JUECES 19:1 - Enhlit Bible

¹ Nalhit acnim nic nat intomjac. Mepqui ilhnic nat apvisqui nipyesicsa enlhitaoc Israel. Apnec nic nat lhama levita inquilhe alvinatem Efraín, mocjay anco. Aptimec nic nat moc aptava quilvana ayitcoc ayinyema tingma Belén yoclhilhma Judá.

JUECES 19:1 Iomraidhean Croise

GÉNESIS 22:24

Apvitac nic nat mocjam apquitquic Nacor ayinyema quilvana apmam apanco acvisay Reúma. Apquilvisay nic nat: Teba, Gaham, Tahas najan Maaca.

GÉNESIS 25:6

Apnam nic nat Abraham moc apnatamcaa ayitquic. Apquilmasquic nic nat apcaycaoc. Apquilapajasquic nic nat yoyam elhnam yoclhilhma actiyapmaclha acnim. Am nic nat covocmoc mocjam nelha acnim aptiyascam Abraham.

GÉNESIS 35:19

Inquitsepquic nic nat Raquel. Apquilatoynquic nic nat nalhit amay acyascama tingma Efrata, moc apvisay Belén.

2 SAMUEL 16:22

Netin tingma ilhnic nat apquillanac carpa, yoyam etlhic congne Absalón, elpatjetamcoc quilvanaa moc apnatamcaa apyap. Apquilvitac nic nat aptemaclha apanco apyovoclhojo enlhit.

2 SAMUEL 19:5

Apmiyaclhec nic nat Joab apvisqui tingma pac, aptomja apcanya: —Lhip visqui ingac. Ningilmancaquic nincoo ayinyema lhip, ningiltomja ningilvomquiscama tap lhip apquitquic najan lhip apnatamcaa, najan lhip moc apnatamcaa.

2 SAMUEL 20:3

Apvoclhec nic nat David visqui tingma pac Jerusalén. Appamejitcasquic nic nat 10 quilvanaa moc apnatamcaa, altomja altamilquiscama visqui tingma pac niptamin alhta. Apcalhimcasquic nic nat quilvanaa lhama tingma apquiltamilquiscama atong singilpilhtetemo. Innec nic nat almesa actoycaoc najan asoc alaymomalhca. Am eyca etalhningvoctac apvisqui, yoyam epatjetamcoc lhama aptava. Altomja ilhnic nat almomalhca, malha lhintampaa aclhamoclhojo años, acvaycmo nelha aleyvam.

2 SAMUEL 3:7

Innec nic nat tampeyi acvisay Rizpa, inyap nic nat Aja, Saúl moc aptava niptamin. Aplhenacpec nic nat Abner apyoyam as tampeyi. Apmiyovquic nic nat Is-boset, aptomja apcanya Abner: —¿So actomja yi apyitnamó lhama lhip moc aptava tata ninga? — nic nat aptomjac.

2 SAMUEL 5:13

Apyinyovquic nic nat tingma Hebrón apvisqui David. Aptimec nic nat mocjam apnatamcaa quilvanaa co Jerusalén najan moc quilvanaa apquilmam apanco. Aptiyacmec nic nat mataa apquitquic apquilinava najan inquilvana.

1 REYES 11:3

Setecientas nic nat apnatamcaa apvisqui Salomón najan trescientas moc apnatamcaa, altomja alsilhnanoncama apvalhoc.

1 REYES 4:8

Eycaso ilhnic nat apquilvisay apquilviscaa provincias: Ben-Hur apquinyema inquilhe Efraín, aptomja apvisqui maa.

2 CRÓNICAS 11:21

Dieciocho apnatamcaa ilhnic nat Roboam, najan maa sesenta quilvanaa moc apnatamcaa. Avanjec nic nat apcasicjayo aptava Maaca, am colhno moc apnatamcaa. Apvitac nic nat veintiocho apquitquic apquilinava najan sesenta apquitquic quilvanaa ayitcoc.

