JUECES 18:7 - Enhlit Bible

⁷ Apquilquimpaclhec nic nat mocjam cinco enlhit apquiltiyaningvaycmo tingma Lais. Mepqui ilhnic nat apquiltemaclha acmasom enlhitaoc natingma, acno apquiltemaclha sidonios. Actamila ilhnic nat apquilvalhoc, mepqui ilhnic nat apquilinmelhaycam poc, mepqui ilhnic nat aymomalhca asoc. Cat nic nat apquileyvomaclha sidonios, am nic nat elinmelham mataa poc.

JUECES 18:7 Iomraidhean Croise

1 REYES 1:6

Apcasicjavoc nic nat mataa apyap aptemaclha apquitca, am nic nat emyavac mataa apyap, apquilmalhna inlhojo asoc apquitca. Aptamila apanco ilhnic nat Adonías, apipma ilhnic nat apvisay Absalón.

1 REYES 16:31

Apvajanamquic nic nat melyascalhma apancaoc apvisqui Jeroboam, Nabat apquitca. Inquilyimjapquic nic nat quilvana Jezabel, Et-baal apquitca, apvisqui co Sidón. Apquillanac nic nat quilaycmasquiscama Baal, yoyam eltimjic apquilayo.

1 CRÓNICAS 4:40

Apquilvitac nic nat ayimjaclha paat, actamila actoycaoc apnatoscama, amyip acvanyam najan mepqui amyaa singimpocjay. Apquileyvomaclha ilhnic nat aptovana niptamin Cam.

JEREMÍAS 49:31

Coo sicvisay Visqui sictomja silanya co Babilonia: Noc maa, elimpocja tingma mepqui apyimnatem, mepqui alapayclha atnaoc, mepqui mataa maycaa, lhapcoc maa.

ROMANOS 13:3

Apnam apquilviscaa cotnaja yoyam coytic apquilay enlhitaoc apquilyiplovquiscama actemaclha actamila. Eyca yoyam coytic apquilay apquiltomja apquilmapsomcaa. Apquiltamjoc sat ancoc lhip etyisam mepqui apcay apquilviscaa, itamilsacpojo apanco. Coyispalhcac sat lhip aptemaclha.

JOSUÉ 19:47

Ayitcoc nic nat yoclhilhma apquileyvomaclha apquilmolhama Dan. Apquilimpocjac nic nat tingma Lesem, apquilmec nic nat apyovoclhojo, apsovjoc nic nat apticyovam maa. Apquilnaclhec nic nat maa, apquiltimec nic nat apvisay Dan, apvisayó lhama apquilyeyjamcaa.

1 SAN PEDRO 2:14

Najan poc apquilviscaa apquiltomja apquilyimtalhnamo. Ayinyemaclha apquilapajasacpec mataa yoyam elyicpilhquetic enlhit apquilmapsomcaa yoyam najan colhic alaco enlhit apquiltamila.

EL APOCALIPSIS 18:7

Elyanmongsiclha sat quellhip actemaclha alhta acyeycajangvaycmo asoc. Ellhnasojo sat acyanmongayclha yoyam elngamcojo acmasca. Intomjac alhta apquilvalhoc: “Malha apvisqui actomjac coo. Jave coo tampeyi. Molngamqueje coo acmasca” —intomjac mataa apquilvalhoc.

JUECES 18:29

Siclhoc nic nat apvisay tingma Laís, apquiltamjacpo apvisay tingma Dan, apvisayó lhama apquilyeyjamcaa Dan, Jacob nic nat apquitca.

JUECES 18:6

Apcatingmavoc nic nat sacerdote levita: —Elyas maa. Dios Visqui ingac elmeyvoc sat quellhip apquilyasaclha lhalhma anco — nic nat aptomjac.

JUECES 18:8

Apquilvoctac nic nat tingma Zora najan Estaol cinco enlhit apquilapajasomap. Apquilvitac nic nat apnaymacoc. —¿Intasi ya alhta apquillhingam? — nic nat apquiltomjac. Apquilatingmavoc nic nat:

1 SAMUEL 3:13

Oyanmongsiclhac sat apquiltemaclha apancaoc, acno siclhanma alhta siclho. Ayinyema alhta apquitquic selinmelhaycam coo, naysicsa mepqui apmasma apquilyap Elí.