JUECES 12:1 - Enhlit Bible

¹ Apcaneclhec nic nat apquilmolhama Efraín. Apquilmilanquic nic nat vatsam Jordán, apquilmiyaclho tingma Zafón. Apquiltomjac nic nat apquilanya Jefté: —Apquilimpocjac alhta quellhip nipyesicsa amonitas, mepqui singiltimnascama, yoyam ongilpasmiclha. ¿So actomja yi? Quilhvoc sat ongilvitic talha lhip tingma pac, emyetic sat lhip — nic nat apquiltomjac.

JUECES 12:1 Iomraidhean Croise

SALMOS 109:4

Eltovasquic (enatovasquic) mataa naysicsa silasicjayo coo. Almalhnescasquic mataa coo.

ECLESIASTÉS 4:4

Acvitac alhta mocjam: Ningvascapma ningiltamjaycam najan acma ningilnatam, actomja ayinyemayaclha singilyasipquiscama ingnaymacoc. Alhto inyicje as nintemaclha, acyitsomalhca ningilpatjetma alhcajayam.

OSEAS 13:1

Aptomjac alhta Dios Apyimtalhnamo: Apquilyimtalhnamo alhta apquilmolhama Efraín. Apquilyajaclhoc alhta enlhitaoc Israel, apquillinga inlhojo apquilpayvam apquilanama Efraín. Apquilitsepquic alhta apquilmolhama Efraín, ayinyema apquilsilhnanomap apanco, apquiltemaclha apquilayo quilaycmasquiscama Baa.

SAN MARCOS 3:24

Apquilhpansacpec sat ancoc apquilviscaa, comascoc sat apcanem elhic tingma.

SAN JUAN 10:32

Aptomjac alhta Jesús apquilanya judíos: —Allhicmosqui inyicje quellhip aclhamoclhojo sictamjaycam altamila alinyema coo Tata. ¿Soctomja apquililtamjo nac jelajic? —alhta aptomjac.

SANTIAGO 3:16

Yitnec sat ancoc ingvalhoc actemaclha ningilyasipquiscama najan ningilatingmomalhca, coyiplovjoc sat actemaclha mongiltamilcasomalhca inganco najan nintemaclha almasomcaa.

JUECES 11:40

Eycaso apquiltemaclha israelitas moclhama años, alvajaneycaoc quilvanaa mepqui anatamcaa, colyapcalhic cuatro acnim, colvoncamejec mataa Jefté apquitca.

JUECES 12:2

Apcatingmavoc nic nat Jefté: —Yitnec alhta singinmelhaycam amonitas. Ayapajasquic alhta amyaa, colhic altimnasa quellhip, yoyam jingilpasingvota. Am alhta elvoctac quellhip.

JUECES 14:15

Invocmec nic nat cuatro acnim. Apquiltomjac nic nat apquilanya Sansón aptava: —Lhiya, coyasamcojo sat Sansón appayvam. Jingiltimnas, yoyam ongilyasamcojo nincoo lha. Am sat ancoc jingiltimnacsic lhiya, comatong sat lhiya, comyetic sat talha. Elmetic sat apquilmolhama inyap lhiya. Nasoc lhaja ningilanyomalhca ongiltasomoc fiesta, yoyam jingilnatamoc sat asoc inganco, ayinyema lhiya najan atava — nic nat apquiltomjac.

JUECES 15:6

Pilapcasquic nic nat filisteos apquilvita. Apquililtamjoc nic nat elyasamcojo ayinyemayaclha talha. Aplhenacpec nic nat Sansón, apyanmongsayclha aptemaclha apipyata tingma Timnat. Apmasma alhta siclho apquitca quilvana ayitcoc. Apquilyimjapcasquic nic nat poc, apvisay aptimem poc. Apquillovquic nic nat filisteos. Apquilajac nic nat quilvana ayitcoc najan inyap, apquilvatna talha.

JUECES 8:1

Apquillovquic nic nat apquilmolhama tribu Efraín. Ayinyema ilhnic nat mepqui apquilanyomap elpasmoc quimpocjacme cotnaja ingmoc.