SAN JUAN 7:12 - Enhlit Bible

¹² Apquilmalyevasacpec alhta aplhamoclhojo enlhitaoc. Jesús alhta aplhenacpoc. Apquiltomjac alhta napocja enlhit: “Am inyicje etamilac maa, apquilyinimsam mataa enlhitaoc” —alhta apquiltomjac.

SAN JUAN 7:12 Iomraidhean Croise

SAN MATEO 10:25

Incaymalhquic mallhicmoscama colcojoc apvalhoc apquilinmalhingvoyclha apquillhicmoscama. Incaymalhquic apquilancam colcojoc apvalhoc apquilinmalhingvoyclha apvisqui. Apquiltomjacpec alhta apquilmolhama apyap apvisay Beelzebú, ningiltimem somquic quilyicjamo. Colhic sat najan altomja apmolhama apquilvisay Beelzebú —alhta aptomjac.

SAN MATEO 21:46

Apquililtamjoc alhta inyicje, yoyam emacpoc Jesús. Apquilacpec alhta apnaymacoc. Profeta Dios aplingascama alhta apcanyacpo Jesús.

SAN MATEO 27:63

Apquiltomjac alhta apquilanya Pilato: —Visqui, am jingilvoncacmoc mocjam nincoo aptomjaclha alhta appayvam as enlhit singilsilhnanoncama, mengyitsepmaclha alhta: “Natqui acnim sat cotnejic olhaticjangvomoc mocjam” —alhta aptomjac singilanya.

SAN LUCAS 18:19

Apcatingmavoc alhta Jesús: —¿Soctomja seltomja nac sictamila? Lhama apanco aptomja aptamila, Dios Ingyapam, paj poc.

SAN LUCAS 23:47

Lhama alhta apvita actomjaclha capitán co Roma. Apcacavoc alhta Dios Ingyapam, appamejitsa: —Nasoc anco appeyvomo as enlhit —alhta aptomjac.

SAN LUCAS 23:50

Lhama enlhit alhta appeyvomo najan aptamila apvisay José. Tingma pac alhta Arimatea yoclhilhma Judea. Aptomja lhama nipyesicsa apquilviscaa apquilpamejitsomap.

SAN LUCAS 6:45

Nintipcasquic altamila asoc ningiltomja ningiltamila. Altamila asoc innac ingvalhoc. Nintipcasquic ayasomco asoc ningiltomja ningilmasom. Ayasomco asoc innac ingvalhoc. Actemaclha ninlhanma mataa ayinyema ingvalhoc aclaneyo —alhta aptomjac Jesús.

SAN LUCAS 7:16

Apquilacac aplhamoclhojo enlhit. Apquilacoc alhta Dios Ingyapam. Apquilpamejitsa alhta: —Ingilpalhavac nincoo profeta apvanyam Dios aplingascama. Apquilpamejitsa mocjam: —Apvaac Dios Ingyapam, yoyam epasmoc enlhitaoc —alhta apquiltomjac.

SAN JUAN 6:14

Lhama alhta apquilvita enlhitaoc aptamjaycam sinpilapquiscama. Apquiltomjac alhta enlhitaoc: —Naso nac aptomja profeta Dios aplingascama aplhenamap, yoyam evac as nalhpop —alhta apquiltomjac.

SAN JUAN 7:32

Lhama alhta apquillinga fariseos actemaclha apquilmalyevoycam enlhitaoc aplhenacpo Jesús. Yejemoc alhta apquilpamejitsacpo fariseos najan apquilimja apmamyi sacerdotes. Apquilapajasquic alhta apquiltamilquiscama tingma apponquinomap, yoyam elmoc Jesús.

SAN JUAN 7:47

Apquilatingmavoc alhta fariseos: —¿Apquilvajanamco ya quellhip lha actemaclha apyinimquiscama?

SAN JUAN 7:52

Apquilatingmavoc alhta: —¿Lhip ya najan co Galilea? Ilyipsit siclho Dios appayvam actalhesomalhca. Metangvomejec sat aclhanma profeta Dios aplingascama, yoyam ingyinyema yoclhilhma Galilea —alhta apquiltomjac.

SAN JUAN 9:16

Apquilatingmavoc alhta fariseos: —Jave Dios Ingyapam apcapajascama as enlhit. Am etamilcasac acnim ningnayclha —alhta apquiltomjac. Apquiltomjac alhta poc: —Meyascalhma nac as enlhit. ¿Jalhco actomja apcopvanco nac ellanac aptamjaycam sinpilapquiscama? —alhta apquiltomjac. Am alhta colhnoc moc apquilvalhoc.

LOS HECHOS 11:24

Aptasic alhta as enlhit Bernabé. Inlanoc alhta apvalhoc Espíritu Santo najan meyasquiyam. Apquilpalhavocmec alhta Visqui ingac aplhamoclhojo enlhit.

ROMANOS 5:7

Paj lhama enlhit apquiltemo ematong acyanmongam poc yoyam emyovacpoc aptomja appeyvomo. Apquiltamjoc lhaja enlhit ematong acyanmongam aptimem poc apanco aptomja aptamila.

FILIPENSES 2:14

Ellana sat aclhamoclhojo asoc mepqui apquillhenayclho najan mepqui acyasquiyam apquilvalhoc.