SAN JUAN 7:35 - Enhlit Bible

³⁵ Yejemoc alhta apquilpamejitsacpo enlhitaoc (judíos): —¿Jalhcojo sat eyacsic, yoyam mongilviticlhac nincoo? ¿Apquiltamjo ya eyacsic as enlhit nipyesicsa judíos apquilhpaneycam? ¿Apquiltamjo ya elhicmocsic griegos maa?

SAN JUAN 7:35 Iomraidhean Croise

SALMOS 147:2

Visqui ingac aptomja apquillanay tingma Jerusalén. Aptomjac apcansayclha mocjam apquilhpaneycam siclho apquilmomap ingnaymacoc.

ISAÍAS 11:10

Elhenacpoc sat apmolhama David. Etacpoc sat malha yamit alhcapoc alhnancoc actiyapma ayquipmenaoc. Melquinatsejec sat enlhitaoc lhalhma anco, elyotac sat apmaclha maa. Innec mataa ayaco apmaclha apanco David apmolhama — nic nat aptomjac profeta.

ISAÍAS 11:12

Etnimsic sat asoc monquinatquiscama, elvitac sat enlhitaoc lhalhma anco. Ingyansiclhac sat israelitas apquilhpaneycam lhalhma anco. Ingyansiclhac sat judíos apquilhpaneycam lhalhma anco, acvaycmo nelha lhopactic (as nalhpop).

ISAÍAS 49:6

Aptomjac alhta seyanya: Lhip aptomja siyasinancama, jave acvamlha yoyam ingyansiclhac apyovoclhojo israelitas najan apnalayquinta apquilaymomap israelitas. Otnesquisic sat lhip, etnejic apquitsasquiscama olhma nipyesicsa enlhitaoc lhalhma anco, yoyam elvomsacpoc sat tap apyovoclhojo enlhitaoc acvaycmo nelha lhopactic (nalhpop) — alhta aptomjac seyanya.,

ISAÍAS 56:8

Ongvansiclhac sat mocjam apquiltomja apquilhpaneycam — alhta aptomjac Dios Apyimtalhnamo apcansayclha israelitas apquilhpaneycam — nic nat aptomjac profeta.

SOFONÍAS 3:10

Enlhit ajancaoc apquileyvam tap vatsam Etiopía, elvotac sat jelsantimsic asoc selmescama coo.

SAN MATEO 12:21

Elaylhic sat enlhit lhalhma anco apquilnancascama apanco —nic nat intomjac appayvam.

SAN LUCAS 2:32

Aptomja malha ayitsayolhma, yoyam colsasquisalhma enlhit metnaja judíos. Yoyam elacpojoc enlhitaoc Israel, lhip enlhit apancaoc —alhta aptomjac Simeón.

SAN JUAN 12:20

Apquilmiyaclhec alhta caya tingma Jerusalén, yoyam elpayicsojo Dios Ingyapam. Apquilpalhavocmec alhta napocja enlhit apquilvisay griegos.

SAN JUAN 7:1

Natamin alhta as asoc aplhinga Jesús. Aptiyasam alhta yoclhilhma Galilea. Am alhta eltamjoc elhic mocjam yoclhilhma Judea. Ayinyemaclha judíos alhta apquililtamjoc elajic Jesús.

SAN JUAN 8:22

Apquilatingmavoc alhta judíos: —¿Pa ya ingyajacpoc apanco? Ayinyemaclha aplhena nac: Melvomejec sat quellhip yavamlha oyacsic —alhta apquiltomjac.

LOS HECHOS 11:18

Lhama alhta apquillinga apquiltimnaycam apquilyalhinga apnaycam tingma Jerusalén. Inquiltamilaclhec alhta apquilvalhoc. Inmasquec alhta apquilyasquiyam. Apquilacoc alhta Dios Ingyapam, apquilpamejitsa: —Dios Ingyapam apmescama elyanmongsic apquilvalhoc metnaja judíos najan colhic acyimnatem apnenyaoc cotmongvoycamlha nelha —alhta apquiltomjac.

