JUECES 14:6 - Enhlit Bible

⁶ Apyimnatasquic nic nat espíritu apanco Dios. Apmeyjec nic nat Sansón, ingyajic yamacmeyva mepqui apquilmaycam. Malha nintipilquem yataay apquitcoc nic nat intomjac acmatnam yamacmeyva. Am nic nat eltimnasac amyaa apnaclha apyap.

JUECES 14:6 Iomraidhean Croise

SALMOS 91:13

Etcamoc sat lhip yamacmeyva najan acyeyva. Etcamoc sat yamacmeyva ayitcaoc najan sinavocpo.

ISAÍAS 42:2

Mepqui apquilpalhamaycam sat etnejic najan mepqui apyimnatescama appayvam. Colngalhquejec sat appayvam amyip.

ZACARÍAS 4:6

Aptomjac alhta mocjam ángel: Eycaso amyaa ayinyema Dios Visqui ingac, eyasamcojo Zorobabel: Jave ayinyema singilpilhtetemo, jave ayinyema apquilyimnatem, eyca ayinyema Espíritu ajanco, aptomjac alhta Dios Visqui apyimtalhnamo.

SAN MATEO 11:29

Elpatmiclha sat yispaoc ajac sicmescama quellhip, yoyam elyinyovacsic. Elyasingvom sat sictemaclha ajanco. Actamilaycam evalhoc najan cajamalhco evalhoc coo. Comascoc sat alyajapmo apquilvalhoc.

HEBREOS 11:33

Melyasquiyam nic nat innac as enlhitaoc. Apquilnapquic nic nat moc yoclhilhma apquilviscaa najan aplhamoclhojo enlhitaoc. Apquilyiplovcasquic nic nat actemaclha acpeyvomo naysicsa apquilyanmongsayclha apquiltemaclha enlhitaoc. Apquillhocac nic nat asoc actemaclha aplhanma Dios actomja nasoc anco. Apquilapquic nic nat apmeoc atong yamacmeyva.

1 SAN JUAN 3:8

Ningilvajanamquic sat ancoc actemaclha nintamongvaycmolhma, ongiltimjic sat ninpasmeyquiclha somquic quilyicjamo. Somquic quilyicjamo actomja ayinyemayaclha siclhoc anco mongilyascalhma. Eycaso ayinyema apvoya nat Dios Apquitca, yoyam etvasquisic actamjaycam somquic quilyicjamo.

JUECES 11:29

Apnaclhec nic nat Dios espíritu apanco apvalhoc Jefté. Apnalaclhec nic nat apnaymacoc payjoc Galaad, najan Manasés, apquilmilanem Mizpa yoclhilhma Galaad. Apquilpecjam nic nat elimpocjac apquileyvomaclha amonitas.

JUECES 13:25

Apnec nic nat carpa tingma Sansón, apquilmolhama tribu Dan. Payjoc nic nat tingma Zora najan tingma Estaol. Espíritu apanco Dios aptomja apyascasingvoyam Sansón.

JUECES 14:19

Apyimnatasquic nic nat espíritu apanco Dios, coytic apmopvan Sansón. Apmiyaclhec nic nat Sansón tingma Ascalón. Apquilnapquic nic nat treinta enlhitaoc filisteos. Apquiljalhyovasquic nic nat apquilantalhnama, esantimquisic enlhitaoc apquilyascamco acvisay acyilhamalhca. Aplovquic nic nat Sansón. Aptajaclhec nic nat elhic apyap tingma pac.

JUECES 14:5

Apmiyaclhec nic nat tingma Timnat Sansón. Aplhalhma ilhnic nat apyap najan inquin. Apvoclhec nic nat ayimjaclha uva avjac tingma apvanyam. Apyitnocjac nic nat amay Sansón. Pilapcasquic nic nat apvita napato acyanca yamacmeyva ayitcoc. Impayvec nic nat siclho, yoyam cajic Sansón.

JUECES 14:7

Aplhinquic nic nat mocjam. Apvitac nic nat quilvana ayitcoc, apponcanma ilhnic nat siclho.

JUECES 15:15

Apvitac nic nat Sansón alhquipcoc yamelyeyjaycoc ápac. Apliquic nic nat alhcapoc coning atong yamelyeyjaycoc. Apquilnapquic nic nat mil filisteos.

JUECES 15:8

Apquilnapquic nic nat Sansón apyovoclhojo. Apquinyec nic nat eyilhanmoc avalhoc mataymong acvinatem acvisay Etam.

JUECES 16:30

—¡Ongvitsapojoc lhama cotnaja ingmoc filisteos! — nic nat aptomjac. Apyimnatasquic nic nat apyaninquisa apyovoclhojo tingma templo apnamcaclha apquilyimtalhnamo najan apnaymacoc filisteos. Apquilitsepquic nic nat appintalhnama. Am nic nat elhno apticyovam siclho naysicsa aptiyascam Sansón.

JUECES 3:10

Dios espíritu apanco apyipitcaclho Otoniel, epasmoc sat yoyam elvomsacpoc tap israelitas. Apquilimpocjac nic nat Otoniel najan apnaymacoc, apquilmam nic nat cotnaja ingmoc Cusan-risataim.

1 SAMUEL 10:16

Apcatingmavoc nic nat Saúl: —Jingiltimnasquic alhta acna alvitaclho yamelyeyjaycoc — nic nat aptomjac. Am nic nat elhenac amyaa ayinyema profeta Samuel, aplhenamap etnejic apvisqui.

1 SAMUEL 10:6

Evayventac sat Dios espíritu apanco, elhic sat apvalhoc lhip. Elngacsic sat lhip lha amyaa ayinyema espíritu apanco Dios. Cotniclhac sat lhip moc apvalhoc.

1 SAMUEL 11:6

Aplingac nic nat Saúl actomjaclha amyaa. Yejemoc nic nat apvayventamo espíritu apanco Dios. Apnaclhec nic nat apvalhoc Saúl. Avanjec nic nat aplom Saúl.

1 SAMUEL 14:1

Nalhit acnim nic nat intomjac. Saúl apquitca ilhnic nat Jonatán. Aptomjac nic nat Jonatán apcanya aplhalhma apyimnanic: —Noc, incanit sat ongiljalhtiplhquetic vatsam. Ongilnapoc sat tap vatsam grupo filisteos — nic nat aptomjac. Am nic nat elhenac Jonatán napato apyap.

1 SAMUEL 17:46

Ematong sat lhip quilhvo nac jay ayinyema Dios. Coo sat otnejic sicyimnatem. Oyatemenic sat lhip apyispoc. Elpasmoc sat mama apquilyovoclhojo enlhitaoc filisteos. Colpasmoc sat najan asoc navjac aclom. Elyasingvomoc sat enlhitaoc lhalhma anco apna Dios Apyimtalhnamo nipyesicsa enlhitaoc Israel.