JUECES 3:12 - Enhlit Bible

¹² Acmasom nic nat apquiltemaclha apancaoc israelitas napato Dios Visqui ingac. Aplhocac nic nat apmopvan ayinyema Dios cotnaja ingmoc apvisay Eglón, apvisqui nipyesicsa moabitas. Apquilyimnatem apanco ilhnic nat moabitas, am nic nat elhno israelitas.

JUECES 3:12 Iomraidhean Croise

2 REYES 5:1

Singilpilhtetemo apvisqui ilhnic nat general Naamán. Apvisqui ilhnic nat yoclhilhma Siria, nipyesicsa singilpilhtetemo apancaoc. Apyimtalhnamo ilhnic nat general Naamán napato apvisqui co Siria. Apquilyimnatem nic nat co Siria naysicsa apquilnapomap cotnaja ingmoc. Dios aptomja apmasma enlhitaoc co Siria. Innec nic nat ayaco general Naamán. Ningmasquem lepra ilhnic nat incajac.

ÉXODO 9:16

Am alhta omascosac aptiyascam lhip. Etac sat sicmovan ajanco. Colngalhcac sat sicvisay lhalhma anco nipyesicsa enlhitaoc.

ISAÍAS 10:15

¿Naso ya acyimnatem anco tava, mepqui enlhit apmaycam tava? ¿Avanqui ya sierra monayim'pacyic mepqui enlhit apmaycam? Covanquejec mataa yamit apqueleneycam enlhit mepqui apmaycam enlhit.

ISAÍAS 37:26

Am alhta jeyicpilcac lhip, sicvisay Visqui coo. Coo ayinyema aclhamoclhojo asoc, ayinyema aclhanma evalhoc. Cotnejic sat as ningvamlha nac jay. Lhip aptovascama mataa tingma apquilvanyam acma apjalhtam. Apsovjoc mataa aptovascama lhip, mengayacpejec lhama tingma.

EZEQUIEL 38:16

Elimpocjac sat quellhip nipyesicsa israelitas. Cotnejic sat malha yatepiyam apquilimpocjay quellhip. Cotnejic sat actamongvamlha acnim, yoyam ongvanic lhip najan apquillhalhmaa elimpocjac enlhit ajancaoc. Olhicmocsic sat lhip apvisqui Gog sictemaclha sicmovan ajanco, elvitac sat enlhitaoc metnaja israelitas sictemaclha mayayoclha ajanco, sicvisay Visqui apancaoc Dios, alhta aptomjac.

DANIEL 4:22

Lhip visqui apyimtalhnamo apyitsomacpo yatim acvinatem. Apyimtalhnamo apanco nac lhip, acvaycmo netin lhip apcanamaclha najan acvaycmo lhalhma anco as nalhpop.

DANIEL 5:18

Dios apna netin aptimesquiscama alhta lhip apyap ninga Nabucodonosor, etnejic apvisqui apyimtalhnamo, najan mayayo nipyesicsa enlhitaoc.

OSEAS 6:4

Aptomjac alhta apquilanya Dios Apyimtalhnamo: ¿Jalhco sat oltimesquisic quellhip apquilmolhama Efraín? ¿Jalhco sat oltimesquisic quellhip apquilmolhama Judá? Acvitac coo selasicjayo quellhip, malha tiyam etin alhtoo, najan malha acyesalhma alhtoo, quilhvoc mataa yoyam comascoc.

SAN JUAN 19:11

Apcatingmavoc alhta Jesús: —Am ancoc conyemac netin lhip apmopvan, copvanquejec ingyanic lhip yoyam omatong. Avanjec apmapsom yoyam esilhnanacpoc as enlhit aptomja apcanem yoyam omalhca, am elhnoc lhip —alhta aptomjac.

JUECES 2:11

Acmasom nic nat apquiltemaclha apancaoc israelitas napato Dios Apyimtalhnamo. Apquiltomjac nic nat apquilayo quilaycmasquiscama acyitsomalhca dios acvisay Baal.

JUECES 2:14

Aplovquic nic nat Dios, apvita inlhojo apquiltemaclha apancaoc israelitas. Apquillingamcoc nic nat acyimtalhnama apquilminyilhma cotnaja ingmoc apquilnatam israelitas. Am nic nat elyimnac israelitas, apquilimpocja inlhojo cotnaja ingmoc.

JUECES 2:19

Apquilvatsamquic nic nat mataa niptamin enlhit mayayo. Inyangvocmec nic nat apquiltemaclha acmasom, am nic nat colhno apquiltemaclha apquilyeyjamcaa. Apquiltomjac nic nat apquilayo quilaycmasquiscama. Am nic nat elvatsamcoc apquiltemaclha apancaoc acmasom.

JUECES 3:11

Intamilaclhec nic nat apquilvalhoc. Am nic nat elimpocjac mocjam acvaycmo cuarenta años. Apquitsepmec nic nat Otoniel.

1 SAMUEL 12:9

Inquilvoncacmec nic nat apquilyeyjamcaa apvisay Dios Apyimtalhnamo. Apquilmacpec nic nat nalhit acnim, ayinyema singilpilhtetemo apvisqui Sísara. Apvisqui ilhnic nat Jabín, tingma Hazor. Apquilmacpec nic nat nipyesicsa filisteos najan nipyesicsa co Moab, apquiltomjac alhta apquilnapomap.