SAN JUAN 9:17 - Enhlit Bible

¹⁷ Apquiltomjac alhta mocjam apquilanya enlhit aptamalviyam: —¿Co lhcac aptomja apcanya lhip enlhit aptomja aptamilquisquiyam apataoc? —alhta apquiltomjac. Apcatingmavoc alhta aptamalviyam: —Ayanayc coo profeta, Dios aplingascama —alhta aptomjac.

SAN JUAN 9:17 Iomraidhean Croise

SAN MATEO 21:11

Apquiltamjoc alhta enlhitaoc: —Jesús nac, profeta Dios aplingascama. Tingma pac Nazaret yoclhilhma Galilea —alhta apquiltomjac.

SAN LUCAS 24:19

Aptomjac alhta apquilanya Jesús: —¿Soc lha asoc qui? —alhta aptomjac. Apquilatingmavoc alhta: —Jesús co Nazaret alhta. Profeta apyimtalhnamo alhta Dios aplingascama. Apmopvan aptamjaycam alhta najan apquiltimnaycam napato Dios najan napatavo enlhitaoc.

SAN JUAN 4:19

Lhama alhta aclinga appayvam. Intomjac alhta ayanya: —Visqui acyicpilcangvocmec lhip. Profeta nac lhip Dios aplingascama —alhta intomjac.

SAN JUAN 6:14

Lhama alhta apquilvita enlhitaoc aptamjaycam sinpilapquiscama. Apquiltomjac alhta enlhitaoc: —Naso nac aptomja profeta Dios aplingascama aplhenamap, yoyam evac as nalhpop —alhta apquiltomjac.

SAN JUAN 9:15

Yejemoc alhta apquililmalhnamcaa fariseos: —¿Jalhco actomja apvitaclho olhma lhip? —alhta apquiltomjac. Apcatingmavoc alhta enlhit: —Yelpa lhac eltilhnascasamcoc ajataoc. Acyapasquic lhac yingmin. Yejemoc lhac sicvitaclho olhma —alhta aptomjac.

LOS HECHOS 10:38

Apquilyasamcoc quellhip aplhenacpo Jesús co Nazaret. Dios Ingyapam apcatsisquiscama alhta najan apmescama apmopvan ayinyema Espíritu Santo. Apquillanac alhta mataa Jesús aptamjaycam actamila naysicsa aptiyascam. Apquiltamilquiscacmec alhta aplhamoclhojo actovascama yavey. Ayinyemaclha aptomja mataa aplhalhma Dios Ingyapam.

LOS HECHOS 2:22

“Quellhip enlhitaoc Israel, elaylhojo sicpayvam. Pac olhenic Jesús co Nazaret. Apcasinaquic alhta Dios Ingyapam. Apquiltamjoc alhta etnejic apmopvan aptamjaycam najan aptamjaycam sinpilapquiscama najan asoc monquinatquiscama nipyesicsa quellhip. Eycaso apquilyasamcoc quellhip aptomjaclha Dios Ingyapam.

DEUTERONOMIO 18:15

Ingyanic sat Dios, elhic sat lhama profeta sicno coo nipyesicsa quellhip, ellaylhojo sat mataa appayvam.