JUECES 8:27 - Enhlit Bible

²⁷ Apquillanac nic nat Gedeón quilaycmasquiscama acyitsomalhca dios. Appiquinquic nic nat tingma pac apvisay Ofra. Apquiltingyac nic nat enlhitaoc Israel, yoyam eltimjic apquilayo quilaycmasquiscama. Malha trampa quiljanma ilhnic nat intomjac, yoyam esilhnanacpoc Gedeón najan apquilmolhama.

JUECES 8:27 Iomraidhean Croise

SALMOS 106:35

Apquilpalhavocmec nic nat metnaja apnaymacoc. Apquilvajanamquic nic nat apquiltemaclha apancaoc.

SALMOS 106:39

Apquilsilhnanacpec nic nat apanco ayinyema apquiltemaclha apancaoc. Apquilyinyovquic nic nat Dios ayinyema apquiltemaclha apancaoc.

SALMOS 73:27

Naso, enatovasacpoc sat apquiltomja apquilvatseycaoc. Lhip sat enatovacsic apquiltomja apquilyamasma lhip.

ÉXODO 23:33

Noelane nasa cotnaja ingmoc elpalhavomoc nipyesicsa quellhip. Elsilhnanacpoc sat quellhip, ayinyema apquilvajaneycaoc quellhip elpayicsojo quilaycmasquiscama apancaoc. Comascoc sat apquileyvam quellhip, apquilmiyova inlhojo cotnaja ingmoc.

ÉXODO 32:4

Aptimec nic nat talha acpayesayclha oro asoc alyinmom. Talha alhancoc avalhoc nic nat apquillana quilaycmasquiscama vayqui ayitcoc. Apquiltomjac nic nat apquilpamesma: —Eycaso apvisay Dios Visqui ingac singnalovsingvoyclha alhta Egipto — nic nat apquiltomjac.

ÉXODO 34:16

Noelyimjapquis nasa apquitquic eltimjic apnatamcaa quilvana ayitcoc cotnaja acpayvomó lhama. Elsilhnanacpoc sat quellhip apquitquic, elpasmoc sat apnatamcaa actemaclha apquilayo quilaycmasquiscama.

ISAÍAS 8:20

Colhic sat singiltimnasa amyaa, yoyam ongilyasamcojo — sat cotnejic amyaa. Acyeyjamelhma apquilpayvam sat cotnejic apquiljalhenmo quellhip.

EZEQUIEL 7:20

Insilhnanalhquic apquilvalhoc ayinyema asoc acmamnave, yoyam ellanac quilaycmasquiscama almasomcaa sictanoncama coo. Cotniclhac sat asoc ápac acyovoclhojo asoc acmamnave.

OSEAS 2:2

Aptomjac alhta Dios Apyimtalhnamo apquilanya: ¡Eltimesquis acmasom inquin quellhip! ¡Elinmelham sat quellhip! ¡Ayinyema cotnaja etava coo! ¡Motnajac coo quilvana atava! ¡Elane sat colvaticsic actemaclha anco alanatama! ¡Elane sat coljalhyovacsic alnatanma alyinmom!

OSEAS 3:4

Acvoncaclhojo sat cotnejic mepqui apvisqui nipyesicsa enlhitaoc Israel, mepqui apvisqui rey, mepqui asoc macmescama Dios, mepqui mataymong apquilmalhnancamaclha, mepqui apquilantalhnama sacerdotes, mepqui quilaycmasquiscama congne aplhancoc.

DEUTERONOMIO 12:5

Dios Apyimtalhnamo elyacyecsic sat mayayoclha nipyesicsa apquilmolhama tribus enlhitaoc, apvamlha pac lhama carpa apponquinomap, yoyam eltingya quellhip.

DEUTERONOMIO 7:16

Elsavojo sat quellhip apquilnapma cotnaja ingmoc, noelmiyov nasa quellhip. Noeltime nasa apquilayo quilaycmasquiscama, ellingamcojoc sat apticyovam quellhip.

