SAN JUAN 7:39 - Enhlit Bible

³⁹ Espíritu Santo alhta aplhenac Jesús. Enlhit apquiltomja melyasquiyam Jesús ellhovamcoc sat Espíritu Santo. Am alhta evac mocjam Espíritu Santo. Ayinyemaclha am alhta covocmoc, yoyam coyangvomoc apyimtalhnamo Jesús.

SAN JUAN 7:39 Iomraidhean Croise

SALMOS 68:18

Dios Visqui ingac. Apquinamtec nic nat lhip nitno apnalayclha apquilmomap. Aplhocac nic nat malmescama lhip nipyesicsa enlhitaoc. Elpalhavotac sat enlhitaoc apquilinmelhaycam apnaclha lhip.

PROVERBIOS 1:23

Quip elaylhojo nintemaclha ningiltamsoycaoc, ellhovamcoc sat actamilaycam apquilvalhoc quellhip, colhic sat acyascamco apquilvalhoc.

ISAÍAS 12:3

Ningilvomsomalhca tap acyitsomalhca acyitnamaclha yingmin, elyinaoc sat quellhip lha acyiplomo acpayjayclha apquilvalhoc.

ISAÍAS 32:15

Evac sat ningyesicsa Dios espíritu apanco. Yoclhilhma actamopeycaoc cotniclhac sat amyip ningilcaycaoc. Coltamiliclhac sat ningilcaycaoc, ongvita cotlaycaoc acyilhna.

ISAÍAS 44:3

Oyanquincajac sat yingmin yoclhilhma acyamacoclhilhma. Otipsic sat vatsam acyamayo lhopactic. Opquinic sat Espíritu ajanco apquilvalhoc apquitquic. Ovaticjapsic sat aptovana quilhvoc appaliyam.

JOEL 2:28

Aptomjac alhta Dios Apyimtalhnamo: Ongvapajacsic sat nalhit acnim espíritu ajanco elhic sat apquilvalhoc apyovoclhojo enlhitaoc. Ellingacsic sat sicvisay quellhip apquitquic apquilinava najan quilvanaa. Colvitac sat apquilvanmoncama apquilvanyam najan quilyimnanic.

SAN MATEO 16:14

Apquilatingmavoc alhta apquiltamsoycaoc: —Juan yapasquiscama yingmin inyap apcanyacpoc lhip. Poc enlhitaoc apquilanayc lhip Elías profeta. Poc enlhitaoc apquilanayc lhip Jeremías profeta. Poc apquilanayc lhip aptomja profeta Dios aplingascama —alhta apquiltomjac.

SAN MATEO 21:11

Apquiltamjoc alhta enlhitaoc: —Jesús nac, profeta Dios aplingascama. Tingma pac Nazaret yoclhilhma Galilea —alhta apquiltomjac.

SAN LUCAS 24:49

Quip elanojo. Pac ongvapajacsic sat aplhanma coo Tata ellhovac sat quellhip. Elhnam sat quellhip tingma Jerusalén acvocmo apquillhoy apquilmopvan ayinyema netin —alhta aptomjac.

SAN LUCAS 3:16

Apcatingmavoc alhta Juan: —Acyapascasamqui inyicje quellhip yingmin. Elhingmac sat lhama enlhit. Apmeyjec apanco, molhno coo. Acyaponcanalhquic oljalhyovasquisic alhataoc tiyayipeoc. Sat eyquima elyapasquisamcoc quellhip Espíritu Santo najan talha.

SAN LUCAS 7:16

Apquilacac aplhamoclhojo enlhit. Apquilacoc alhta Dios Ingyapam. Apquilpamejitsa alhta: —Ingilpalhavac nincoo profeta apvanyam Dios aplingascama. Apquilpamejitsa mocjam: —Apvaac Dios Ingyapam, yoyam epasmoc enlhitaoc —alhta apquiltomjac.

