JUECES 6:13 - Enhlit Bible

¹³ Apcatingmavoc nic nat Gedeón: —Va, Visqui nac lhip. Nasoc sat ancoc singilpasmom Dios, ¿so actomja yi ninlingamco mataa acyimtalhnama? ¿Naso ya aptamjaycam simpilapquiscama nic nat Dios? Apquillhanma nic nat ningilyeyjamcaa: Singyinyovquiscama yoclhilhma Egipto Dios — nic nat intomjac amyaa. Ingilyinyovquic nincoo Dios Apyimtalhnamo. Ingiltimescasquic nincoo onlingamcojo acyimtalhnama nipyesicsa madianitas — nic nat aptomjac Gedeón.

JUECES 6:13 Iomraidhean Croise

GÉNESIS 25:22

Apcanit nic nat ayitquic avalhoc. Apquiltacmec nic nat poc avalhoc inquin. Intomjac nic nat avalhoc Rebeca: ¿Jalhco pa incotnejic sictiyascam?— nic nat intomjac avalhoc. Inquilmalhnaquic nic nat Dios Apyimtalhnamo.

2 CRÓNICAS 15:2

Apquilamyilhamquic nic nat, aptomja apcanya Asa: —¡Ingyeylhojo sicpayvam lhip Asa najan apyovoclhojo apquilmolhama Judá najan apquilmolhama Benjamín! Epasmoc sat quellhip Dios, apvita inlhojo apquilyiplovquiscama quellhip. Elvitac sat mataa Dios, apquiltingya inlhojo quellhip. Elyinyovacpoc sat quellhip, apvita inlhojo apquilyamasma quellhip Visqui ingac.

SALMOS 27:9

Noyilhanim nasa lhip naysicsa siyitamsama. Nojeyinyov nasa naysicsa aplom lhip. Lhip alhta sepasmom. Nojetvas nasa coo, nojeyinyov nasa. Lhip Visqui, aptomja sevomquiscama tap.

SALMOS 44:1

Dios Visqui ingac. Ninlingac alhta amyaa singiltimnascama ningilyeyjamcaa. Inlingalhquic nic nat lhip apvisay. Lhip aptamjaycam simpilapquiscama.

SALMOS 44:2

Apyinyovcasquic nic nat lhip apquilaoclha metnaja nimpayvomó lhama. Apquilmesquic nic nat lhip as yoclhilhma apquillhoy ningilyeyjamcaa. Apnatovasacpec nic nat apquiltomja siclho apquilaoclha. Aplhamaseclhec nic nat lhip ningilyeyjamcaa.

SALMOS 44:9

Quip ilanojo. Singyamasma lhip quilhvo nac jay acyiplomo ningilmancactama. Mepqui ninlhalhma mocjam lhip naysicsa ningilnapomalhca.

SALMOS 89:49

Visqui ingac. ¿Co laa acyasa (acyitna) siclhoc nat lhip apcasicjayo? Lhip nat aplhanma mepqui apyeycajascaoc napato David.

ISAÍAS 41:17

Apquilquitamquic yingmin apyinaycaoc enlhit mepqui asoc. Inyamacac mataa apatong ayinyema mepqui yingmin. Coo sicvisay Dios Apvisqui apancaoc. Ongvaylhojoc sat mataa coo selmalhnaycam quellhip. Moyinyovejec sat mataa.

ISAÍAS 63:11

Inyitnam nic nat apatic apquiltemaclha nano. Aptemaclha ilhnic nat Moisés apquilvomquiscama tap apnaymacoc. Apquiltomjac nic nat enlhitaoc: ¿Co laa apna Dios apquilvomquiscama tap Moisés vatsam Nilo, aptomjayclho apquilancam najan apvisqui apnaymacoc? ¿Co laa apna Dios apmescama espíritu apanco apvalhoc Moisés? — nic nat apquiltomjac.

ISAÍAS 63:15

Lhip Dios Apyimtalhnamo apna netin, apmaclha lhip actamila najan mayayo. Jingilanojo nincoo. ¿Co laa acyitna lhip aptemaclha singasicjayo najan aptemaclha apyimnatem? ¿Co laa acyitna lhip apvalhoc? ¿Apquilvatasqui ya lhquip jingilimlimojo?

JEREMÍAS 23:33

Aptomjac alhta seyanya Visqui ingac: Lhip Jeremías, elmalhnacpoc sat lhip ayinyema sacerdote, najan poc profeta, najan poc enlhit, etnejic ingyanic: ¿Yitne ya asoc acyimtalhnama ayinyema Visqui ingac? — sat etnejic. Ingyatingmojo sat lhip: Quellhip apquiltemaclha apancaoc actomja acyimtalhnama, eyinyoc sat Visqui ingac asoc acyimtalhnama.

ROMANOS 8:31

¿Jalhco sat ongiltimjic nincoo? Aptomjac sat ancoc Dios singmasma nincoo, copvanquejec lhama enlhit jingilinmelham nincoo.

DEUTERONOMIO 29:24

Sat eltimjic elanic enlhitaoc: ¿So actomja yi? ¿Co laa ayinyema aplom pac Dios? — sat eltimjic.

DEUTERONOMIO 31:17

Olvoc sat coo, oyanmongsiclhac sat apquiltemaclha apancaoc. Olyinyoc sat apyovoclhojo enlhitaoc, mopasmejec sat mataa, elmasquingvomoc sat maa. Ellingamcojoc sat acyimtalhnama, sat eltimjic ellhenic: Eycaso ninlingaycamco acyimtalhnama ayinyema singyamasma Dios — sat eltimjic.

JUECES 6:1

Apquilsilhnanacpec nic nat apanco enlhitaoc Israel napato Dios. Apquillingamcoc nic nat acmasom ayinyema apquilyimnatem co Madián acvaycmo siete años.

JUECES 6:12

Pilapcasquic nic nat apvita ángel Dios apcasinancama, aptomja apcanya: —Apyimnatem apanco nac lhip. Aplhalhma lhip Dios Visqui ingac — nic nat aptomjac.