JUECES 10:9 - Enhlit Bible

⁹ Apquilmilanquic nic nat vatsam Jordán amonitas, yoyam elimpocjac nipyesicsa apquilmolhama Judá, najan Benjamín, najan Efraín. Avanjec nic nat ayay apquilvalhoc israelitas.

JUECES 10:9 Iomraidhean Croise

2 CRÓNICAS 14:9

Apquililhyacmec nic nat cotnaja ingmoc co Etiopía, apvisqui Zera najan apnaymacoc, malha un millón singilpilhtetemo, najan carros acvaycmo trescientos. Apquilcamquitvocmec nic nat tingma Maresa.

2 CRÓNICAS 15:5

Avanjec alhta apquilinmelhamap nipyesicsa enlhitaoc najan metnaja israelitas.

DEUTERONOMIO 28:65

Mepqui apquillovquiscama apquilyampay sat cotnejic quellhip naysicsa apquileyvam nipyesicsa cotnaja apquiltemolhama. Ellingamcojoc sat quellhip actiyam apquilvalhoc, najan acmayovsa apquilvalhoc, najan ayay apquilvalhoc.

JUECES 10:10

Apquililmalhnaquic nic nat epasingvota Dios Visqui ingac. Apquiltomjac nic nat apquilanya: Dios Visqui ingac, avanjec ningilsilhnanomalhca inganco napato lhip. Ningiltomja ningyamasma lhip, ontimjic ningilayo quilaycmasquiscama ápaoc — nic nat apquiltomjac.

JUECES 10:8

Avanjec nic nat apquillingaycamco israelitas apquilinmelhaycam filisteos najan amonitas, acvaycmo dieciocho años. Apquileyvec nic nat israelitas tingma Galaad, payjoc tap vatsam Jordán apquileyvomaclha amorreos.

JUECES 11:4

Nalhit acnim nic nat intomjac. Apquilimpocjac nic nat amonitas nipyesicsa israelitas.

JUECES 2:15

Apquilyipconquic nic nat mataa israelitas elimpocjac cotnaja ingmoc. Am nic nat epasmac Dios Apyimtalhnamo, acno ilhnic nat aplhanma siclho Dios ellingamcojoc sat acmasom. Naso, apquillingamcoc nic nat acyimtalhnama ayinyema Dios.

JUECES 6:2

Inyangvocmec nic nat apquillingaycamco nalhit acnim. Apquilacac nic nat enlhitaoc Israel. Apquiltingyac nic nat mataa apquilyilhanmomaclha netin inquilhe, avalhoc mataymong najan moc apquilyilhanmomaclha.

1 SAMUEL 13:6

Avanjec nic nat ayay apquilvalhoc israelitas. Apquilacac nic nat apquilimpocjay cotnaja ingmoc. Apquilyilhanmec nic nat avalhoc mataymong, najan congne malhic, najan mataymong alvinatem, najan alvata najan yamyamilquit.

1 SAMUEL 28:15

Aptomjac nic nat Samuel apcanya: —¿So actomja yi selhaticjasa, siyanyomalhca coo? — nic nat aptomjac Samuel. Apcatingmavoc nic nat Saúl: —Avanjec ayay evalhoc coo. Apquillanac apquilimpocjay filisteos. Eyinyovquic coo Dios. Am jeltimnasac mataa yavamlha otnejic. Mepqui amyaa ayinyema profetas. Mepqui amyaa acvitay sicvanmoncama. Jeyane sat lhip, yavamlha otnejic — nic nat aptomjac Saúl.