SAN JUAN 8:28 - Enhlit Bible

²⁸ Aptomjac alhta mocjam Jesús: —Coo sicvisay Sictiyam Sictomja Enlhit. Jelmiyasiclhac sat netin coo. Natamin jelyicpilcangvomoc sat quellhip sictomja Cristo. Melquinatsejec sat quellhip cotnaja siclingascama ajanco. Aclingasquic mataa amyaa aptomja selhicmoscama coo Tata.

SAN JUAN 8:28 Iomraidhean Croise

ÉXODO 3:14

Aptomjac nic nat Dios Apyimtalhnamo apcanya: —Coo sicvisay Silmilaneycaoc. Iltimnas sat enlhitaoc Israel: “Apvisay Apquilmilaneycaoc” aptomja seyapajascama nipyesicsa quellhip — sat itne ingyanic — nic nat aptomjac.

SAN MATEO 24:5

Elilhyemoc sat aplhamoclhojo enlhit ellhenic sat coo sicvisay: “Coo nac Cristo” —sat eltimjic. Elyinimsacpoc sat aplhamoclhojo enlhit.

SAN MARCOS 13:6

Elilhyemoc sat aplhamoclhojo enlhit elsamac sat coo sicvisay: “Coo nac Cristo” —sat eltimjic. Elyinimsic sat aplhamoclhojo enlhit.

SAN LUCAS 21:8

Apcatingmavoc alhta Jesús: —Elavojo quellhip. Noelyinimsap nasa. Elilhyemoc sat aplhamoclhojo enlhit elsamac sat coo sicvisay: “Coo nac Cristo” —sat eltimjic. “Invocmec acnim” —sat eltimjic. Noelyiplov nasa quellhip.

SAN JUAN 11:42

Acyasamcoc coo, apjalhnoc mataa lhip silmalhnancama. Acpamejitcasquic coo lhip, yoyam melyascomoc as enlhitaoc nac jay, aptomja lhip seyapajascama coo —alhta aptomjac.

SAN JUAN 13:19

Eycaso siltimnascama quellhip yicpintama covac as asoc. Invaac sat ancoc, elvitac sat quellhip. Altamjoc coo, yoyam elinlhanmojoc quellhip melyasquiyam sictomja Cristo coo.

SAN JUAN 16:10

Siclhanma alhta, yoyam omyaclhac apnaclha coo Tata, mejelviticlhejec sat mocjam —acvisay actemaclha acpeyvomo.

SAN JUAN 18:32

Invocmec alhta aplhanmaclha Jesús actemaclha yoyam ematong.

SAN JUAN 19:18

Apquilyipitcasquic alhta asoc timyescama Jesús. Apquilyipitcasquic alhta mocjam asoc timyescama apcanit enlhit napocja Jesús. Naysicsa alhta apquilhnacpoc Jesús.

SAN JUAN 3:11

Actomjac coo siyanya lhip: Naso, ninlhenquic mataa asoc ningyascamco. Ninlingasquic mataa acvisay asoc ningvitay. Am eyca colmac apquilvalhoc quellhip amyaa ninlingascama.

SAN JUAN 3:14

Apmiyaseclhec nic nat netin nimisma yoclhilhma actamopeycaoc Moisés. Sat cotnejic colhic acyaseclho netin apvisay Aptiyam Aptomja Enlhit.

SAN JUAN 4:26

Apcatingmavoc alhta Jesús: —Coo nac sicvisay Cristo sicpamejitsa lhcac lhiya —alhta aptomjac.

SAN JUAN 5:19

Aptomjac alhta Jesús apquillhicmosa enlhitaoc: —Actomjac coo silanya quellhip: Movanquejec otnajam elhapco sicvisay Dios Apquitca. Acvajanamquic coo mataa sicvita actemaclha aptamjaycam Tata. Moclhama aptamjaycam coo Tata acnasoc coo lha sicvisay Apquitca.

SAN JUAN 5:30

Aptomjac alhta mocjam Jesús: —Movanqueje coo otnajam elhapco. Elhicmosquic mataa coo Tata actemaclha yoyam oyicpilcojo. Inpeyvoc mataa sicyicpilquemo. Am oyiplovcasac mataa actomja sicmayjayoclha ajanco. Acyiplovcasquic mataa actomja apmayjayoclha coo Tata aptomja seyapajascama.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

SAN JUAN 8:24

Eycaso ayinyema sictomja lhac silanya quellhip: Elmasquingvomoc sat quellhip acyiplomo melyascalhma apancaoc. Apquilyascacmec sat ancoc quellhip sictomja Cristo, elmasquingvomoc sat quellhip acyiplomo melyascalhma.

SAN JUAN 8:27

Am alhta elyasamcoc judíos actemaclha aplhenamap Ingyapam netin.

SAN JUAN 8:58

Aptomjac alhta Jesús apquilanya: —Actomjac coo silanya quellhip: Naso, sictiyascam nat coo, metyaycamlha nic nat Abraham —alhta aptomjac.

LOS HECHOS 2:41

Inquilmec alhta apquilvalhoc Dios appayvam. Yejemoc alhta aptingyamco yapasquiscama yingmin. Malha tres mil alhta apquilpalhacsomap enlhitaoc apquilyanmonquiscama apquilvalhoc.

LOS HECHOS 4:4

Am alhta elyascacmoc apquillinga tasic amyaa. Apvocmec alhta cinco mil enlhitaoc aptimem melyasquiyam.

DEUTERONOMIO 18:18

Ongvanic sat profeta apno lhip nipyesicsa apnaymacoc, etnejic sat aplingascama siyanamaclha najan aplingascama sicpayvam.