SAN JUAN 1:21

Apquiltomjac alhta mocjam apquilanya: —¿Soc enlhit lhip qui? ¿Naso ya lhquip Elías profeta Dios aplingascama? —alhta apquiltomjac. Apcatingmavoc alhta Juan: —Jave coo —alhta aptomjac. Natamin apquililmalhnaclho alhta mocjam: —¿Naso ya lhquip profeta aplhenamap yoyam eva? —alhta apquiltomjac. Apcatingmavoc alhta: —Jave coo —alhta aptomjac.

SAN JUAN 1:25

Apquiltomjac alhta apquilanya Juan: —¿Soctomja apyapascasamco nac lhip yingmin? Jave nac lhip Cristo, jave najan Elías, jave najan profeta aplhenamap —alhta apquiltomjac.

SAN JUAN 1:33

Am alhta oyicpilcac siclho coo. Eyasinaquic alhta Dios Ingyapam oyapasquisamcoc yingmin enlhitaoc. Aptomjac alhta seyanya aptomja seyapajascama: “Apvitac sat ancoc lhip Espíritu Santo apvayventamo tacjaplhit lhama enlhit, eyca as aptomja yoyam eyapasquisamcoc Espíritu Santo”.

SAN JUAN 12:16

Am alhta elyasamcoc siclho apquiltamsoycaoc actomjaclha as asoc. Apquilyasingvoclhoc alhta natamin aplhaticjangviyam actemaclha mayayo Jesús. Actemaclha aplhenamap nic nat Jesús acno actomjaclha alhta apquilvitay.

SAN JUAN 12:23

Aptomjac alhta apquiltimnasamcaa Jesús: —Invocmec acvamlha acnim, yoyam colhic seyaco sicvisay Sictiyam Sictomja Enlhit.

SAN JUAN 14:13

Elmalhnaquic sat ancoc quellhip moclhama asoc naysicsa apquillhanma sicvisay, olyejiclhojoc sat coo. Yoyam colhic ayaco coo Tata ayinyema coo sicvisay Apquitca.

SAN JUAN 14:26

Evac sat Espíritu Santo, yoyam epasmoc quellhip. Coo Tata sat ingyapajacsic actemaclha aplhanma sicvisay. Elyascasingvomoc sat Espíritu Santo aclhamoclhojo asoc. Elyasingvoclhojoc sat quellhip actemaclha siltimnascama mataa quellhip.

SAN JUAN 16:14

Colhic sat seyaco ayinyema Espíritu apvisay Singilmalhnesquiscama. Ayinyemaclha elhcac sat amyaa ajanco, yoyam ellhicmocsic quellhip.

SAN JUAN 16:7

Nasoc anco sicpayvam silanya quellhip. Tasic anco yoyam omyaclhac maa. Am sat ancoc omyaclhac maa, mevjejec sat apvisay Singilmalhnesquiscama yoyam epasmoc quellhip. Acmiyaclhec sat ancoc quilhvo, ongvapajacsic sat apvisay Singilmalhnesquiscama yoyam epasmoc quellhip.

SAN JUAN 17:1

Lhama alhta apsovja apquiltimnascama Jesús. Apsicjaclho alhta netin appamejitsa Ingyapam: —Tata, invocmec acvamlha acnim. Jitne sat seyayo sicvisay lhip Apquitca. Altamjoc coo lha otnesquisic siyayo lhip.

SAN JUAN 17:5

Lhip Tata, acnec nat coo apnaclha lhip yicpintama allanomalhquilha as nalhpop. Yitnec nat coo gloria sictamila ajanco netin. Jitnesquis sat gloria sictamila ayinyema netin napato lhip, sictemaclha nat gloria sictamila ajanco netin.

SAN JUAN 20:22

Natamin aplhanma alhta apvatipnapsa apquiltamsoycaoc. Aptomjac alhta Jesús apquilanya: —Colma apquilvalhoc Espíritu Santo.

SAN JUAN 6:14

Lhama alhta apquilvita enlhitaoc aptamjaycam sinpilapquiscama. Apquiltomjac alhta enlhitaoc: —Naso nac aptomja profeta Dios aplingascama aplhenamap, yoyam evac as nalhpop —alhta apquiltomjac.

