JUECES 17:5 - Enhlit Bible

⁵ Yitnec nic nat tingma pac aplhancoc acponquinomalhca, acyitnamaclha quilaycmasquiscama. Intingyalhquic nic nat apquilmaycam sacerdote najan moc quilaycmasquiscama alvisay dioses. Aptimesacpec nic nat sacerdote lhama apquitca Micaía.

JUECES 17:5 Iomraidhean Croise

GÉNESIS 31:19

Am nic nat elhnac Labán tingma pac. Apmiyaclhec nic nat apyinatamaclha apnatoscama yoyam elyesacsic nipquesic. Inyilhalhcoc nic nat Raquel acminyilha quilaycmasquiscama acyitsomalhca Dios. Inyap nic nat apancaoc.

GÉNESIS 31:30

Aptajaclhec alhta lhip ayinyema alipvoyam. ¿So actomja apminyilha nac quilaycmasquiscama ajancaoc acyitsomalhca dios?— nic nat aptomjac Labán.

1 REYES 12:31

Apquillanac nic nat apvisqui tingma netin inquilhe. Tingma apponquinomap acyitnaclha quilaycmasquiscama. Innec nic nat alyacyasa sacerdotes tingma netin inquilhe. Tingma apponquinomap acyitnaclha quilaycmasquiscama. Jave ilhnic nat Leví apmolhama sacerdotes apquiltamilquiscama quilaycmasquiscama.

1 REYES 12:32

Apquiltimec nic nat fiesta apvisqui Jeroboam acvocmo 15 acnim apvisay octavo piltin. Apnasoc nic nat moc apvamlha fiesta nipyesicsa enlhitaoc Judá apmolhama. Eycaso ilhnic nat Betel acyitnaclha quilaycmasquiscama aptomja apquillanay apanco. Apquilsantac nic nat asoc actemaclha apquilmescama quilaycmasquiscama. Apcanayquic nic nat apvisqui eltamilsic sacerdotes malyacyescama tingma quilaycmasquiscama apquillanomap netin inquilhe tingma Betel.

ESDRAS 1:7

Innec nic nat almesa aclhamoclhojo asoc ayinyema ilhnic nat tingma apponquinomap. Apvisqui Nabucodonosor nic nat apsayclha apcaoclha ayinyema ilhnic nat tingma Jerusalén. Apnincanvoclhec nic nat acyitnamaclha quilaycmasquiscama acyitsomalhca dios.

ÉXODO 24:5

Apquilapajasquic nic nat quilyimnanic yoyam enalantac vayqui ayitcoc. Apquilajac nic nat. Apquilvatnec nic nat actemaclha apquilmescama acyanmongam actamilaycam apquilvalhoc.

ÉXODO 28:15

Ilhnasojo sat moc, acvisay pectoral actemaclha ningyicpilquemo juicio. Ilhnasojo sat apquillanomap siclho efod acma aptalhamavo. Colhic sat allana: oro, najan apava morada, najan apava púrpura, najan apava apyilhvasem najan apava lino torcido.

ÉXODO 28:4

Eycaso apquilvisay moclhama apava: pectoral, najan efod, najan capa, najan túnica bordada, najan turbante appocanma de lino, najan citurón apyapmam. Eltimjic sat apquilantalhnama apipma Aarón najan apquitquic, eltimjic sat sacerdotes ajancaoc.

ÉXODO 29:9

Ipquin sat apyitsicsaoc apava apquilpocanma, itjit sat apyapmam niplhita, najan Aarón najan apquitquic. Eltimjic sat apquilyimtalhnamo, comasquejec sat mataa apquiltimesaycam sacerdotes.

ISAÍAS 44:13

Apquilyipsatamquic mataa yamit aptomja apquillanay quilaycmasquiscama. Apcaycmasquic siclho lápiz aptalhescama. Apcalhnasquic yamit apquillanay apyitquiscama enlhit apyovoclhojo. Malha enlhit apanco aptomjac yoyam elhic congne tingma.

EZEQUIEL 21:21

Apnec apvisqui co Babilonia najan apnaymacoc payjoc ayenmoclha amay (alayjemoclha amay). Apquiltamjoc eyasamcojo actemaclha sicas: aptomja apmaycam yanca apancaoc, najan apquilmalhnaycam quilaycmasquiscama acyitsomalhca dios, najan actemaclha ajicjic apnatoscama.

