SAN JUAN 8:9 - Enhlit Bible

⁹ Lhama alhta apquillinga appayvam. Apquilantipquic alhta moclhama. Apquilmamyi alhta apquilantiyapma apquilvanyam. Apsovjacpo alhta apquilantepa. Lhapcoc alhta aptamopamcoc Jesús najan quilvana ayinmamcaa lhapco.

SAN JUAN 8:9 Iomraidhean Croise

1 REYES 17:18

Intomjac nic nat ayanya profeta: —¿So actema apvoya nac tingma ajac? Lhip profeta Dios aplingascama. ¿Apquiltamjo ya lhquip jeyascasingvoclhojo sictemaclha ajanco? ¿Apquiltamjo ya lhquip ingyajic sictamongvoyam? — nic nat intomjac.

1 REYES 2:44

Apyasamcoc lhip aptemaclha apanco apquinmelhaycam lhip tata ninga David. Eycaso ayinyema Visqui ingac etnejic lhip apsilhnanomap apanco.

JOB 20:27

Copquenalhcac ayalhnaclhojo apvalhoc apanco, ayinyema acvitaycamco netin najan acvitaycamco as nalhpop.

JOB 20:5

Acyavataclhojo mataa acpayjayclha apvalhoc enlhit apmapsom, quilhvoc incomascoc.

SALMOS 40:14

Ilane sat elmancangvomoc selinmelhaycam. Enatovasacpoc sat maa. Elinyajamcoc sat acyiplomo apquilmancactama apquiltomja selinmelhaycam.

SALMOS 50:21

Eycaso lhip aptemaclha apanco. Am oyanmongsaclhac mataa aptemaclha lhip. Inlhenquic apvalhoc lhip, colhojoc sictemaclha lhip. Opquiniclhac sat ayalhnaclhojo aptemaclha lhip. Etac sat lhip actemaclha apsilhnanomap apanco lhip.

SALMOS 71:13

Itnesquis sat lhip yoyam elmancangvomoc cotnaja ingmoc. Ingyane sat ellingamcojoc acyimtalhnama naysicsa apquilmayjayo jeltovacsic.

ECLESIASTÉS 7:22

Ningyasamcoc nintemaclha inganco nintipquiscama apquilvisay ingmoc.

SAN LUCAS 13:17

Lhama alhta apquillinga appayvam. Apquilmanca alhta eyca apquiltomja apquilinmelhaycam. Inquilpayjeclhec alhta apquilvalhoc enlhitaoc apquilvita actemaclha apmopvan aptamjaycam.

SAN JUAN 8:10

Yejemoc alhta appeyveclho Jesús. Aptomjac alhta Jesús apcanya quilvana: —Lhiya, ¿jalhco apquilyasa enlhitaoc? ¿Paj ya lhama enlhit aptimesquiscama acmasom? —alhta aptomjac.

SAN JUAN 8:12

Yejemoc alhta apquiltimnasamcaa mocjam Jesús: —Coo sictimem siyitsasquiscamalhma enlhit lhalhma anco. Seyiploycam sat ancoc enlhit, colhic sat ayitsayolhma. Colhic sat acyimnatem apnenyic ayinyema ayitsayolhma. Metyisamejec sat mataa acyinatesaclhilhma.

SAN JUAN 8:2

Inquitsacac alhta, alhtooc anco aptalhningvactamo mocjam tingma apponquinomap. Apquilyavectac alhta aplhamoclhojo enlhit. Apnaclhec alhta Jesús. Apquillhicmosquic alhta enlhitaoc.

SAN JUAN 8:3

Apquilvaac alhta apquilyascamco apquiltemaclha najan fariseos. Apquilyantamentac alhta quilvana alanatama. Invitalhquic alhta naysicsa acpatjeteycam. Apquilnesquic alhta naysicsa.

SAN JUAN 8:8

Apjalhingvoclhec alhta mocjam Jesús. Aptalhesquic alhta mocjam nalhpop.

ROMANOS 2:15

Yitnec apquilvalhoc as enlhitaoc singanamaclha, malha actalhesomalhca apquilvalhoc. Apquilyiplovcasquic as enlhitaoc naysicsa apquileyvam. Anit actemaclha aclhanma apquilvalhoc asoc enlhitaoc. Yitnec aclhanma apquilvalhoc yoyam colsilhnanac mataa, najan moc yoyam melsilhnanacpeje. Inyasingvoclhoc mataa moc aclhanma apquilvalhoc actemaclha apquileyvam.

ROMANOS 2:22

Aptomjac mataa lhip apcanya poc: “Notvas nasa actemaclha singilyimjapma”. ¿Soctomja aptovasa nac lhip singilyimjapma? Aptanovqui inyicje lhip quilaycmasquiscama acyitsomalhca Dios. ¿Soctomja apminyilha nac lhip asoc acnaycaoc acyitnaclha quilaycmasquiscama?

1 SAN JUAN 3:20

Intomjac sat ancoc ingvalhoc colhenic ningmasom nincoo, ongnovacsic sat ingvalhoc yoyam colvaticsic. Dios aptomja apyimtalhnamo apanco, am colhno ingvalhoc. Apyasamcoc aclhamoclhojo asoc.