JUECES 2:17 - Enhlit Bible

¹⁷ Am nic nat elilyajaclhoc mataa apcanamaclha enlhit mayayo. Apquilvatsamquic nic nat apquilayo Dios Apyimtalhnamo, apquiltomja apquilayo quilaycmasquiscama acyitsomalhca dios. Apquilyiplovcasquic nic nat apquilyeyjamcaa singanamaclha Dios, am nic nat elyiplovcasac as enlhitaoc apquilvisay aptovana niptamin.

JUECES 2:17 Iomraidhean Croise

SALMOS 106:39

Apquilsilhnanacpec nic nat apanco ayinyema apquiltemaclha apancaoc. Apquilyinyovquic nic nat Dios ayinyema apquiltemaclha apancaoc.

SALMOS 106:43

Nalhit acnim nic nat apquilvomsomacpo tap. Apquilinmelham nic nat mocjam. Apquilsilhnanacpec nic nat apanco ayinyema apquiltemaclha apancaoc.

SALMOS 73:27

Naso, enatovasacpoc sat apquiltomja apquilvatseycaoc. Lhip sat enatovacsic apquiltomja apquilyamasma lhip.

ÉXODO 32:8

Apquilvatsamquic elyiplovcasojo actemaclha siyanamaclha. Apquillanac quilaycmasquiscama vayqui ayitcoc. Allanomalhca oro asoc alyinmom. Apquilpayasoc enlhitaoc, apquilajac apnatoscama macmescama quilaycmasquiscama. Apquiltomjac apquilpayvam: —Eycaso apvisay Dios Visqui ingac, singnalovsingvoyclha alhta yoclhilhma Egipto — lhac apquiltomjac — nic nat aptomjac Dios Apyimtalhnamo.

JEREMÍAS 3:6

Aptomjac nic nat profeta: Naysicsa aptimem apvisqui Josías, aptomjac alhta Visqui ingac seyanya coo: ¿Apvita ya lhquip apquiltemaclha apancaoc israelitas? Apquilyitsomacpo quilvana alanatama acyitnamó lhama enlhit netin inquilhe lhalhma anco, najan coning yamit mayayoclha.

JEREMÍAS 6:16

Aptomjac alhta Dios Apyimtalhnamo apquilanya enlhitaoc: Yejemec siclho apquillhinga amay quellhip. Elilmalhna siclho amay nano, elyiplaclha sat amay actamila anco, colhic sat aclovquisa apquilyampay quellhip. Apquiltomjac apquilatingmavo quellhip: Paj, mongilyiplaclhejec sat maa — alhta apquiltomjac quellhip — alhta aptomjac Dios Apyimtalhnamo.

OSEAS 2:2

Aptomjac alhta Dios Apyimtalhnamo apquilanya: ¡Eltimesquis acmasom inquin quellhip! ¡Elinmelham sat quellhip! ¡Ayinyema cotnaja etava coo! ¡Motnajac coo quilvana atava! ¡Elane sat colvaticsic actemaclha anco alanatama! ¡Elane sat coljalhyovacsic alnatanma alyinmom!

LEVÍTICO 17:7

Colapvanqueje mataa israelitas elnapoc apnatoscama, cotnejic macmescama yavey. Ayinyema apquiltemaclha mataa apquilayo as yavey, apquiltomja apquilyamasma Dios. Comasquejec sat mataa as singanamaclha cotmongvoycamlha nelha.

AMÓS 2:4

Aptomjac alhta mocjam: Avanjec apquilmapsomcaa enlhitaoc co Judá. Oyanmongsiclhac sat apquiltemaclha apancaoc. Apnatovasquic alhta apcanamaclha Dios, am alhta elyiplovcasac mataa apcanamaclha. Apquiltimec alhta apquilayo quilaycmasquiscama, acno ilhnic nat apquilyeyjamcaa apquilayo.

GALATAS 1:6

Pilapcasquic coo siclinga amyaa apquilvatseycaoc quellhip melyasquiyam Dios. Aptomja alhta Dios apquilanama quellhip, malha apquilevoycam, ayinyema alhta apquimlaycmo Cristo. Pilapcasquic coo siclinga apquilyiplovquiscama quellhip moc actemaclha tasic amyaa.

