JUECES 9:15 - Enhlit Bible

¹⁵ Nasoc sat ancoc otnejic visqui coo, jelyota sat coo. Colhnamaja sat pisquisca acyitna coo. Am sat ancoc otnajac visqui coo, cotyapoc sat coo talha. Colmetic sat yamtaa cedro alvinatem netin inquilhe Líbano — nic nat aptomjac Jotam.

JUECES 9:15 Iomraidhean Croise

2 REYES 14:9

Apcapajasquic nic Joás, colhic altimnasa Amasías: Lhip Amasías, ingyeylhojo sicyitquiscama: Apquinmec yammeyac payjoc Líbano, apquinmec najan masit payjoc maa. Aptomjac nic nat yammeyac apcanya masit: Nomyov nasa lhip apquitca quilvana, colyimjapoc sat sictamongvoyam, etnejic sat aptava — alhta aptomjac. Pilapcasquic alhta acvaa asoc navjac aclom actacmo yammeyac, intovasquic alhta.

SALMOS 104:16

Yingmin actomja ayictinquiscama yamit. Yamit alvinatem cedro lhip nic nat apquinayclha inquilhe Líbano.

SALMOS 29:5

Innec alintasa alimja yamit cedro, ayinyema appayvam apanco. Innec alintasa yamtaa nalhma Líbano, ayinyema appayvam apanco.

ISAÍAS 1:31

Enlhit apyimnatem elhojoc sat yamit actajapma. Enlhit aptemaclha colhojoc sat talha alayvom. Comyetic sat lhama. Paj lhama enlhit yoyam esponsic — nic nat acvitay apvanmoncama Isaías.

ISAÍAS 2:13

Enatovacsic sat Visqui ingac enlhitaoc apquilyitsomacpo apanco yamit cedro inquilhe Líbano, najan alvinatem alimja yoclhilhma Basán.

ISAÍAS 30:2

Apquilpecjam quellhip elpamejitsacpojo co Egipto, mepqui selmalhnaycam coo, yoyam opasmoc. Apquiltamjoc quellhip epasmoc apvisqui faraón apquilyilhanmeycam quellhip co Egipto.

ISAÍAS 37:24

Lhip apquilasinancama ayinyema alhta sevenneycam lhip: Eycaso ayinyema lhip appayvam: Cotlaycaoc coo carros najan singilpilhtetemo. Osavojoc sat netin inquilhe naysicsa ningimpocjay. Najan netin inquilhe Líbano sicyatemenma yamit cedro alvinatem, najan moc yamit pinos altamila anco. Acvitac mataa inquilhe nitno, acvitac nalhma, malha actomjayclho yamit ilhnamoc flores.

LAMENTACIÓNES 4:20

Apmacpec alhta Dios apquilyacyescama, aptomja singmasma naysicsa ningileyvam. Aplhenacpec alhta: Apvanquic jingilmeyvoc naysicsa ningileyvam lhalhma anco nipyesicsa enlhitaoc — alhta ningiltomjac.

EZEQUIEL 19:14

Actengaoc alhta ayinyema talha acsovjomo ava najan acyilhna. Comalhquejec sat mocjam, comalhquejec sat yoyam collanalhca yamit apanco apvisqui — intomjac ningminaycmascama. (Eycaso acvisay ningminaycmascama actemaclha acmayovsa ingvalhoc naysicsa ningatoynma enlhit apquitsepma.)

EZEQUIEL 31:3

Apyitsomacpo lhip yamit acvisay cedro ayimja payjoc Líbano. Altamila anco actengaoc, najan actamila anco pisquisca coning yamit. Inticlhicvocmec yipjopay ayitsicsic yamit.

DANIEL 4:12

Altamila alhta ava, cotlaycaoc alhta acyilhna eltovamcoc apyovoclhojo enlhit. Inquilyancac alhta pisquisca enlhit apnatoscama. Inquilyancac alhta nata allanay alhanaoc netin yamit. Inquinyemac alhta as yamit nintom, apquiltiyaningvoycta apyovoclhojo enlhitaoc as nalhpop.

OSEAS 14:7

Otnejic sat mocjam sicmasma nipyesicsa enlhitaoc Israel. Ellhojoc sat apquilictingam trigo apilhquipcoc. Ellhojoc sat ilhnamoc uva avjac. Ellhojoc sat uva ayingmenic ayinyema Líbano.

NÚMEROS 21:28

Apquilvatnec alhta talha poc tingma, apquilvita enlhit apvisqui tingma pac Sehón. Aptovasacpec alhta tingma Ar de Moab, payjoc inquilhe vatsam Arnón

SAN MATEO 13:32

Quitsic anco mosiyov actic, am colhno moc actic lhalhma anco. Inquinalhquic sat ancoc actic, coctong sat. Yejemoc actomja acyiviy, malha yamit. Inpayjingvocmec actingaoc. Avanquic colyinavac nata netin actingaoc —alhta aptomjac.

JUECES 9:14

—Yiplovcoc nic nat alyacyescama yammeyac, cotnejic sat avisqui.

JUECES 9:16

Aptomjac nic nat mocjam: Jeltimnas sat quellhip: ¿Naso ya quellhip eltimesquisic apvisqui Abimelec? ¿Apquilmiyovqui ya quellhip Jerobaal najan apquilmolhama, acno alhta apquilmiyovmap quellhip, ayinyema apvascapma alhta Jerobaal? - Ayinayc coo paj.

JUECES 9:20

¿Naso ya apquilsilhnanomap apanco quellhip? Cotyapoc sat talha apnaclha Abimelec. Enatovasacpoc sat apnaycam tingma Siquem najan tingma Bet-milo. Cotajojoc sat talha, etvasacpoc sat Abimelec — nic nat aptomjac Jotam.

JUECES 9:44

Lhama grupo apquillhalhmaa Abimelec apquilvocmo ilhnic nat tingma apatong acyivey. Apcanit grupos apquilnapma ilhnic nat amyip. Apticyovquic nic nat apquilinmelhaycam.

JUECES 9:49

Apquilyatemenquic nic nat yamit actengaoc aquillhalhmaa apquilyiplaclho Abimelec. Apquilvocmec nic nat apquilyilhanmomaclha tingma apponquinomap. Apquilicjesquic nic nat yamit actengaoc apquilvatna talha. Apquilitsepquic nic nat apyovoclhojo co Migdal-siquem malha mil enlhitaoc najan quilvanaa.