JUECES 14:5 - Enhlit Bible

⁵ Apmiyaclhec nic nat tingma Timnat Sansón. Aplhalhma ilhnic nat apyap najan inquin. Apvoclhec nic nat ayimjaclha uva avjac tingma apvanyam. Apyitnocjac nic nat amay Sansón. Pilapcasquic nic nat apvita napato acyanca yamacmeyva ayitcoc. Impayvec nic nat siclho, yoyam cajic Sansón.

JUECES 14:5 Iomraidhean Croise

2 SAMUEL 23:20

Poc nic nat apvisay Benaia, Joiada apquitca tingma pac Cabseel. Avanjec nic nat apvascapma. Apquilnapquic nic nat apcanit apquitquic Ariel co Moab. Aptalhnec nic nat malhic congno, apcaja yamacmeyva congne malhic.

1 CRÓNICAS 11:22

Apyimnatem apanco ilhnic nat Benaía, Joiada apquitca, tingma pac Cabseel. Apvascapquic nic nat mataa apquimpocjay. Apquilnapquic nic nat apcanit apquitquic Ariel yoclhilhma Moab. Aptalhnec nic nat malhic congno, apcaja lhama yamacmeyva acmomalhca congne.

SALMOS 91:13

Etcamoc sat lhip yamacmeyva najan acyeyva. Etcamoc sat yamacmeyva ayitcaoc najan sinavocpo.

JEREMÍAS 2:15

¿Co laa ayinyema apquilimpocjay cotnaja ingmoc, malha yamacmeyva acyimnatem alnapma quellhip? Apnatovasquic alhta cotnaja ingmoc quellhip tingma apquilvanyam apancaoc, tingma apquilmeta, yoclhilhma mepqui enlhit apquileyvam.

HEBREOS 11:33

Melyasquiyam nic nat innac as enlhitaoc. Apquilnapquic nic nat moc yoclhilhma apquilviscaa najan aplhamoclhojo enlhitaoc. Apquilyiplovcasquic nic nat actemaclha acpeyvomo naysicsa apquilyanmongsayclha apquiltemaclha enlhitaoc. Apquillhocac nic nat asoc actemaclha aplhanma Dios actomja nasoc anco. Apquilapquic nic nat apmeoc atong yamacmeyva.

JOSUÉ 15:10

Acyascama payjoc actalhningvamlha acnim ayenmo Baala acvaycmo inquilhe Seir. Acyascama tap payjoc Quesalón acvaycmo inquilhe Jearim nilhqueyja, acyascama tap acvaycmo Bet-semes najan acyeycajay Timna.

1 SAN PEDRO 5:8

Eltamilsojo apquilvalhoc quellhip. Elantiyapmojo sat mataa. Ayinyemaclha innec cotnaja ingmoc acvisay diablo yavey. Actomja malha asoc navjac aclom. Intingyam mataa yoyam cajic.

JUECES 14:4

Am nic nat eyasamcoc apyap, am nic nat coyasamcoc inquin aptomjaclha Dios. Apquiltamjoc nic nat Dios eyanmongsiclha apquiltemaclha apancaoc filisteos. Malha apquilmomap nic nat israelitas nipyesicsa filisteos.

JUECES 14:6

Apyimnatasquic nic nat espíritu apanco Dios. Apmeyjec nic nat Sansón, ingyajic yamacmeyva mepqui apquilmaycam. Malha nintipilquem yataay apquitcoc nic nat intomjac acmatnam yamacmeyva. Am nic nat eltimnasac amyaa apnaclha apyap.

1 SAMUEL 17:35

Ayimjamquic alhta coo. Ayajac alhta siclho. Alnatingvoclhec alhta sictoscama actaclheycaoc netin. Alnapalhquic alhta coo. Acpatjetquic alhta ava atong. Ayajac alhta yamacmeyva.