SAN JUAN 9:31 - Enhlit Bible

³¹ Ningyasamcoc nincoo, am ingyajalhnoc Dios Ingyapam enlhit meyascalhma appayvam. Apvamlha enlhit aptomja apquilyajayquiclho najan apyiplovquiscama apmayjayoclha, ingyeylhojoc sat Dios Ingyapam.

SAN JUAN 9:31 Iomraidhean Croise

GÉNESIS 19:29

Eycaso ilhnic nat aptomjaclha Dios aptovascama tingma apvanyam najan yoclhilhma aptiyascamcaclha Lot. Inlhanvocmec nic nat apvalhoc Dios actemaclha aplhanma napatoc Abraham. Apquinyajasquic nic nat Lot yoyam emmoc tap yicpintama aptovascama Dios as tingma.

GÉNESIS 20:7

Iyantimcasiclha sat as quilvana apnaclha atava. Ayinyemaclha atava aptomja profeta Dios aplingascama. Jelmalhnac sat coo as profeta yoyam memasquingvomejec sat lhip. Am sat ancoc eyantimcasiclha as quilvana, nasoc anco emasquingvomoc sat lhip najan apmolhama— nic nat aptomjac.

JOB 35:12

Am ingyatingmavoc Dios naysicsa ningilmalhnancama, ayinyema nintemaclha ningmasom najan actemaclha ayajamalhco ingilvalhoc.

JOB 35:13

Alhto inyicje ningilpalhamaycam, am jingilanoc nincoo Dios Visqui apyimtalhnamo.

JOB 42:8

Eltingya sat quellhip siete vayqui inquilinava najan siete nipquesic. Enaliclha sat apnaclha Job. Elaa sat actemaclha selmescama coo acyanmongam melyascalhma. Job sat elmalhnesquisic, ongvaylhojoc sat apquilmalhnesquiscama. Motvacsejec sat quellhip, apquiltomja inlhojo apquilmopvancaa amyaa sellhanma coo. Nasoc alhta appayvam Job selhanma coo — nic nat aptomjac Dios Apyimtalhnamo.

SALMOS 106:23

Apquiltamjoc nic nat emascoscomoc enlhitaoc Dios. Apquinmelham nic nat Moisés, Dios apponcanma. Apmiyovquic nic nat yoyam eticyo enlhitaoc.

SALMOS 143:10

Jeyascasingvom sat lhip apmayjayoclha. Dios Visqui ajac nac lhip. Lhip espíritu apanco jeyantemiclhac sat amay acpeyvomo (omyovalhcac sat).

SALMOS 145:19

Apjalhnoc mataa ningilmalhnancama ningiltomja ningilayo. Jingilpasmoc sat mataa, jingvomsic sat tap.

SALMOS 18:41

Apquilpalhamam alhta yoyam elmiyovacpoc. Mepqui alhta apmasma. Apquilpalhamam alhta Visqui ingac yoyam epasmoc. Am alhta ingyajalhnoc.

SALMOS 40:8

Dios Visqui ajac. Pac oyiplovcasojo lhip apmayjayoclha. Yitnec evalhoc coo lhip singanamaclha.

SALMOS 99:6

Sacerdotes nic nat apvisay Moisés najan Aarón. Aptimec nic nat apcayo Visqui ingac (profeta) Samuel. Apcatingmavoc nic nat mataa Visqui ingac, apquililmalhna inlhojo yoyam elpasmoc.

PROVERBIOS 15:29

Am ingyajalhnoc ningilmalhnancama Dios, acyitna inlhojo nintemaclha acmasom. Apjalhnoc mataa ningilmalhnancama Dios, acyitna inlhojo actamilaycam ingvalhoc.

PROVERBIOS 21:13

Am sat ancoc ongiljalhnoc singilmalhnaycam asoc enlhit mepqui asoc. Mejingiljalhnoyc sat ningilmalhnaycam nincoo, yoyam jingilpasmoc Visqui ingac.

PROVERBIOS 28:9

Am sat ancoc ongyiplovcasac singanamaclha Dios, colhic sat actanova ningilmalhnancama napato Dios.

ISAÍAS 1:15

Ayapquic coo najat emic sicvita apquilyaseclho netin apmeoc yoyam jelpayicsojo. Am ongvajalhnoc mataa cotlaycaoc apquililmalhnancama quellhip. Inquilyilhvasquic apmeoc ema 'pancaoc apquilajem poc.

