JUECES 13:25 - Enhlit Bible

²⁵ Apnec nic nat carpa tingma Sansón, apquilmolhama tribu Dan. Payjoc nic nat tingma Zora najan tingma Estaol. Espíritu apanco Dios aptomja apyascasingvoyam Sansón.

JUECES 13:25 Iomraidhean Croise

SAN MATEO 4:1

Yejemoc alhta apmiyaclho Jesús yoclhilhma actamopeycaoc. Espíritu Santo alhta apyantamac, yoyam coyipconic yavey.

SAN JUAN 3:34

Enlhit apcapajasomap apquinyema Dios Ingyapam apquiltimnam mataa Dios appayvam. Ingmesquic nincoo Dios Ingyapam Espíritu Santo cotlaycaoc, mepqui apquilyipsateycaoc.

JOSUÉ 15:33

Apquilvitac nic nat amyip acvanyam tingma apquilvanyam: apvisay Estaol, najan Zora, najan Asena,

JOSUÉ 19:41

Tingma apquilvanyam apquilvisay: Zora, najan Estaol, najan Ir-semes,

JUECES 11:29

Apnaclhec nic nat Dios espíritu apanco apvalhoc Jefté. Apnalaclhec nic nat apnaymacoc payjoc Galaad, najan Manasés, apquilmilanem Mizpa yoclhilhma Galaad. Apquilpecjam nic nat elimpocjac apquileyvomaclha amonitas.

JUECES 14:1

Apmiyaclhec nic nat Sansón tingma apvisay Timnat. Apvitac nic nat quilvana ayitcoc acmolhama co Filistea.

JUECES 14:19

Apyimnatasquic nic nat espíritu apanco Dios, coytic apmopvan Sansón. Apmiyaclhec nic nat Sansón tingma Ascalón. Apquilnapquic nic nat treinta enlhitaoc filisteos. Apquiljalhyovasquic nic nat apquilantalhnama, esantimquisic enlhitaoc apquilyascamco acvisay acyilhamalhca. Aplovquic nic nat Sansón. Aptajaclhec nic nat elhic apyap tingma pac.

JUECES 16:31

Apquilvoctac nic nat apquilmolhama Sansón. Apquilpatmaoclhec nic nat apquitsepma, elatoynic payjoc tingma Zora, nicja Estaol. Avalhoc mataymong nic nat, actomja apanco apyap Manoa. Apyimtalhnamo ilhnic nat Sansón nipyesicsa enlhitaoc Israel acvaycmo veinte años.

JUECES 18:2

Apquilapajasacpec nic nat cinco enlhit apquilyimnatem, apquilinyema Zora najan Estaol. Apquilanyacpec nic nat eltiyaningvomjoc yoclhilhma. Apquilmiyaclhec nic nat inquilhe alvinatem Efraín apquilvocmo Micaía tingma pac. Apquilnaclhec nic nat siclho lhama alhtaa.

JUECES 3:10

Dios espíritu apanco apyipitcaclho Otoniel, epasmoc sat yoyam elvomsacpoc tap israelitas. Apquilimpocjac nic nat Otoniel najan apnaymacoc, apquilmam nic nat cotnaja ingmoc Cusan-risataim.

JUECES 6:34

Aplhocac nic nat apmopvan Gedeón, ayinyema espíritu apanco Dios. Appayvasquic nic nat nipquesic apquipetic, malha trompeta. Apcansaclhec nic nat apquilmolhama clan Abiezer.

1 SAMUEL 11:6

Aplingac nic nat Saúl actomjaclha amyaa. Yejemoc nic nat apvayventamo espíritu apanco Dios. Apnaclhec nic nat apvalhoc Saúl. Avanjec nic nat aplom Saúl.