JUECES 15:6 - Enhlit Bible

⁶ Pilapcasquic nic nat filisteos apquilvita. Apquililtamjoc nic nat elyasamcojo ayinyemayaclha talha. Aplhenacpec nic nat Sansón, apyanmongsayclha aptemaclha apipyata tingma Timnat. Apmasma alhta siclho apquitca quilvana ayitcoc. Apquilyimjapcasquic nic nat poc, apvisay aptimem poc. Apquillovquic nic nat filisteos. Apquilajac nic nat quilvana ayitcoc najan inyap, apquilvatna talha.

JUECES 15:6 Iomraidhean Croise

PROVERBIOS 22:8

Ninginaclhec sat ancoc actic acmasom, ongvitac sat acyilhna almasomcaa. Ongiltovasalhcac sat napato Visqui ingac, apmaycam apmic cetro apanco.

1 TESALONICENSES 4:6

Noeltovas nasa actomja poc ingyalhing apanco, actemaclha siclhanma lhac. Ayinyemaclha eyanmongsiclhac sat Dios nintemaclha. Ningiltimnasquic alhta quellhip as amyaa.

JUECES 12:1

Apcaneclhec nic nat apquilmolhama Efraín. Apquilmilanquic nic nat vatsam Jordán, apquilmiyaclho tingma Zafón. Apquiltomjac nic nat apquilanya Jefté: —Apquilimpocjac alhta quellhip nipyesicsa amonitas, mepqui singiltimnascama, yoyam ongilpasmiclha. ¿So actomja yi? Quilhvoc sat ongilvitic talha lhip tingma pac, emyetic sat lhip — nic nat apquiltomjac.

JUECES 14:15

Invocmec nic nat cuatro acnim. Apquiltomjac nic nat apquilanya Sansón aptava: —Lhiya, coyasamcojo sat Sansón appayvam. Jingiltimnas, yoyam ongilyasamcojo nincoo lha. Am sat ancoc jingiltimnacsic lhiya, comatong sat lhiya, comyetic sat talha. Elmetic sat apquilmolhama inyap lhiya. Nasoc lhaja ningilanyomalhca ongiltasomoc fiesta, yoyam jingilnatamoc sat asoc inganco, ayinyema lhiya najan atava — nic nat apquiltomjac.

JUECES 15:5

Apquilvatnec nic nat talha maling ayicpacyaoc. Inquilinyajamquic nic nat maling, alpayescama talha ninganma apquimjaclha trigo. Apmetquic nic nat apquimjaclha trigo najan mayicjescama trigo apactic. Inmetquic nic nat uva avjac najan olivo yamit.

JUECES 15:7

Aptomjac nic nat Sansón apquilanya: —¡Apquiltemaclha apancaoc quellhip! ¡Osavojoc sat sicyanmongsayclha apquiltemaclha apancaoc quellhip! — nic nat aptomjac.