JUECES 6:15 - Enhlit Bible

¹⁵ Apcatingmavoc nic nat Gedeón: —Va, Visqui nac lhip. ¿Jalhco sat otnejic olvomsic tap enlhitaoc Israel? Incanit nincoo ningmolhama clan nipyesicsa apquilmolhama tribu Manasés. Esilhyoc coo tata tingma pac — nic nat aptomjac Gedeón.

JUECES 6:15 Iomraidhean Croise

GÉNESIS 32:10

Acvennalhquic coo napato lhip aptomja seyapeycam najan aptomja semasma alhta. Acmilanquic alhta as vatsam Jordán siclhingam alhta. Acsovquic alhta lhama yamit. Acnalantac quilhvo nac jay malha apcanit tingma.

ÉXODO 3:11

Apcatingmavoc nic nat Moisés: —¿Sicyimtalhnamo ya coo yoyam oyacsic apnaclha apvisqui faraón? ¿Evanqui ya onalovsingvoclha enlhitaoc Israel yoclhilhma Egipto? — nic nat aptomjac.

ÉXODO 4:10

Apcatingmavoc nic nat Moisés: —Nacalhaja, Visqui 'jac. Mepqui sicmovan olyatam. Sictemaclha ajanco nano najan sictemaclha alhta seyanem alhta lhip sictomja silancam lhip. Paj cotepac mataa sicpayvam. Am ovanac mataa opamejitsic — nic nat aptomjac Moisés.

JEREMÍAS 1:6

Ayatingmavoc alhta coo: Lhip Dios Apyimtalhnamo. Paj coo ovanac olngacsic, eyitcoc mocjam coo — alhta actomjac coo.

JEREMÍAS 50:45

Quip elaylhojo aclhanmaclha evalhoc sictemaclha, yoyam ongvinmelham co Babilonia, yoclhilhma apquileyvomaclha caldeos: Elmacpoc sat, enalacpoc sat mocjay sicaa najan melyimnatem. Cotlapsic sat apquilvitacpo.

MIQUEAS 5:2

Tingma Belén yoclhilhma Efrata, apquitcoc as tingma nipyesicsa apquilmolhama Judá. Ingyinyemac sat maa apvisqui apancaoc Israel. Apvisay aptavin niptamin apquilyeyjamcaa nanoc nat.

SAN LUCAS 1:34

Incatingmavoc alhta María: —¿Jalhco sat cotnejic as asoc? Am coo etava ma —alhta intomjac.

1 CORINTIOS 15:9

Moyimtalhnamo actomjac coo, am olhnoc enaymacoc apóstoles. Ayaponcanalhquic coo colhic actimesa sicvisay apóstol. Ayinyemaclha sicminlhinaycam alhta siclho Jesucristo apmolhama.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

JUECES 6:11

Apvaac nic nat lhama ángel Dios apcasinancama. Apnactac nic nat coning yamit, payjoc Ofra. Amyip apanco ilhnic nat Joás, Abiezer apmolhama. Joás apquitca ilhnic nat Gedeón. Apliquic nic nat trigo apactic payjoc acyajapsomalhquilha uva acyilhna. Apyilhacpoc nic nat aptamjaycam Gedeón, melvityejec sat madianitas.

1 SAMUEL 18:23

Apquillhinquic nic nat Saúl apquilancam, elpamejitsacpojo David. Aptomjac nic nat David apquilanya: —Coo sictomja mepqui asoc, najan mepqui sicyimtalhnamo. ¿Apquilanayqui ya quellhip coytic actamilaycam evalhoc, sictimem inlhojo visqui apipjayim? — nic nat aptomjac.

1 SAMUEL 9:21

Apcatingmavoc nic nat Saúl: —Coo siyinyema Benjamín apmolhama. Paj onlhamac nincoo nipyesicsa enlhitaoc Israel. Anitoc coo sicmolhama nipyesicsa Benjamín apmolhama. ¿Soc lha actema aplhanma lhip asoc? — nic nat aptomjac.