SAN JUAN 9:5 - Enhlit Bible

⁵ Coo sicvisay ayitsayolhma lhalhma anco naysicsa sictamjaycam as nalhpop —alhta aptomjac.

SAN JUAN 9:5 Iomraidhean Croise

ISAÍAS 49:6

Aptomjac alhta seyanya: Lhip aptomja siyasinancama, jave acvamlha yoyam ingyansiclhac apyovoclhojo israelitas najan apnalayquinta apquilaymomap israelitas. Otnesquisic sat lhip, etnejic apquitsasquiscama olhma nipyesicsa enlhitaoc lhalhma anco, yoyam elvomsacpoc sat tap apyovoclhojo enlhitaoc acvaycmo nelha lhopactic (nalhpop) — alhta aptomjac seyanya.,

MALAQUÍAS 4:2

Quellhip apquiltomjac selayo, elvitac sat sictemaclha sicpeyvomo, malha ayitsasquiscama acnim, actomja sintamilquisquiyam. Copayjiclhac sat apquilvalhoc quellhip, colhojoc sat alnilhtingayclha vayqui ayitcoc.

SAN MATEO 4:16

Apquilvitac ayitsayolhma acvanyam enlhitaoc apnaycam yatesaclhilhma. Apquilvitac ayitsayolhma enlhitaoc apnaycam ayajapvoy pisquisca actemaclha ningitsepma —ilhnic nat intomjac appayvam.

SAN MATEO 5:14

‘Quellhip apquiltomja malha ayitsayolhma nipyesicsa enlhitaoc as nalhpop. Mongvanquejec ongajapsic tingma apyitna netin inquilhe acvinatem.

SAN LUCAS 2:32

Aptomja malha ayitsayolhma, yoyam colsasquisalhma enlhit metnaja judíos. Yoyam elacpojoc enlhitaoc Israel, lhip enlhit apancaoc —alhta aptomjac Simeón.

SAN JUAN 12:46

Coo sictimem ayitsayolhma. Acvaac coo as nalhpop, yoyam melhnam yatescamalhma enlhit apquiltomja mejelyasquiyam.

SAN JUAN 8:12

Yejemoc alhta apquiltimnasamcaa mocjam Jesús: —Coo sictimem siyitsasquiscamalhma enlhit lhalhma anco. Seyiploycam sat ancoc enlhit, colhic sat ayitsayolhma. Colhic sat acyimnatem apnenyic ayinyema ayitsayolhma. Metyisamejec sat mataa acyinatesaclhilhma.

LOS HECHOS 13:47

Eycaso aptomja singanama Visqui ingac: Actimescasquic lhip apquilsasquiscamalhma nipyesicsa metnaja judíos. Actimescasquic lhip soycam amyaa apquilvomquiscama tap enlhitaoc lhalhma anco —nic nat aptomjac.

LOS HECHOS 26:18

Ongvapajacsic sat lhip, yoyam elvitasiclha olhma enlhitaoc. Yoyam meleyoc mocjam yatesaclhilhma, eyca eleyoc sat ayitsayoclhilhma. Yoyam melyiplaclha Satanás acmovan, eyca elyiplovjoc sat Dios Ingyapam. Yoyam mejelyascamejec sat coo najan yoyam colmascosalhca melyascalhma. Yoyam najan elpalhacsacpoc enlhit apquilponquinomap” —alhta aptomjac Jesús seyanya coo —alhta aptomjac Pablo.

LOS HECHOS 26:23

“Incaymalhquic elngamcojoc sat acmasca Cristo. Natamin apquitsepma elhaticjangvomoc sat apmamyi nipyesicsa apquilmasquingvaycmo. Elngacsic sat amyaa ayitsayolhma nipyesicsa innaymacoc najan nipyesicsa enlhitaoc lhalhma anco” —alhta aptomjac Pablo.

EFESIOS 5:14

Eycaso actomja aclhanmaclha: Ilhaticja sat lhip aptomja aptiyanma. Ilhaticja sat nipyesicsa apquilmasquingvaycmo. Etac sat lhip ayitsayolhma ayinyema Cristo —nic nat intomjac.

EL APOCALIPSIS 21:23

Coymalhquejec acnim najan piltin yoyam colsasquisalhma as tingma apyiviy. Ayinyemaclha Dios ayinyema apquitsasquiscamalhma, najan Nipquesic Apquitcoc ayinyema ayitsayolhma.