JUECES 6:11 - Enhlit Bible

¹¹ Apvaac nic nat lhama ángel Dios apcasinancama. Apnactac nic nat coning yamit, payjoc Ofra. Amyip apanco ilhnic nat Joás, Abiezer apmolhama. Joás apquitca ilhnic nat Gedeón. Apliquic nic nat trigo apactic payjoc acyajapsomalhquilha uva acyilhna. Apyilhacpoc nic nat aptamjaycam Gedeón, melvityejec sat madianitas.

JUECES 6:11 Iomraidhean Croise

GÉNESIS 16:7

Invoclhec nic nat yoclhilhma actamopeycaoc amay acyascama moc yoclhilhma Shur. Innacmec nic nat nicja malhic actiyapmaclha yingmin. Pilapcasquic nic nat apvaa lhama ángel Dios apcasinancama.

GÉNESIS 48:16

Altamjoc coo epasmoc Dios ángel apanco as apquitcoc, acno setamilquiscama mataa naysicsa acyimtalhnama. Colvoncamejec sat mataa coo sicvisay najan apvisay sicyeyjamcaa Abraham najan Isaac. Ellhamiclhac sat apquitquic. Eltimjic sat appintalhnama lhalhma anco— nic nat aptomjac.

1 REYES 19:19

Apquimpaclhec nic nat Elías. Aptajanyac nic nat enlhit naysicsa apquilcacjam amyip, apvisay Eliseo, Safat apquitca. Doce ilhnic nat vayqui alhpejic. Amamyi ilhnic nat once vayqui alhpejic alyinyovascama vayqui yamquilvanaa. Alhayi ilhnic nat apquilcacjam Eliseo. Apyoclhec nic nat Elías. Apyinyovquic nic nat manta pac Elías apcalascacmo Eliseo.

ISAÍAS 63:9

Jave ilhnic nat ángel, yoyam elvomsic tap. Dios Apyimtalhnamo aptomja apquilvomquiscama tap. Aptomjac nic nat apquilmasma enlhitaoc, ayinyema aptemaclha apcasicjayo najan apcamliyam. Apquinimcasquic nic nat netin, apcaynec nic nat mataa apnaymacoc.

NÚMEROS 26:30

najan Jezer, najan Helec,

HEBREOS 11:32

¿Soc moc asoc yoyam olhenic mocjam? Inyavatoc mataa acnim, movanquejec osavojo olhenic amyaa. Aplhenacpec nic nat enlhit apvisay Gedeón, najan poc apvisay Barac, najan poc apvisay Sansón, najan poc apvisay Jefté, najan poc apvisay apvisqui David, najan poc apvisay Samuel, najan apquiltomja profetas Dios apquillingascama.

JOSUÉ 17:2

Apquilmilasquic nic nat mocjam yoclhilhma actemaclha sicas. Apquillhocac nic nat moclhama clanes apquilmolhama, najan Manasés apquitquic: apvisay Abiezer, najan Helec, najan Asriel, najan Siquem, najan Hefer, najan Semida. Eycaso ilhnic nat Manasés apquitquic, apquiltomja José aptovana.

JOSUÉ 18:23

najan Avim, najan Pará, najan Ofra,

JUECES 13:3

Pilapcasquic nic nat apvitacpo ángel Dios apcasinancama. Aptomjac nic nat apcanya quilvana: —Lhiya, cotay ayitca nac lhiya.

JUECES 13:6

Inquiltimnasquic nic nat atava quilvana, actomja ayanya: Pilapcasquic lhac sicvita ángel Dios apcasinancama. Apvaac sicnaclha coo. Paj oyasamcoc apquinyemayaclha. Am lhac jeltimnasac apvisay.

JUECES 5:23

Inlingalhquic alhta appayvam ayinyema ángel Dios apcasinancama: ¡Ellingamcojoc sat acyimtalhnama enlhitaoc Meroz! Am alhta elpasmiclhac, eltimjic apquilyimnatem appasmom Dios.

JUECES 6:12

Pilapcasquic nic nat apvita ángel Dios apcasinancama, aptomja apcanya: —Apyimnatem apanco nac lhip. Aplhalhma lhip Dios Visqui ingac — nic nat aptomjac.

JUECES 8:2

Aptomjac nic nat Gedeón apquilanya: —Apquilyimnatem apanco quellhip, am olhno coo. Actamila anco apquiltomjaclha quellhip, am colhnoc ningilvascapma nincoo naysicsa quimpocjacme.

JUECES 9:5

Apnalaclhec nic nat tingma Ofra, apyap ninga Jerobaal tingma pac. Apquilmacpec nic nat setenta apquilmolhama. Apticyovquic nic nat netin mataymong acyivey. Am nic nat ematnac Jotam, Jerobaal apquitca apsilhyo. Apyilhanmec nic nat.