SAN JUAN 9:30 - Enhlit Bible

³⁰ Apcatingmavoc alhta aptamalviyam: —Pilapcasquic coo siclinga actemaclha melyascaoc quellhip apquinyemaclha as enlhit. Nasoc anco aptomja selyapitcasquiclha ajataoc —alhta aptomjac.

SAN JUAN 9:30 Iomraidhean Croise

SALMOS 119:18

Imayesiclha ejataoc coo. Comoc evalhoc simpilapquiscama ayinyema appayvam.

ISAÍAS 29:14

Cotlapsic sat mataa enlhitaoc, apquilvita inlhojo sictimesquiscama coo. Comascoc sat apquiltemaclha apquilyascamco nipyesicsa as enlhitaoc — alhta aptomjac seyanya.

ISAÍAS 29:18

Ellingac sat as acnim mepqui appaycaoc vaycajac alyipsatomalhca. Najan mepqui apataoc elviticlhac sat olhma, comascoc sat actemaclha melvitay olhma.

ISAÍAS 35:5

Colhnam sat mocjam apataoc enlhit mepqui apataoc. Colhnam sat apjaycaoc enlhit mepqui apjaycaoc.

SAN MATEO 11:5

Innaclhec apataoc enlhit mepqui apataoc. Intamilaclhec apquillhingam enlhit apquilyateyaycam. Inquiltamilaclhec apyimpeoc actomjaycaoc lepra ningmasquem ningilyitapaycam. Apquillingaclhec amyaa mepqui apaycaoc. Apnalhaticjangvocmec apquilmasquingvaycmo alhta. Apquililtimnasacpec enlhit mepqui apquilnatam tasic amyaa.

SAN MATEO 21:42

Aptomjac alhta Jesús apquilanya judíos: —¿Am ya elyipsatac quellhip vaycajac Dios appayvam? Inlhenalhquic maa: Mataymong apquilyamasma apquillaneycaoc tingma, Inpiquenalhquic tingma apvojac actajescamaclha. Eycaso aptamjaycam Visqui ingac. Pilapcasquic anco ningvita —nic nat intomjac aclhanma.

SAN MARCOS 6:6

Pilapcasquic alhta anco aplinga Jesús apquilyasquiyam enlhitaoc. Aptiyasam alhta poc tingma lhalhma anco. Tasic amyaa alhta apquiltimnasac.

SAN LUCAS 7:22

Aptomjac alhta apquilanya Jesús: —Eliltimnasquiclha sat Juan asoc apquilvitay najan apquillingay quellhip. apquilvitaclhe ilhma mepqui apataoc. Inquiltamilaclho apquillhingam enlhit apquilyateyaycam. Inquiltamilaclhec apyimpeoc actomjaycaoc lepra ningmasquem ningilyitapaycam. Apquillingaclhec amyaa mepqui apaycaoc. Apnalhaticjangvocmec apquilmasquingvaycmo alhta. Apquililtimnasacpec enlhit mepqui apquilnatam tasic amyaa.

SAN JUAN 12:37

Inlhamoc alhta aptamjaycam sinpilapquiscama apquillanay Jesús napatavo enlhitaoc. Apquilyascacmec alhta mataa enlhitaoc.

SAN JUAN 3:10

Apcatingmavoc alhta Jesús: —Lhip inyicje aptomja apquillhicmoscama nipyesicsa enlhitaoc Israel. ¿Am ya lhquip eyasamcoc as asoc?

SAN JUAN 9:29

Ningyasamcoc nincoo Dios Ingyapam aptomja appamejitquiscama ilhnic nat Moisés. Eyca mongilyasamcoc nincoo apquinyemayaclha as enlhit —alhta apquiltomjac.

SAN JUAN 9:31

Ningyasamcoc nincoo, am ingyajalhnoc Dios Ingyapam enlhit meyascalhma appayvam. Apvamlha enlhit aptomja apquilyajayquiclho najan apyiplovquiscama apmayjayoclha, ingyeylhojoc sat Dios Ingyapam.

2 CORINTIOS 4:6

Aptomjac nic nat Dios: “Colsacsic sat olhma naysicsa yatescamalhma” —nic nat aptomjac. Eyca as Dios aptomja apquitsasquiscama olhma ingilvalhoc. Apquiltamjoc Dios yoyam ongyicpilcojo ayitsayolhma apanco, acyitna apvalhoc Jesucristo.