JUECES 20:21 - Enhlit Bible

²¹ Apquilantipquic nic nat tingma apvanyam apquilmolhama Benjamín. Apquilnapacpec nic nat. Apticyovquic nic nat as acnim veintidós mil israelitas.

JUECES 20:21 Iomraidhean Croise

GÉNESIS 49:27

Benjamín aptomja malha asoc navjac aclom. Intovquic mataa alhtoo acyamonquilhma. Actalhnam sat emlascoc asoc apsayquinta —nic nat intomjac appayvam Jacob.

2 CRÓNICAS 28:10

Apquilmacpec alhta co Judá najan co Jerusalén, quellhip apquilmam, eltimesquisic sat yoyam eltimesam apquilinava, yoyam coltimesam quilvanaa almomalhca nipyesicsa quellhip. Coyangvomoc sat apquilsilhnanomap apanco quellhip napato Dios.

SALMOS 33:16

Memejec tap lhama apvisqui nipyesicsa apnaymacoc appintalhnama. Mengyinquitacpejec mataa enlhit ayinyema apyimnatem apanco.

SALMOS 77:19

Apmilanquic nic nat lhip yingmin acvanyam, malha lhip amay pac. Am nic nat cotalhcac apminic apquillhingam.

SALMOS 78:62

Yiplovcoc nic nat acyivey aplom Dios aptanoncama enlhitaoc. Am nic nat elmiyavac Dios, apvita inlhojo apticyovam enlhitaoc.

JEREMÍAS 12:1

Lhip Visqui ajac, impeyvoc mataa lhip appayvam. Altamjo inyicje olmalhnac lhip yoyam oyasamcojo. Mepqui mataa apquillingaycamco acmasom enlhit apquilmapsomcaa, ¿so actomja yi? Mepqui apquillingaycamco acmasom enlhit apquilyinimquiscama, ¿so actomja yi?

OSEAS 10:9

Aptomjac alhta Dios Apyimtalhnamo: Actiyapmaclha melyascalhma enlhitaoc payjoc tingma Gabaa. Am elvatsamcoc mocjam, apquilyiplovcasquic mataa apquiltemaclha apancaoc. Ellingamcojoc sat as enlhitaoc apquilmapsomcaa apquilnapomap apquilimpocjay.

DEUTERONOMIO 23:9

Apnam sat ancoc quellhip carpa tingma, yoyam ellana apquilimpocjay nipyesicsa cotnaja ingmoc, noelpaysimquis nasa apyimpeoc najan apquilvalhoc, etanovac sat Dios.

JUECES 20:20

Apquiltimyesaclhec nic nat apyovoclhojo, elnapacpoc sat jilip tingma Gabaa, apquilantepa inlhojo apquilmolhama Benjamín.

JUECES 20:22

Apquiltajavoc nic nat israelitas tingma Betel. Apquilyapcalhquic nic nat maa acyovoclhojo acnim napato Dios. Apquiltamjoc nic nat elyasamcojo mocjam apquilvisay apquilmolhama, yavamlha elimpocjac mocjam nipyesicsa apquilmolhama Benjamín. Apquilanyacpec nic nat ayinyema Dios Visqui ingac, yavamlha elimpocjac mocjam. Inquilmec nic nat apquilvalhoc apquillinga, apquilvascapquic nic nat mocjam. Moc acnim nic nat apquilmiyaclho mocjam, elhnasojoc sat apquiltemaclha acnim alhta, elnapacpoc sat apquilmolhama Benjamín, payjoc apquicjingvoycamlha acnim alhta.

JUECES 20:25

Mocjam lhama apquilantepac nic nat apquilmolhama Benjamín tingma Gabaa, yoyam elnapacpoc. Apticyovquic nic nat dieciocho mil singilpilhtetemo israelitas.