SAN JUAN 7:17 - Enhlit Bible

¹⁷ Apquiltamjoc sat ancoc enlhit eyiplovcasojo apmayjayoclha Ingyapam, metnatsejec sat sellhicmoscama. Naso nac ayinyema Dios Ingyapam, jave ayinyema sillhicmoscama ajanco.

SAN JUAN 7:17 Iomraidhean Croise

SALMOS 119:10

Avanjec mataa aclhanma evalhoc lhip Visqui ajac. Jemyov coo, yoyam molhnanmejec coo naysicsa sicyiplovquiscama.

SALMOS 25:12

Jalhco aptema enlhit apcayo mataa Visqui ingac: Colhic sat allhicmosa yoyam eyiplovcasojo amay actemaclha actamila aptomja apquilyacyescama.

SALMOS 25:14

Aptimec mataa appasmeyquiclha Visqui ingac apquiltomja apquilayo. Colhic sat alyascasingvocmo apmayjayoclha.

PROVERBIOS 28:5

Paj ongilyasamcoc mataa actemaclha acpeyvomo, ningiltomja inlhojo ningilmasomcaa. Ongilyasamcojoc sat actemaclha acpeyvomo, nintingya inlhojo Dios.

PROVERBIOS 3:32

Ningiltanovalhquic mataa napato Dios, apvita inlhojo nintemaclha acmasom. Innec mataa singaco napato Dios, apvita inlhojo nintemaclha acpeyvomo.

ISAÍAS 35:8

Cotalhcac sat maa amay actamila, apquiltimec acvisay Amay Acponquinomalhca. Colapvanquejec elyiplaclha as amay metnaja Dios apquilyacyescama, najan enlhit acyeyjamelhma apquilvalhoc.

DANIEL 12:10

Ellingamcojoc sat acyimtalhnama aplhamoclhojo enlhit. Elyanmongsic sat moc apquilvalhoc, coytic sat actamilaycam apquilvalhoc. Elyiplovcasojoc sat mocjam apquiltemaclha apancaoc enlhit apquilmapsomcaa. Am elyasamcoc mataa, yavamlha sat cotnejic. Elyasingvomoc sat acyovoclhojo amyaa apquiltomja apquilyascamco.

OSEAS 6:3

Pac ongilvascapoc, yoyam ongilyasamcojo apmayjayoclha Dios. Ingyilhyemoc sat Dios Visqui ingac jingilpalhavota. Nasoc anco as amyaa, acno actiyapma mataa acnim, acno acmamayaclha ayenmo año najan nelha año — alhta apquiltomjac co Israel.

MIQUEAS 4:2

Elvac sat enlhit appintalhnama, eltimjic apquilpayvam: Noc, ongmiyaclha sat netin inquilhe apanco Dios Apyimtalhnamo. Ontingyac sat tingma apponquinomap Dios Visqui apancaoc apquilmolhama Jacob (aptovana niptamin). Jingillhicmocsic amay yavamlha ongyiplaclha mepqui ninlhinganyam — sat eltimjic. Conyemac sat tingma Sión singillhicmoscama Dios. Conyemac sat tingma Jerusalén appayvam apanco Dios.

MALAQUÍAS 4:2

Quellhip apquiltomjac selayo, elvitac sat sictemaclha sicpeyvomo, malha ayitsasquiscama acnim, actomja sintamilquisquiyam. Copayjiclhac sat apquilvalhoc quellhip, colhojoc sat alnilhtingayclha vayqui ayitcoc.

SAN MATEO 6:22

‘Ingataoc actomja ayitsasquiscama olhma ningyovoclhojo. Intasic ancoc ingataoc, colsacsic sat olhma ningyovoclhojo.

SAN LUCAS 8:15

Poc enlhit eyca acyitsomalhco mayinayclha actic actamila lhopactic. Apquillingac ancoc amyaa, yejemoc almam apquilvalhoc. Inlhamaclhec anco apyilhna enlhit actemaclha apquilinlhanyam —alhta aptomjac Jesús.

SAN JUAN 3:21

Apquilyoctac mataa ayitsayolhma enlhit apquiltomja apquilyiplovquiscama actomja nasoc anco. Apquililtamjoc yoyam colvitalhca apquiltemaclha altamila ayinyema Dios Ingyapam —alhta aptomjac.

SAN JUAN 8:43

¿Soctomja melyasamco nac quellhip coo sicpayvam? Am colyacmoc quellhip elaylhojo coo sicpayvam.

SAN JUAN 8:44

Innec quellhip apquilyap acvisay yavey diablo. Quellhip apquiltomja ayitquic. Apquililtamjoc mataa elvajanamcoc quellhip actemaclha ayitsepma inquenyic apquilyap. Siclhoc anco nic nat acvocmo quilhvo nac jay actomja ticyovam inyap. Am coyitnac mataa actimem nasoc anco. Jave nasoc anco actemaclha. Intimec mataa acmovan amyaa, ayinyemaclha yavey diablo acvisay acmovan amyaa inyap. Actemaclha anco acmovan amyaa.

SAN JUAN 8:47

Apjalhnoc mataa Dios appayvam enlhit aptomja Dios apquitca. Am eliltamjoc quellhip elaylhojo Dios appayvam. Ayinyemaclha meltomja quellhip Dios apquitquic —alhta aptomjac.

LOS HECHOS 17:11

Inquiljalhnec alhta apquilvalhoc judíos co Berea, melno apnaymacoc co Tesalónica. Inquilmec alhta apquilvalhoc tasic amyaa. Apquilyipsatamquic alhta mataa vaycajac Dios appayvam aclhamoclhojo acnim. Apquilyitsamquic alhta mataa actemaclha aplhanma Pablo.