SAN JUAN 9:18 - Enhlit Bible

¹⁸ Apquilyascacmec alhta judíos aptimem mepqui apataoc siclho najan apvitayclho olhma quilhvo. Yejemoc alhta apquilevamcaa apyap najan aptomja aptamalviyam.

SAN JUAN 9:18 Iomraidhean Croise

GÉNESIS 19:14

Yejemoc nic nat apmiyaclho Lot apnamcaclha quilyimnanic alponcanma apquitquic. Am nic nat covocmoc alyimjapmaclha. Aptomjac nic nat Lot apquilanya: —Noc, onginyejic sat as tingma. Etvacsic sat Dios apyovoclhojo tingma— nic nat aptomjac. Apquilyascacmec nic nat quilyimnanic. Am nic nat elilyajaclhoc.

ISAÍAS 26:11

Apvanquic lhip quilhvoc anco eyanmongsiclha apquiltemaclha apancaoc aquilmapsomcaa, naysicsa mepqui mataa apquilay lhip. Apquilvitac mataa lhip aptomja apmasma enlhit apancaoc apquilpeyvomo, naysicsa apquilasmescama apquilmapsomcaa. ¡Isavojo sat lhip apquilnapma, malha talha acsovjomo asoc ápac!

ISAÍAS 53:1

¿Naso ya melyascomoc sat enlhit, apquillinga inlhojo amyaa? ¿Soc enlhit yoyam elvita apmopvan apanco Visqui ingac?

SAN LUCAS 16:31

Aptomjac nic nat apcanya Abraham: “Am sat ancoc eljalhnoc maa Moisés najan profetas appayvam Dios apquillingascama, covocmojo apquilvalhoc appayvam aptomja aplhaticjangviyam nipyesicsa apquilmasquingvaycmo” —nic nat aptomjac.

SAN JUAN 1:19

Eycaso actomja alhta Juan aplingascama amyaa. Apnam alhta judíos tingma Jerusalén. Apquilapajasquic alhta sacerdotes najan levitas apnaclha Juan. Apquiltomjac alhta apquilanya: —¿Soc enlhit lhip qui? —alhta apquiltomjac.

SAN JUAN 5:44

Colapvanquejec quellhip eltimjic melyasquiyam. Ayinyemaclha apquiltingyac apquilayo nipyesicsa quellhip. Am colhenac apquilvalhoc elavojo Dios Ingyapam aptomja apvamlha pac lhama.

SAN JUAN 9:19

Apquiltomjac alhta judíos apquilanya apyap: —¿Lhip ya apquitca aso? ¿Naso ya ayenmo congne mepqui apataoc? ¿Co lha actomja apvitaclho olhma mocjam? —alhta apquiltomjac.

SAN JUAN 9:22

Am alhta coyacmoc elhenic apyap najan inquin. Apcacac alhta apquiltemaclha judíos. Am alhta coyeycajalhcac moc apquilvalhoc judíos. Apquililtamjoc alhta mataa elantipsic apcaneyquiclhilha moclhama enlhit aptomja aplhanma apvisay Jesús aptomja Cristo.

HEBREOS 4:11

Incaymalhquic ongilyimnac nincoo yoyam ongilvoclha apnaclha Dios yoyam ongnam. Incaymalhquic melhnanmejec lhama ningyesicsa actemaclha ilhnic nat apquillhinganyam apquiltomja apquilyasquiyam.