ISAÍAS 58:9

Eltimjic sat quellhip seyevoycam coo, ongvatingmojoc sat coo. Apquililtamjoc sat ancoc quellhip, yoyam opasingvota, otnejic sat ongvanic: Acnec coo así. Apquilvatsamquic sat ancoc quellhip apquilvenéycam poc, najan apquiltimesquiscama apquilmapsom poc, najan apquilantipquiscama apquilvisay poc.

JEREMÍAS 11:11

Ongvapajacsic sat ellingamcojo acyimtalhnama mepqui apquinyajaycaoc. Elpalhamam sat, yoyam opasingvota coo, mongvaylhojoc sat coo. Naso coo sicpayvam sicvisay Dios Visqui apancaoc.

JEREMÍAS 14:12

Mongvaylhojoc sat selmalhnaycam enlhit, sicvita inlhojo mepqui aptoycaoc apquilmalhnancama. Sicvita inlhojo asoc acticyovam selmescama coo acyanmongam melyascalhma. Sicvita inlhojo selmescama trigo apactic, mongvasicjejec sat maa. Onatovacsic sat enlhitaoc, eticyoc sat apquilimpocjay, colnapoc sat mayic, colnapoc sat ningmasquem — alhta aptomjac.

JEREMÍAS 15:1

Aptomjac alhta Dios Apyimtalhnamo seyanya coo: Mongvasicjiclhejec sat mocjam as enlhitaoc, sicvita inlhojo sicnaclha coo Moisés najan Samuel, yoyam jelmalhnesquisic. Ilapajas sat lhip apyovoclhojo enlhitaoc, jelyamyiclhac sat, elinyajaoc sat.

EZEQUIEL 8:18

Momyovejec sat mocjam sictemaclha siclom. Mongvasicjiclhejec sat mocjam. Jelilmalhnac sat inyicje naysicsa apquilpalhamaycam, mongvaylhoyc sat maa, oyanmongsiclhac sat apquiltemaclha apancaoc — alhta aptomjac Visqui ingac.

MIQUEAS 3:4

Nalhit acnim elevam sat quellhip, mengyatingmamejec sat Dios. Eyilhanmoc sat maa, ayinyema apquiltemaclha apancaoc quellhip.

ZACARÍAS 7:13

Mepqui selyajayquiclho siclho sictomja siyevoycam. Mongvaylhojoc sat apquiltomja inlhojo seyevoycam.

SAN JUAN 11:22

Acyasamcoc coo, apquilmalhnaquic sat ancoc lhip Dios Ingyapam, elhcac sat asoc apquilmalhnaycam —alhta intomjac.

SAN JUAN 15:16

Jave quellhip selyacyescama alhta coo. Coo eyca sictomja silyacyescama quellhip. Alasinaquic coo quellhip, yoyam ellhong quellhip, yoyam colhamojo apyilhna quellhip. Coytic sat mataa apyilhna quellhip. Apquililmalhnaquic sat ancoc asoc coo Tata naysicsa apquillhanma sicvisay, elmesacpoc sat quellhip.

SAN JUAN 4:34

Aptomjac alhta apquillhicmosa Jesús: —Eycaso actomja coo sictom. Altamjoc otnejic actomja apmayjayoclha Ingyapam aptomja seyapajascama. Altamjoc openasquisojoc aptamjaycam Ingyapam.

SAN JUAN 7:17

Apquiltamjoc sat ancoc enlhit eyiplovcasojo apmayjayoclha Ingyapam, metnatsejec sat sellhicmoscama. Naso nac ayinyema Dios Ingyapam, jave ayinyema sillhicmoscama ajanco.

SAN JUAN 9:30

Apcatingmavoc alhta aptamalviyam: —Pilapcasquic coo siclinga actemaclha melyascaoc quellhip apquinyemaclha as enlhit. Nasoc anco aptomja selyapitcasquiclha ajataoc —alhta aptomjac.

SAN JUAN 9:32

Am nic nat colngamalhcac amyaa lhalhma anco apvisay enlhit apmopvan etamilquiscomoc ayenmo congne mepqui apataoc.

DEUTERONOMIO 1:45

Apquiltajaclhec alhta mocjam quellhip. Apquilyapcalhquic alhta inyicje quellhip, am alhta ingyajalhnoc Dios.

HEBREOS 10:7

Actomjac coo: “Lhip Tata coo, ayilhyacmec coo yoyam otnejic lhip apmayjayoclha acno selhanma vaycajac actalhesomalhca” —alhta aptomjac.