EZEQUIEL 21:26

Naso coo sicpayvam: ¡Elnatamacpoc sat lhip apocanma corona! ¡Comascoc sat aptimem apvisqui! ¡Evenacpoc sat aptomja apyimtalhnamo siclho, colhic sat ayaco enlhit mepqui apyimtalhnamo siclho!

OSEAS 3:4

Acvoncaclhojo sat cotnejic mepqui apvisqui nipyesicsa enlhitaoc Israel, mepqui apvisqui rey, mepqui asoc macmescama Dios, mepqui mataymong apquilmalhnancamaclha, mepqui apquilantalhnama sacerdotes, mepqui quilaycmasquiscama congne aplhancoc.

OSEAS 8:14

Apquillanac tingma apquilyivey enlhitaoc Israel. Am colhenac apquilvalhoc Dios apquilantipquiscama aclhamoclhojo asoc. Apquillanac tingma apquilyimnatem apquilmolhama Judá. Coo sat olvitic talha, elmetic sat tingma. Elsovjacpoc sat apquilmeta tingma — alhta aptomja Dios Apyimtalhnamo.

NÚMEROS 3:10

Apvamlha Aarón najan aptovana niptamin apquilmopvan eltimjic sacerdotes. Apvitacpec sat ancoc sacerdote metnaja apmolhama Leví, ematong sat maa — alhta aptomjac Dios — nic nat aptomjac Moisés.

HEBREOS 5:4

Paj lhama enlhit apmopvan etnesacpoc apanco Dios apquilancam. Apvamlha Dios aptomja aptimesquiscama apquimja apmamyi. Apno ilhnic nat Dios apquilancam apvisay Aarón.

JUECES 17:4

Aptajesquic nic nat solyayem Micaía apmesa inquin. Insaclhec nic nat inquin doscientos solyayem alyivey acyanmongam quilaycmasquiscama acyitsomalhca dios, ayimpejic plata alyinmom. Impiquinquic nic nat quilaycmasquiscama congne Micaía tingma pac.

JUECES 18:14

Apnam nic nat cinco enlhit apquiltiyaningvoyam siclho Lais, apquiltomja apquilanya apnaymacoc: —¿Apquilyasamco ya quellhip? Yitnec congne as tingma apquilmaycam sacerdote najan quilaycmasquiscama alvisay dioses. Najan maa quilaycmasquiscama acyitsomalhca dios, ayimpejic plata alyinmom. ¿Jalhco sat eltimjic quellhip? — nic nat apquiltomjac.

JUECES 18:24

Apcatingmavoc nic nat Micaía: —Quellhip ayinyema apquilpatmaoclha quilaycmasquiscama sillanay alhta coo, najan apquilyantamayclha quellhip sacerdote setnesaycam coo. Apquilsovjoc asoc ajancaoc quellhip. Quilhvoc apquiltomja quellhip, ¿soc amyaa yi? — nic nat aptomjac Micaía.

JUECES 18:30

Apquillanac nic nat acyitnamaclha quilaycmasquiscama, yoyam eltimjic apquilayo. Sacerdote ilhnic nat Jonatán, Gersón apquitca, Moisés nic nat aptavin niptamin. Jonatán apquitquic najan aptovana ilhnic nat apquilya'monquiscama apquilyap aptemaclha sacerdote nipyesicsa danitas, acvaycmo exilio apquilmomacpilha.

JUECES 8:27

Apquillanac nic nat Gedeón quilaycmasquiscama acyitsomalhca dios. Appiquinquic nic nat tingma pac apvisay Ofra. Apquiltingyac nic nat enlhitaoc Israel, yoyam eltimjic apquilayo quilaycmasquiscama. Malha trampa quiljanma ilhnic nat intomjac, yoyam esilhnanacpoc Gedeón najan apquilmolhama.

1 SAMUEL 19:13

Intingyac nic nat quilaycmasquiscama Mical. Impiquinquic nic nat aptiyanmaclha David. Impiquinquic nic nat yataay apyimpejic aptiyanmeycaoc. Incalasquic nic nat manto.

1 SAMUEL 23:6

Apquinyec nic nat sacerdote Abiatar, apyap nic nat Ahimelec, epasmoc sat David tingma Keila. Apsantac nic nat sacerdote asoc ayamosilha sicas.