquilvatnec nic nat asoc acmatnam actemaclha macmescama Dios.

ÉXODO 12:5

Incaymalhquic actomja inlhojo lhama año aptoscama mepqui acmasom apyimpejic. Aptomja inlhojo nipquesic apquitcoc inlhojo eyca laa yataay apquitcoc.

EZEQUIEL 43:22

Moc acnim elaa sat yataay apquitcoc aptamila apanco, colhic alvatna talha acyanmongam melyascalhma. Elpenacsojoc sat sacerdotes, yoyam comascoc sat actanovmalhca altar, acno siclhoc alhta malvatnama talha vayqui inquinavo.

LEVÍTICO 14:10

Vocmec ocho acnim (octavo) etingyac sat apcanit nipquesic apquitcoc, mepqui apyimpeoc acmasom, najan lhama nipquesic apquitcoc apquilvana un año mepqui apyimpejic acmasom. Etingyac sat mocjam seis kilos y medio harina, cotnejic sat macmescama Dios nintom alpalhquemalhca aceite, natamin mocjam aceite ayitcoc, malha tercera parte de un litro.

LEVÍTICO 16:3

Incaymalhquic Aarón etalhningvota santuario acponquinomalhca acyiplomo vayqui inquinavo macmescama Dios acyanmongam melyascalhma, najan acyiplomo nipquesic apquinavo actemaclha macmescama Dios malvatnama talha.

LEVÍTICO 16:5

Etingyac sat Aarón apcanit yataay apquilinava apnatoscama israelitas, actemaclha macmescama Dios acyanmongam melyascalhma, najan lhama nipquesic apquinavo macmescama Dios actemaclha holocausto malvatnama talha.

LEVÍTICO 22:19

Incaymalhquic eyantementa aptoscama apquinavo mepqui acmasom apyimpejic. Etnejic aptoscama nipquesic apquinavo, najan yataay apquinavo, najan vayqui inquinavo.

LEVÍTICO 23:12

Najan as acnim nac jay etingyac sat nipquesic apquitcoc un año, mepqui acmasom apyimpejic, actemaclha holocausto mayayo Dios.

LEVÍTICO 3:1

Apvanquic enlhit etnejic macmescama Dios lhama vayqui, tasic najan vayqui inquinavo, cotnejic sat macmescama Dios singasicjayquiclha. Mepqui ayimpejic acmasom sat cotnejic aptoscama.

LEVÍTICO 4:23

Eyasingvomoc sat aptemaclha apsilhnanomap apanco. Incaymalhquic etingya yataay apquitcoc apquinavo, mepqui acmasom apyimpejic, cotnejic macmescama Dios acyanmongam meyascalhma.

LEVÍTICO 4:3

Apsilhnanacpec sat ancoc apvisqui sacerdote, actomja malha apquilsilhnanomap apyovoclhojo enlhitaoc. Incaymalhquic etingya vayqui ayitcoc inquinavo, cotnejic macmescama Dios mepqui acmasom ayimpejic, acyanmongam meyascalhma.

LEVÍTICO 5:15

Apvitacpec sat ancoc enlhit apsilhnanomap mepqui apyascamco aptovascama singanamaclha Dios. Incaymalhquic etingya aptoscama nipquesic apquitcoc mepqui acmasom apyimpejic, cotnejic sat macmescama Dios acyanmongam apsilhnanomap apanco. Colhic sat acyitquisa acvamlha acyanmongam plata as nipquesic apquitcoc. Coyitsalhcac sat acyanmongam ayinyema carpa apponquinomap, apquilmam tacja acyanmongam ningilsilhnanomalhca inganco.

LEVÍTICO 9:2

Aptomjac nic nat Moisés apcanya Aarón: Itingya sat lhip vayqui inquinavo, comatong sat acyanmongam melyascalhma. Mocjam lhama nipquesic apquinavo, ematong sat actemaclha holocausto acyanmongam melyascalhma, cotnejic sat macmescama Dios.

MALAQUÍAS 1:14

Apmapsom as enlhit aptomja aplhanma nasoc anco, eyantementa aptoscama alhnancoc, yoyam comatong. Apyinimcasqui eyca, ayinyema aptoscama acmasom. Coo sicvisay Visqui Sicyimtalhnamo nipyesicsa enlhitaoc lhalhma anco. Eycaso sicpayvam Visqui Sicyimtalhnamo — nic nat aptomjac profeta.

NÚMEROS 15:5

Lhama sacrificio nipquesic apmescama nasa enlhit, incaymalhquic eyipitsic lhama litro uva ayingmenic.

NÚMEROS 19:2

Eycaso sicpayvam sicvisay Dios Visqui apancaoc quellhip: Ilane sat israelitas elyantementa lhama vayqui acyilhvasem ayimpejic, actomja mepqui acpinsem, najan mepqui mataa actamjaycam acyinyovascama.

NÚMEROS 6:14

Eyantementac sat nipquesic apquitcoc lhama año, etnejic macmescama Dios mepqui acmasom apyimpejic, ematong sat, colhic alvatna talha acyanmongam meyascalhma. Mocjam lhama nipquesic mepqui apyimpejic acmasom, acvaycmo un año aptiyascam nipquesic, ematong sat, colhic alvatna talha acyanmongam meyascalhma. Mocjam lhama aptoscama nipquesic apquinavo, ematong sat, acyanmongam singasicjayquiclha mocjam.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

1 SAN PEDRO 1:19

Eyca acyanmongam asoc acmamnave acvisay Jesucristo em pac. Apyinyovacpec alhta apanco Cristo yoyam ematong, malha ningmescama Dios nipquesic apquitcoc aptamila najan apjalhnancoc.