DEUTERONOMIO 31:16

Aptomjac nic nat Dios apcanya Moisés: —Ningatoc lhip apquitsepma. Jelyinyoc sat enlhitaoc niptamin lhip. Eltimjic sat apquilayo quilaycmasquiscama ayinyema as yoclhilhma apquilvoycamlha sat quellhip. Eltovacsic sat ningmiyovmalhca, sillanay alhta nipyesicsa enlhitaoc.

DEUTERONOMIO 31:18

Oyamyiclhac sat mocjam, mopasmejec sat coo, ayinyema apquiltemaclha apancaoc apquilmapsomcaa, ayinyema apquilayo quilaycmasquiscama acyitsomalhca dios — nic nat aptomjac Dios.

DEUTERONOMIO 9:12

Aptomjac alhta Dios seyanya coo: —¡Ingyapaja ityip! Apquiltemaclha apancaoc lhip apnaymacoc, apnalovsingvoyclha alhta lhip yoclhilhma Egipto. Apquilsilhnanacpec apanco maa. Apquilvatsamquic elyiplovcasojo actemaclha siyanamaclha. Apquillanac lhac quilaymasquiscama oro asoc alyinmom — alhta aptomjac seyanya.

DEUTERONOMIO 9:16

Acvitac alhta coo apquiltemaclha apquilsilhnanomap apanco quellhip napato Dios. Apquillanac alhta quellhip quilaycmasquiscama oro asoc alyinmom. Apquilvatsamquic alhta quellhip elyiplovcasojo singanamaclha ayinyema Dios.

JOSUÉ 24:24

Apquilatingmavoc nic nat enlhitaoc: —Ongyiplovcasojoc sat mataa Dios Apyimtalhnamo, aptomja Visqui ingac appayvam — nic nat apquiltomjac.

JOSUÉ 24:31

Apquilyiplovcasquic nic nat mataa enlhitaoc apcanamaclha Dios naysicsa aptiyascam nic nat Josué, najan naysicsa apquileyvam mayayo apquilvanyam. Apquilyasamcoc nic nat acyovoclhojo aptamjaycam Dios nipyesicsa enlhitaoc Israel.

JUECES 2:7

Yitnec nic nat mataa nimpayvam apquilayo Dios naysicsa aptiyascam Josué. Apquilyajaclhoc nic nat mataa apquilvanyam apquilpayvam niptamin Josué. Apquiltomja ilhnic nat apquilvanyam apquilvitaycamco aptamjaycam simpilapquiscama Dios nipyesicsa enlhitaoc Israel.

JUECES 8:33

Apquilvatsamquic nic nat enlhitaoc Israel, apquilyamasmec nic nat Dios. Apquiltimec nic nat apquilayo quilaycmasquiscama Baal. Apquiltimescasquic nic nat acyimtalhnama quilaycmasquiscama Baal-berit.

1 SAMUEL 12:12

Apquilvitac alhta quellhip Nahas, apvisqui nipyesicsa amonitas. Appecjam alhta elana quimpocjacme. Apquiltomjac alhta selanya coo: Jave. Nintingyac visqui rey — alhta apquiltomjac quellhip. Mellhanma alhta quellhip Dios aptomja visqui ingac.

1 SAMUEL 12:17

Quilhvoc acvisay acnim ningyatemenma apyilhna trigo, mongvitay acmamay, ¿naso yaí? Oyimnaticsojoc sat sicpayvam silmalhnaycam Dios, jingilmecsic acmamay najan ayilhtingyavoyam. Elyicpilcangvomoc sat quellhip, acmasom apquiltomjaclha quellhip apquiltingyey apvisqui rey napato Dios — nic nat aptomjac Samuel.

1 SAMUEL 12:19

Apquiltomjac nic nat enlhitaoc apquilanya Samuel: —Jingilmalhnesquis sat lhip Dios jingilmeyvoc nincoo, mongitsepejec sat. Avanjec nincoo ningilsilhnanomalhca inganco, acyiplomo ningmasom nincoo nintingyey alhta apvisqui rey — nic nat apquiltomjac.