LOS HECHOS 11:20

Apquilinyictac alhta napocja enlhit melyasquiyam tasic amyaa acyayem inquilhe Chipre najan tingma Cirene. Apquilvocmec alhta tingma Antioquía. Apquililtimnasam alhta nipyesicsa metnaja judíos (griegos) tasic amyaa ayinyema Visqui ingac.

LOS HECHOS 14:1

Apquilvocmec alhta Pablo najan Bernabé tingma Iconio. Apquilantalhningvocmec alhta apcaneyquiclhilha judíos. Avanjec alhta apquiltimnaycam. Yejemoc alhta apquiltomja melyasquiyam aplhamoclhojo judíos najan metnaja judíos.

LOS HECHOS 17:4

Am alhta elyascacmoc tasic amyaa napocja judíos. Apquilpalhavaac alhta Pablo najan Silas. Apnacmec alhta maa aplhamoclhojo griegos. Najan aclhamoclhojo quilvanaa alimja apmamyi. Apquilacoc alhta mataa Dios Ingyapam. Am alhta najan elyascacmoc tasic amyaa.

LOS HECHOS 18:4

Apquillhicmosquic alhta mataa Pablo aclhamoclhojo acnim ninnayclha tingma apcaneyquiclhilha. Apquilyascasingvocmec alhta, yoyam colmoc apquilvalhoc amyaa judíos najan metnaja judíos.

LOS HECHOS 21:21

Inlingalhquic amyaa actemaclha lhip apquillhicmoscama aplhamoclhojo judíos apnaycam lhalhma anco. Actemaclha apquilascama lhip elyiplovcasojo apcanamaclha Moisés. Najan apquilascama lhip actemaclha sicaa monquinatquiscama apyimpeoc. Najan apquilascama lhip nintemaclha inganco —alhta intomjac amyaa apcanyacpo.

LOS HECHOS 22:21

Aptomjac alhta seyanya Visqui ingac: “Ilhing. Pac ongvapajacsic lhip mocjay nipyesicsa metnaja judíos” —alhta aptomjac.

ROMANOS 1:16

Momancayc coo oltimnacsic tasic amyaa. Ayinyemaclha acmovan innac ayinyema Dios, yoyam colvomsic tap aplhamoclhojo apquiltomja melyasquiyam. Apquillhenacpec siclhoc anco judíos yoyam eltimnasacpoc. Najan maa aplhamoclhojo enlhitaoc lhalhma anco.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

COLOSENSES 1:27

Apquiltamjoc Dios yoyam ellhicmosacpoc enlhitaoc lhalhma anco asoc acyilhomalhca nano, acvisay cotlaycaoc asoc altamila. Eycaso acvisay asoc acyilhomalhca: Cristo aptomja apyipitcayo quellhip. Yitnec najan aljalhneycam apquilvalhoc yoyam elvitac ayitsayoclhilhma actamila yoyam covac sat.

1 TIMOTEO 2:7

Eycaso ayinyema aptimesquiscama sicvisay soycam amyaa najan apóstol siyapajasomalhca nipyesicsa enlhitaoc lhalhma anco. Nasoc anco siclhanma, cotnaja acmovan amyaa. Apquiltamjoc yoyam olhicmocsic actemaclha mongyasquiyam najan actomja nasoc anco.

2 TIMOTEO 1:11

Eyasinaquic alhta Dios yoyam oltimnacsic as tasic amyaa. Etnescasquic alhta yoyam otnejic soycam amyaa yoyam otnejic apóstol siyapajasomalhca, yoyam otnejic sillhicmoscama aplhamoclhojo enlhitaoc.

SANTIAGO 1:1

Coo nac Santiago sictomja Dios apquilancam najan Jesucristo Visqui ingac. Inlhenquic evalhoc Dios apmolhama apquilhpaneycam lhalhma anco.

1 SAN PEDRO 1:1

Coo nac Pedro, sictimem apóstol siyapajasomalhca ayinyema Jesucristo. Actalhescasquic as vaycajac actemaclha aclhanma evalhoc Dios apmolhama apquilhpaneycam lhalhma anco. Acvisay yoclhilhma Ponto najan yoclhilhma Galacia najan yoclhilhma Capadocia najan yoclhilhma Asia najan yoclhilhma Bitinia.