SAN JUAN 8:31 - Enhlit Bible

³¹ Aptomjac alhta Jesús apquilanya judíos quilhva apquiltimem melyasquiyam: —Apquilyiplovcasquic sat ancoc quellhip sicpayvam, eltimjic sat siltamsoycaoc.

SAN JUAN 8:31 Iomraidhean Croise

SAN MATEO 24:13

Apquilinlhanacmec sat ancoc enlhit actamongvomlha nelha, evomsacpoc sat tap.

SAN JUAN 1:47

Lhama alhta apvita Jesús aplhingacmo Natanael. Aptomjac alhta apcanya: —Quip elanojo, aplhingacmo nac maa israelita apanco mepqui apyinimseycam —alhta aptomjac.

SAN JUAN 2:2

Apcanyacpec alhta Jesús najan apquiltamsoycaoc eltasomoc alyimjapma ato.

SAN JUAN 6:55

Nintom actomja nasoc anco acvisay sicyovoclhojo ajanco. Ningyam actomja nasoc anco acvisay ema ajac.

SAN JUAN 8:36

Nasoc sat cotnejic apquilmiyovmap quellhip ayinyema apquilmasma Visqui Apquitca.

LOS HECHOS 13:43

Natamin ninpayvam alhta aplhinga Pablo najan Bernabé. Apquilyiplaclhec alhta aplhamoclhojo judíos najan apquilpalhaviyam judíos. Apquilpamejitcasquic alhta mocjam. Apquilanayquic alhta Pablo, yoyam elinlhanmojo apquilyiplovquiscama, yoyam melyascamejec singimlayam Dios Ingyapam.

LOS HECHOS 14:22

Aptomjac alhta Pablo najan Bernabé apquilanya enlhit melyasquiyam tasic amyaa: “Elyimnaticsojo mataa apquilvalhoc. Elinlhanmojo apquiltimem melyasquiyam tasic amyaa. Elyasamcojo quellhip: Incaymalhquic colhamojoc actemaclha acyajapmo ingilvalhoc, yoyam ongilpalhavomoc Dios apquilnancascama” —alhta apquiltomjac.

LOS HECHOS 26:22

Epasmec alhta mataa Dios Ingyapam acvocmo quilhvo siyinmaycam nac jay. Aclingasquic coo mataa tasic amyaa enlhit apquitcaoc najan apquilvanyam. Acnasoc coo siltimnaycam actemaclha apquillhanma Moisés najan profetas Dios apquillingascama. Apquillhanma ilhnic nat asoc, yoyam colvac sat:

ROMANOS 11:22

Quip ilanojo lhip. Dios aptomja apcasicjayo najan aptomja apnescamo apyanmongsayclha. Apyanmongsaclhec mataa apquiltemaclha melilyajayquiclho. Apcasicjavoc mataa Dios lhip aptomja meyasquiyam. Iyiplovcasojo sat lhip mataa. Am sat ancoc eyiplovcasac lhip, eyinyovacpoc sat lhip lha, malha yamit actingaoc alyatemenomalhca.

ROMANOS 2:7

Apquilyiplovcasquic sat ancoc actemaclha actamila naysicsa apquiltingyey acyimnatem apnenyaoc, coyanmongentac sat. Eltimjic sat apquilyimtalhnamo ayinyema Dios najan colhic sat alaco najan ellhovac sat acyimnatem apnenyaoc cotmongvoycamlha nelha.

COLOSENSES 1:23

Elinlhanmojo sat quellhip apquilyiplovquiscama actemaclha melyasquiyam. Noelojo nasa comasquingvomoc aljalhneycam apquilvalhoc ayinyema tasic amyaa apquillingay alhta quellhip. Inpayesalhquic alhta as amyaa nac jay lhalhma anco. Coo nac Pablo siyanyomalhca otnejic sicsoycam amyaa.

1 TIMOTEO 2:15

Covomsalhcac sat tap quilvana acma ayitquic naysicsa acyiplovquiscama actemaclha mongyasquiyam najan actemaclha ningasicjayo najan actemaclha ningiltamilcasomalhco inganco. Incaymalhquic quilvana cotnejic quilvana anco.

1 TIMOTEO 4:16

Itamilsacpojo apanco lhip. Itamilsojo sat actemaclha apquillhicmoscama. Ilinlhanmojo sat mataa as asoc. Apquilinlhanacmec sat ancoc lhip, evomsacpoc sat tap lhip najan apquiltomja apquiljalhenmo lhip appayvam.

2 TIMOTEO 3:14

Iyimnac sat lhip apyiplovquiscama actemaclha apyasingvoyam. Apyasamcoc apancoc lhip aptemaclha apyasingvoyam. Apyasamcoc najan lhip apquiltomja alhta apquillhicmoscama lhip.

HEBREOS 3:14

Ningilinlhanacmec sat ancoc ningyiplovquiscama acvocmo actamongvomlha nelha naysicsa mongyasquiyam acyitna nincoo siclhoc anco, ongilpasmoc sat nincoo Cristo.

HEBREOS 8:9

Am colhnoc sictimesquiscama alhta monquinatquiscama sicmayjayoclha siclhanma siclhoc anco nipyesicsa apquilyeyjamcaa. Nalhit acnim alhta sicnalovsingveclho yoclhilhma Egipto. Am alhta elilyajaclhoc monquinatquiscama sicmayjayoclha siclhanma coo. Acyinyovquic alhta enlhitaoc Israel, alhta aptomjac Dios Visqui ingac.

SANTIAGO 1:25

Am sat ancoc jingilvoncacmoc actemaclha ninlingay Dios appayvam. Ningilinlhanacmec sat ancoc ningyiplovquiscama singanamaclha, colhic sat singvoclho. Jingilvoncamejec sat actemaclha ninlingay. Ontimjic sat ningyiplovquiscama Dios appayvam. Copayjiclhac sat ingvalhoc naysicsa ningyiplovquiscama.

1 SAN JUAN 2:19

Apquilvatsamquic sinpasmeyquiclha as enlhitaoc. Ayinyemaclha cotnaja alhta nintemolhama as enlhitaoc. Apquiltomjac alhta ancoc nintemolhama, mejingyamyiclhejec alhta. Eycaso ayinyema ningyascamco, am elanomacpo nintemolhama.

1 SAN JUAN 2:24

Elmiyov sat yoyam coytic apquilvalhoc amyaa apquillingay quellhip siclhoc anco. Apquiltamilcasquic sat ancoc quellhip amyaa apquillingay siclhoc anco, eltimjic sat quellhip apquilpasmeyquiclha Ingyapam najan Apquitca.

2 SAN JUAN 1:9

Apyitnocjasquic sat ancoc enlhit actemaclha singillhicmoscama Cristo, eyca as metnaja apyipitcayo Dios. Apquilinlhanacmec sat ancoc actemaclha singillhicmoscama Cristo, eyca as aptomja apyipitcayo Dios Ingyapam najan Apquitca.

1 SAMUEL 12:14

Eltime sat apquilayo Dios. Ellaylhojo mataa appayvam najan apcanamaclha. Eltamilsacpojo apanco quellhip najan apvisqui apancaoc napato Dios. Tasic sat cotnejic.