JUECES 10:15 - Enhlit Bible

¹⁵ Apquilatingmavoc nic nat israelitas: —¡Naso, ningilsilhnanomalhca inganco napato lhip! Itne sat lhip apquiltamjoclha etnejic, jingilmiyov nincoo quilhvo nac jay — nic nat apquiltomjac.

JUECES 10:15 Iomraidhean Croise

2 SAMUEL 10:12

¡Ivascap sat lhip! Ongilnapoc sat cotnaja ingmoc, ayinyema ningmasma nincoo ningilmolhama najan tingma apancaoc Dios. Ongvitac sat apmayjayoclha apanco Dios.

2 SAMUEL 12:13

Apcatingmavoc nic nat apvisqui David: —Sicsilhnanomalhca ajanco coo. Ayinmelham coo Dios — nic nat aptomjac. Aptomjac nic nat profeta apcanya: —Apmascosquic lhip apsilhnanomap Dios. Mengyitsepejec sat lhip.

2 SAMUEL 15:26

Am sat ancoc colcac apvalhoc Dios, jeyanic sat yavamlha otnejic — nic nat aptomjac apvisqui.

2 SAMUEL 24:10

Aplhenquic nic nat apvisqui David napato Dios aptemaclha apsilhnanomap apanco, ayinyema malyipsatem enlhitaoc. Aptomjac nic nat apvisqui David: —Avanjec sicsilhnanomalhca ajanco ayinyema malyipsatem enlhitaoc. Lhip Dios Apyimtalhnamo, coo sicvisay silancam lhip. Jeyasicjiclhojo sat mocjam sictemaclha acyeyjamelhma — nic nat aptomjac.

2 SAMUEL 24:14

Apcatingmavoc nic nat apvisqui David: —Intiyacmec evalhoc coo siclinga. Actamila anco jemoc coo Dios aptomja singasicjayo, am colhno jingilmoc enlhitaoc — nic nat aptomjac David.

JOB 33:27

Elhenic sat aptemaclha apanco: Sicsilhnanomalhca ajanco, mepqui sicpeyvomo. Am eyanmongsiclhac Dios Visqui ingac sictemaclha ajanco.

PROVERBIOS 28:13

Am sat ancoc ongillhenac ningilsilhnanomalhca inganco, ongiltanovalhcac sat nincoo. Ningillhenquic sat ancoc ningilsilhnanomalhca inganco (ningilvatesa nintemaclha), ongmiyovalhcac sat nincoo.

ISAÍAS 26:16

Ningitamquic lhip naysicsa ninlingaycamco acyimtalhnama najan naysicsa apyanmongsayclha lhip nintemaclha inganco.

JONÁS 2:4

Inlhenquic alhta evalhoc seyamasma lhip Dios Apyimtalhnamo. Lhip tingma pac apponquinomap, motejec sat mocjam, lhaja.

JONÁS 3:9

Jingilasicjiclhojoc sat lhaja Dios Apyimtalhnamo, comascoc sat lhaja aplom pac Dios. Jingilmeyvoc sat Dios Apyimtalhnamo — nic nat intomjac amyaa.

JOSUÉ 9:25

Ningmomalhca nac nincoo, jingiltimesquis nincoo apquiltamjoclha jingiltimesquisic — nic nat apquiltomjac.

1 SAMUEL 12:10

Apquilyicpilcangvocmec nic nat apquiltemaclha apquilsilhnanomap apanco napato Dios. Ayinyema apquilyamasma alhta Dios, mepqui apquilayo. Apquiltomjac nic nat apquilayo quilaycmasquiscama acyitsomalhca Baal, najan quilaycmasquiscama Astarté. Apquilmalhnaquic nic nat Dios elvomsic tap nipyesicsa cotnaja ingmoc. Elaniclhac sat apquilvalhoc, eltimjic sat apquilayo Dios apvamlha pac lhama — ilhnic nat apquiltomjac enlhitaoc.

1 SAMUEL 3:18

Apsovjoc nic nat aplhanma amyaa Samuel. Aplingac nic nat Elí, aptomja apyimnatesa appayvam: —¡Dios Apyimtalhnamo nac lha! Cotnejic sat apmayjayoclha apanco — nic nat aptomjac.

1 SAMUEL 7:6

Apcaneclhec nic nat israelitas tingma Mizpa. Apquilyacvec nic nat yingmin apquilyatma nalhpop, actemaclha macmescama Dios. Am nic nat eltavac aptoycaoc. Yiplovcoc nic nat apquillhanma apquiltemaclha apquilsilhnanomap apanco napato Dios Apyimtalhnamo. Aptomjaclhec nic nat Samuel apvisqui nipyesicsa israelitas tingma Mizpa.