SAN JUAN 7:12

Apquilmalyevasacpec alhta aplhamoclhojo enlhitaoc. Jesús alhta aplhenacpoc. Apquiltomjac alhta napocja enlhit: “Am inyicje etamilac maa, apquilyinimsam mataa enlhitaoc” —alhta apquiltomjac.

SAN JUAN 8:54

Aptomjac alhta mocjam Jesús: —Ayajemo sat cotnejic siyajamalhco ajanco. Coo Tata eyca aptomja seyayo. Apquiltimem inyicje quellhip apquilyap coo Tata.

LOS HECHOS 19:2

Aptomjac alhta apquilanya Pablo: —¿Apquillhoca ya quellhip Espíritu Santo apquiltomja alhta melyasquiyam? —alhta aptomjac. Yejemoc alhta apquilatingmavo: —Paj. Am onlingac nincoo apvisay Espíritu Santo —alhta apquiltomjac.

LOS HECHOS 2:17

Otnejic sat yicpintama actamongvomlha nelha acnim —nic nat aptomjac Dios Ingyapam. Oyanquincajac sat Espíritu ajanco tacjaplhit enlhitaoc. Ellingacsic sat sicvisay quellhip apquitquic apquilinava najan quilvanaa. Malha ningvitayo ningaat sat cotnejic enlhitaoc apquitcaoc. Colhic sat apquilvanmoncama enlhit apquilvanyam.

LOS HECHOS 2:33

Apyasacpec alhta netin. Apnesacpec alhta apyimnatamaclha Dios Ingyapam. Apmesquic Apyap Espíritu Santo aplhanma alhta yoyam emquesic. Eyca as asoc apquilvitay najan apquillingay quellhip alvaa ayinyema Espíritu Santo.

LOS HECHOS 2:38

Apcatingmavoc alhta Pedro: —Elyanmonquis apquilvalhoc napato Dios Ingyapam. Eltingya macyapascaseycaoc yingmin actema apquillhanma apvisay Jesucristo. Colmascosalhcac sat melyascalhma quellhip. Ellhovac sat Espíritu Santo Dios apmescama.

LOS HECHOS 2:4

Inquillanamcoc alhta apquilvalhoc enlhit Espíritu Santo. Apquilpametam alhta cotnaja apquilpayvam, ayinyema Espíritu Santo aptimesquiscama.

LOS HECHOS 3:13

Quip elanojo. Dios Ingyapam aptomja ilhnic nat apvisqui apancaoc Abraham najan Isaac najan Jacob. Aptimesquiscama apyimtalhnamo Apquitca apvisay Jesús. Apquilanem alhta quellhip emacpoc Jesús najan colhic acyantamo apnaclha Pilato. Apquiltamjoc alhta inyicje eyamyiclha Pilato. Quellhip alhta eyca ayinyemaclha apquiltovascama.

LOS HECHOS 4:31

Lhama alhta apquilpenesa apquililmalhnancama. Apyovjam alhta tingma apcaneyquiclhilha. Apnangvocmec alhta apquilvalhoc Espíritu Santo apquilanomacpo. Apquililtimnam alhta Dios appayvam mepqui apquilay.

ROMANOS 8:9

Apquilvatsamquic quellhip apquilyiplovquiscama apquiltemaclha apanco. Apquilyiplovcasquic quellhip actemaclha ayinyema Espíritu apanco Dios. Ayinyemaclha apnec apquilvalhoc quellhip Espíritu apanco Dios. Am sat ancoc elhnac ingvalhoc Espíritu apanco Cristo, mongvanquejec ontimjic apmolhama.

2 CORINTIOS 3:8

Actamila anco amyaa ayinyema Espíritu Santo malha acyiviy ayapongmatem, am colhno ayapongmatem acyiplomo nic nat singanamaclha Moisés.

EFESIOS 4:30

Noelyitnocjas nasa apvalhoc Espíritu Santo apquinyema Dios. Ayinyemaclha acyitna quellhip apquilcajascama Espíritu apanco Dios, apquiltomja apquitquic. Yoyam elvomsacpoc sat tap actamongvomlha nelha acnim.