JUECES 7:4 - Enhlit Bible

⁴ Aptomjac nic nat Dios apcanya: Appintalhnama mocjam apquilaymomap. Ilyajamquis sat lhip apnaymacoc acyitnamaclha yingmin. Coo sat olyipconic enlhitaoc. Coo sat olyacyecsic apquillhalhmaa. Eltajiclhac sat mocjam poc apnaymacoc — nic nat aptomjac Dios.

JUECES 7:4 Iomraidhean Croise

GÉNESIS 22:1

Nalhit acnim nic nat intomjac. Apyipconquic nic nat Dios actemaclha meyasquiyam Abraham. Aptomjac nic nat Dios apquevamcaa: —Abraham— nic nat aptomjac. Apcatingmavoc nic nat Abraham: —Acnec coo aso— nic nat aptomjac.

JOB 23:10

Apyasamcoc sictemaclha coo sicyiplovquiscama, sictamila coo napato, malha oro alyinmom.

SALMOS 33:16

Memejec tap lhama apvisqui nipyesicsa apnaymacoc appintalhnama. Mengyinquitacpejec mataa enlhit ayinyema apyimnatem apanco.

SALMOS 66:10

Dios Visqui ingac. Lhip aptomja singyicpilquemo apyipcona ingilvalhoc. Lhip aptomja singiltamescama. Acno singiltimesquiscama ningiltamila.

SALMOS 7:9

Ilvatasquis apquiltemaclha apquilmapsomcaa. Ilmiyov sat apquilpeyvomo. Ayinyema lhip aptemaclha appeyvomo. Ilyicpilcojo alquitamsama ingvalhoc.

JUECES 7:5

Apnalaclhec nic nat apnaymacoc Gedeón elyinamcoc yingmin. Aptomjac nic nat Dios apcanya: Ilyacyes sat moclhama apnaymacoc, apquiltomja apquilyacvom yingmin apmeoc. Elyamilam apalhcaoc, acno nintoscama simjing acyam yingmin. Ingyilhpanquis sat poc apquilticlha aptapnaoc, elyinamcoc yingmin mepqui apquilyacvom apmeoc — nic nat aptomjac Dios.

1 SAMUEL 14:6

Aptomjac nic nat Jonatán apcanya apyimnanic: —Noc, ongilyamoc grupo filisteos metnaja nintemolhama. Jingilpasmoc sat lhaja Dios. Conyemac sat Dios nintemaclha ningyimnatem, tasic nimpintalhnama, tasic najan incanit — nic nat aptomjac Jonatán.

1 SAMUEL 16:7

Aptomjac nic nat Dios apcanya profeta: —Noncolhen nasa apvalhoc lhip actemaclha apvitay apyovoclhojo najan aptemaclha apvinatem. Am alhta olyacyasac coo. Moc actemaclha ningilyacyescama nincoo moc actemaclha apquilyacyescama Dios. Ningilanoc mataa apyovoclhojo ningvita enlhit. Dios eyca apquilanoc mataa apvalhoc enlhit — nic nat aptomjac.