DEUTERONOMIO 7:25

Elvit sat talha quilaycamasquiscama acyitsomalhca dios. Noelmiyov nasa alnatanma oro najan plata. Elsilhnanacpoc sat quellhip napato Dios Apyimtalhnamo. Aptanovquic mataa asoc apquilposcama najan apquilmasma quellhip.

JUECES 17:5

Yitnec nic nat tingma pac aplhancoc acponquinomalhca, acyitnamaclha quilaycmasquiscama. Intingyalhquic nic nat apquilmaycam sacerdote najan moc quilaycmasquiscama alvisay dioses. Aptimesacpec nic nat sacerdote lhama apquitca Micaía.

JUECES 18:14

Apnam nic nat cinco enlhit apquiltiyaningvoyam siclho Lais, apquiltomja apquilanya apnaymacoc: —¿Apquilyasamco ya quellhip? Yitnec congne as tingma apquilmaycam sacerdote najan quilaycmasquiscama alvisay dioses. Najan maa quilaycmasquiscama acyitsomalhca dios, ayimpejic plata alyinmom. ¿Jalhco sat eltimjic quellhip? — nic nat apquiltomjac.

JUECES 18:17

Apquilantalhnec nic nat tingma cinco enlhit, elpatmaoclhac sat quilaycmasquiscama acyitsomalhca dios, ayimpejic plata alyinmom. Najan maa apquilmaycam sacerdote najan quilaycmasquiscama alvisay dioses. Apnec nic nat sacerdote tingma apatong apquinmamcaclha singilpilhtetemo.

JUECES 2:2

Colapvanquejec quellhip elpamejitsacpojo actomja apquilaoclha, actemaclha pacto apquilmiyovmacpilha. Elnatovas quellhip altares apancaoc actomja apquilaoclha, apquilayo quilaycmasquiscama — alhta aptomjac. Am alhta jelilyajaclhoc quellhip. ¿So actomja yi?

JUECES 2:3

Actomjac coo siyanya quellhip: —Molantipsejec sat mocjam enlhitaoc actomja apquilaoclha napatavo quellhip. Elmacpoc sat quellhip malha trampa acmam, ayinyema as enlhitaoc actomja apquilaoclha najan ayinyema quilaycmasquiscama apancaoc acyitsomalhca dios — nic nat aptomjac ángel.

JUECES 6:11

Apvaac nic nat lhama ángel Dios apcasinancama. Apnactac nic nat coning yamit, payjoc Ofra. Amyip apanco ilhnic nat Joás, Abiezer apmolhama. Joás apquitca ilhnic nat Gedeón. Apliquic nic nat trigo apactic payjoc acyajapsomalhquilha uva acyilhna. Apyilhacpoc nic nat aptamjaycam Gedeón, melvityejec sat madianitas.

JUECES 6:24

Apquillanac nic nat apvatnamaclha asoc macmescama Dios, etnejic apcayo. Aptimec nic nat acvisay: Actamilaycam ingvalhoc ayinyema Dios. Tingma Ofra nic nat acyitna as ningvatnamaclha. Yitnec mocjam as ningvamlha nac jay, nipyesicsa apquilmolhama clan Abiezer.

JUECES 8:26

Apcansaclhec nic nat acyovoclhojo, acvaycmo 19 kilo de oro. Apcansaclhec nic nat mocjam moc asoc alyinmom apquilnatam, mocjam apava apyimtalhnama apquinyema apquilviscaa co Madián. Najan maa apquilnatanma apyispaoc camellos voncayispoc.

JUECES 8:28

Am nic nat eltomjac mocjam apquilyimnatem co Madián. Aptiyasam nic nat mocjam cuarenta años Gedeón. Am nic nat elnapacpoc mataa as yoclhilhma, mepqui ilhnic nat mataa quimpocjacme.