JUECES 6:25 - Enhlit Bible

²⁵ Apcanyacpec nic nat Gedeón as alhtaa: —Itingya siclho apyap aptoscama vayqui inquinavo, cotnaja actiyam amamyi. Aptoscama acyivey, acvaycmo siete años. Itvas sat apyap apanco apvatnamaclha asoc macmescama quilaycmasquiscama Baal. Itvas sat najan yamit acponquinomalhca ayimja nicja apvatnamaclha.

JUECES 6:25 Iomraidhean Croise

GÉNESIS 35:2

Aptomjac nic nat Jacob apquilanya apmolhama najan aplhamoclhojo apnaymacoc: —Etlhaoc sat quellhip quilaycmasquiscama acyitsomalhca dios acnaycaoc nipyesicsa quellhip. Elyapasaoc sat yingmin. Elyanmongsiclha poc apquilantalhnama.

1 REYES 18:21

Apquinmam nic nat profeta Elías napatavo enlhitaoc apcanayclha. Apyimnatasquic nic nat appayvam apquilanya: —Apquilaycmascam nac quellhip apquiltomja anit apquilvalhoc. Nasoc sat ancoc aptomja Visqui ingac Dios, elyiplovcasojo sat quellhip. Nasoc sat ancoc actomja Visqui ingac quilaycmasquiscama Baal, elyiplovcasojo sat maa. Elyacyes sat lhama quilhvo nac jay — nic nat aptomjac profeta. Am nic nat elatingmavoc enlhitaoc.

JOB 22:23

Apyanmoncasquic sat ancoc apvalhoc lhip napato Dios, ingyasicjacpoc mocjam lhip. Ingyas asoc acmasom lhip tingma pac.

SALMOS 101:2

Naysicsa sictiyascam otamilsalhcojo ajanco. ¿Co sat acvam jeyotac sat lhip? Otyisam sat mepqui sicsilhnanomalhca ajanco nipyesicsa sicmolhama.

ÉXODO 34:13

Elnatovas sat maa apquilmalhnancamaclha acyitnaclha quilaycmasquiscama. Elnatovas sat mataymong quilaycmasquiscama acyitsomalhca dios. Elnatovas sat yamit (poste) quilaycmasquiscama acyitsomalhca dios.

SAN MATEO 10:37

‘Avanjec sat ancoc enlhit apcasicjayo apyap najan inquin, am colhno seyasicjayo coo, copvanquejec etnejic siltamescama. Avanjec sat ancoc enlhit apcasicjayo apquitca, am colhno seyasicjayo coo, copvanquejec etnejic siltamescama.

SAN MATEO 6:24

‘Mongvanquejec ongilanam apcanit apquilviscaa. Apcasicjavoc sat ancoc lhama, etanovac sat poc. Apcacoc sat ancoc lhama, evinam sat poc. Najan quellhip lha, colapvanquejec ellanam Dios Ingyapam najan lha solyayem —alhta aptomjac. Aptomjac alhta mocjam Jesús:

LOS HECHOS 4:19

Yejemoc alhta apcatingmavoc Pedro najan Juan: —¿Soc lha asoc actomja acpeyvomo napato Dios? ¿Pa ya ongilaylhojo quellhip, inlhoyqui laa ongilaylhojo Dios Ingyapam? Elyicpilcojo sat quellhip lha.

LOS HECHOS 5:29

Apquilatingmavoc alhta Pedro najan apnaymacoc apóstoles apquilapajasomap: —Ingvanquic nincoo mongilyejiclhojo enlhit. Eyca Dios mongvanquic mongilyejiclhojo.

DEUTERONOMIO 7:5

Eltime sat quellhip actema nac jay: Elnatovas sat maa apquilmalhnancamaclha acyitsomalhca quilaycmasquiscama. Elnatovas sat mataymong quilaycmasquiscama. Elnatovas sat yamit (poste) quilaycmasquiscama. Elvit sat talha acyovoclhojo quilaycmasquiscama acyitsomalhca dios.

JUECES 2:11

Acmasom nic nat apquiltemaclha apancaoc israelitas napato Dios Apyimtalhnamo. Apquiltomjac nic nat apquilayo quilaycmasquiscama acyitsomalhca dios acvisay Baal.

JUECES 3:7

Acmasom nic nat apquiltemaclha apancaoc israelitas napato Dios Visqui ingac, mellhanma mocjam apvisay Dios. Apquiltomjac nic nat apquilayo quilaycmasquiscama Baal najan Astarté.

JUECES 6:26

Ilana sat lhip netin inquilhe moc apvatnamaclha asoc macmescama Dios. Ingyaa sat vayqui inquinavo cotnaja actiyam amamyi. Iyatemen sat yamit acponquinomalhca ayimja nicja, yoyam elvitic talha. Cotnejic sat asoc acmatnam macmescama Dios acyanmongam mongilyascalhma — nic nat aptomjac ángel.