ESTER 2:14

Ayanyomalhca ilhnic nat quilvana colhniclha apnaclha apvisqui acyovoclhojo alhtaa, cotajiclhac sat secaseclha. Copalhavomoc sat poc tingma acnaycamcaclha moc apnatamcaa apvisqui, apvisay aptamilquiscama Saasgaz, apvisqui apcasinancama tingma ancaoc moc apnatamcaa apvisqui. Covanquejec nic nat cotajojo mocjam quilvana apnaclha apvisqui. Incanyalhquic sat ancoc quilvana ayinyema apyisponcama apvisqui, ingyapajacsic sat apvisqui, colhic altimnasa mocjam quilvana.

MALAQUÍAS 2:15

Lhama apanco Dios Apyimtalhnamo apquillanay nic nat ningyovoclhojo najan ingvalhoc ingac. Apquiltamjoc Dios Apyimtalhnamo eltimjic apquilvisay quellhip aptovana Dios apquilyacyescama. ¡Eltamilsojo sat apquilvalhoc quellhip! Noelyeycajas nasa apquillhanma quellhip nasoc anco, melyinyovejec sat mataa aptava apquiltingyey siclhoc anco.

SAN MATEO 2:6

Lhip tingma Belén yoclhilhma Judea. Jave lhip tingma meyoy, am elhno aplhamoclhojo tingma Judá apcaoclha. Sat ingyinyema Apvisqui as tingma. Eltamilsic sat enlhitaoc Israel, coo enlhit ajancaoc —nic nat intomjac appayvam Visqui ingac.

JOSUÉ 24:30

Apquilatoynquic nic nat actomja amyip apanco. Payjoc Timnat-sera, acma inquilh'a Efraím, nicja inquilhe Gaas, payjoc nilhqueyja.

JOSUÉ 24:33

Apquitsepmec nic nat Eleazar, Aarón apquitca. Apquilatoynquic nic nat amyip apanco apquitca, apvisay Finees. Aplhocac nic nat payjoc inquilhe Efraím.

JUECES 12:8

Niptamin nic nat Jefté aptimesacpo nipyesicsa israelitas enlhit mayayo apvisay Ibzán, tingma pac Belén.

JUECES 17:1

Apnec nic nat enlhit apvisay Micaía yoclhilhma inquilhe alvinatem Efraín.

JUECES 17:6

Mepqui ilhnic nat apvisqui nipyesicsa enlhitaoc Israel. Apquillanac nic nat enlhitaoc apquililtamjoclha ellana.

JUECES 17:7

Apnec nic nat tingma Belén lhama apyimnanic levita, apquilmolhama ilhnic nat Judá.

JUECES 17:8

Apyinyovquic nic nat tingma pac, yoyam epalhavomoc poc tingma. Aptiyasam apanco ilhnic nat inquilhe alvinatem Efraín. Apvocmec nic nat apmaclha Micaía.

JUECES 18:1

Mepqui ilhnic nat apvisqui nipyesicsa enlhitaoc Israel. Apquiltingyac nic nat apquilmolhama Dan yoclhilhma eltimjic apquileyvomaclha. Am nic nat ellhovamcoc mocjam yoclhilhma apancaoc.

JUECES 18:13

Apquilquimpaclhec nic nat mocjam, apquilmiyaclho inquilhe alvinatem Efraín. Apquilvitac nic nat tingma pac Micaía.

JUECES 19:16

Alhtaa ilhnic nat intomjac. Apyeycajac nic nat enlhit apvanyam apquinyema amyip, aptajaclho tingma pac. Apquinyemayaclha ilhnic nat inquilhe alvinatem Efraín, appalhaviyam metnaja apquiltemolhama tribu Benjamín, aptomja tingma apancaoc Gabaa.

JUECES 19:2

Innatjavoc nic nat avalhoc apnaclha atava. Intajaclhec nic nat inyap tingma pac Belén. Innec nic nat maa cuatro piltin.

JUECES 21:25

Mepqui ilhnic nat apvisqui nipyesicsa enlhitaoc Israel. Apquillanac nic nat moclhama enlhit apquililtamjoclha eltimjic.

JUECES 3:27

Apvoclhec nic nat mocjam nipyesicsa apnaymacoc israelitas. Appayvasquic nic nat trompeta appayvascama ingyansiclha apnaymacoc israelitas inquilhe alvinatem Efraín. Apcaneclhec nic nat apyovoclhojo apquilyiplayclho Aod aplhingam apmamyi.