JUECES 9:57 - Enhlit Bible

⁵⁷ Apquillhingamcoc nic nat apyanmongsayclha Dios apquiltemaclha apancaoc co Siquem. Invocmec nic nat nelha appayvam acmasom aplhanma siclho Jotám, Jerobaal apquitca.

JUECES 9:57 Iomraidhean Croise

2 SAMUEL 3:39

Mepqui sicyimnatem mocjam sicvisay visqui Dios apquilyacyescama. Apquilyimnatem apanco Sarvia apquitquic, apquiltomjaclha acmasom. Eyanmongsiclhac sat Dios aptemaclha apmapsom — nic nat aptomjac.

1 REYES 16:34

Apquillanac nic nat Hiel co Betel tingma Jericó, naysicsa aptimem apvisqui Acab. Apquillanac nic nat tingma apvajac, apquitsepa apquitca aptiyam apmamyi apvisay Abiram. Apquilyipitcasquic nic nat tingma apatnaoc, apquitsepa apquitca apsilhyo apvisay Segub, acno ilhnic nat Dios appayvam aplingascama nic nat Josué, Nun apquitca.

1 REYES 2:32

Cotnejic sat apyanmongsayclha Dios apsilhnanomap apanco Joab, apquilnapma alhta siclho singilpilhtetemo apvisqui, apcanit alhta mayayo najan apquilyimnatem, am alhta eyasamcoc David: lhama apmatnam apvisay Abner, Ner apquitca, singilpilhtetemo apvisqui nipyesicsa co Israel. Poc alhta Amasa, Jeter apquitca, singilpilhtetemo apvisqui nipyesicsa co Judá.

SALMOS 7:17

Otnejic sat siyayo Visqui ingac aptomja appeyvomo. Omnaycmacsic sat apvisay apanco Visqui ingac apyimtalhnamo.

SALMOS 94:23

Lhip Visqui ingac enatovacsic apquilmapsomcaa, Ayinyema apquilsilhnanomap apanco. Dios Visqui ingac eyanmongsiclhac sat apquiltemaclha apancaoc.

PROVERBIOS 5:22

Elsilhnanacpoc apanco apquilmapsomcaa ayinyema apquiltemaclha apancaoc. Malha yamtama acmam sat cotnejic meyascalhma enlhit.

ISAÍAS 3:11

¡Enlhit layi apquilmapsomcaa, ayinyema apquiltemaclha apancaoc almasomcaa! Eyanmongsiclhac sat Dios apquiltemaclha apancaoc apquilmapsomcaa.

JOSUÉ 6:26

Nalhit acnim nic nat intomjac. Aptimec nic nat Josué appayvam yoyam colhejec acyascacmo: Apquiltamjoc sat ancoc enlhit ellaniclha as tingma Jericó, esilhnanacpoc sat napato Dios. Covac sat apquitsepma apquitca aptiyam apmamyi naysicsa apquillanay sat tingma apvojac. Covac sat apquitsepma apquitca apsilhyo naysicsa apquillanay sat tingma apatnaoc — nic nat aptomjac Josué.

JUECES 1:7

Aptomjac nic nat apvisqui apmomap apquilanya: —Nanoc alhta sicmam setenta apquilviscaa, silanya alhta colyatemenalhcac apopjeoc alyivey apmeoc najan apmancoc. Atquitsic nic nat aptoycaoc ayinyema sicmasma coo nintom. Apyanmongsaclhec Dios sictemaclha ajanco quilhvo nac jay — nic nat aptomjac. Apyantamacpec nic nat Adonisedec tingma Jerusalén. Apquitsepmec nic nat maa.

JUECES 10:1

Apnec nic nat enlhit apvisay Tola, Fúa apquitca, Dodo aptavin, apquilmolhama ilhnic nat tribu Isacar. Apvascapquic nic nat elvomsic tap enlhitaoc Israel niptamin apvisqui Abimelec. Tingma pac nic nat Samir, inquilhe alvinatem Efraín.

JUECES 9:20

¿Naso ya apquilsilhnanomap apanco quellhip? Cotyapoc sat talha apnaclha Abimelec. Enatovasacpoc sat apnaycam tingma Siquem najan tingma Bet-milo. Cotajojoc sat talha, etvasacpoc sat Abimelec — nic nat aptomjac Jotam.

JUECES 9:24

Elngamcojoc sat acyanmongayclha aptemaclha apanco Abimelec, apcanama siclho eticyoc setenta apquitquic Jerobaal apquilpasmeyquiclha enlhitaoc tingma Siquem.

JUECES 9:45

Apquilimpocjac nic nat tingma Siquem apvisqui Abimelec najan apnaymacoc. Apsovjoc nic nat apquilmam. Apquiltovasquic nic nat tingma apyovoclhojo. Apsovjacpo ilhnic nat apticyovam. Apquilmayvesam nic nat yasic tingma aptovasomap.

JUECES 9:56

Aplingamcoc nic nat Abimelec apyanmongsayclha Dios aptemaclha apanco. Ayinyema ilhnic nat siclho apsilhnanomap apanco napato apyap ninga, apquilnapma setenta apquilyalhinga.