SAN JUAN 6:57 - Enhlit Bible

⁵⁷ Acyimnatem apnenyic innac coo Tata aptomja seyapajascama. Acyimnatem enquenyic coo lha innac ayinyema coo Tata. Elhojoc sat enlhit aptomja aptom ejepitic. Colhic sat acyimnatem apnenyic ayinyema coo.

SAN JUAN 6:57 Iomraidhean Croise

SALMOS 18:46

Innec ayaco Visqui ingac apyimnatem. Apyimtalhnamo apanco (nitnoc anco) Dios semasma coo.

JEREMÍAS 10:10

Apnec nincoo Dios Visqui ingac mengyitsepma, aptomja nasoc anco, aptomja Visqui apyimtalhnamo cotmongvoycamlha nelha. Copilhyinamoc sat as nalhpop, acyitna inlhojo aplom pac Dios, elmasquingvomoc sat apyovoclhojo enlhit.

SAN MATEO 16:16

Apcatingmavoc alhta Simón Pedro: —Lhip nac Cristo, Dios apquilmilaneycaoc Apquitca —alhta aptomjac.

SAN JUAN 14:19

Quilhvoc sat ovonquepoc coo. Mejelviticlhejec sat mocjam enlhit lhalhma anco. Quellhip eyca jelvitac sat mataa. Colhic sat acyimnatem apnenyaoc, ayinyemaclha cayjec coo enquenyic.

SAN JUAN 14:6

Apcatingmavoc alhta Jesús: —Coo sictimem amay najan actomja nasoc anco najan acyimnatem ingnenyic. Am sat ancoc jeyotac coo enlhit, copvanquejec eyoclhac apnaclha coo Tata.

SAN JUAN 17:21

Altamjoc eltimjic lhama apquilpasmeyquiclha as enlhitaoc, acno lhip Tata aptomja seyipitcayo najan coo lha sictomja sicyipitcayo lhip. Yoyam ongiltimjic nincoo lha ninpasmeyquiclha as enlhitaoc. Elyicpilcangvomoc sat enlhitaoc lhalhma anco, aptomja seyapajascama lhip.

SAN JUAN 3:17

Apcapajasquic alhta Dios Ingyapam Apquitca as nalhpop. Am eltamjoc eyanmongsiclha apquiltemaclha enlhit lhalhma anco. Apquiltemoc elvomsic tap enlhit lhalhma anco.

SAN JUAN 5:26

Apmopvan innac coo Tata elmesic acyimnatem apnenyaoc enlhitaoc. Najan emcasquic coo lha sicmovan, yoyam olmesic acyimnatem apnenyaoc enlhitaoc.

SAN JUAN 6:29

Apcatingmavoc alhta Jesús: —Apquiltamjoc coo Tata aptomja seyapajascama, yoyam mejelyascamejec quellhip. Nojelyasquim nasa coo —alhta aptomjac.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

1 CORINTIOS 15:22

Elmasquingvomoc sat aplhamoclhojo enlhitaoc ayinyema ilhnic nat Adán, aptomja malha singilsilhnanoncama. Acno najan enalhaticjangvomoc sat aplhamoclhojo apquilmasquingvaycmo ayinyema apquilpasmeyquiclha Cristo.

1 CORINTIOS 15:45

Yitnec actalhesomalhca Dios appayvam: “Enlhit apquillanomap apmamyi ilhnic nat Adán. Apvanmoncama ilhnic nat innac” —nic nat intomjac. Apvanmoncama ayinyema Dios alhta innac poc Adán apvisay Cristo, aptomja apyimnatescama ingnenyaoc.

2 CORINTIOS 13:4

Naso, mepqui apmopvan alhta Cristo naysicsa apquitsepma asoc timyescama. Apjalhnancoc aptomjac mocjam Cristo ayinyema Dios apmopvan. Acno nincoo lha. Ningiltomja inyicje mepqui ningmovan, ningiltomja eyca ninpasmeyquiclha Cristo najan ningiltomja ingjalhnancaoc ayinyema Dios apmopvan. Eycaso elvitac sat quellhip.

GALATAS 2:20

Malha siyitsepma lhama alhta Cristo asoc timyescama. Inmasquec actemaclha evalhoc nano. Cristo apnac evalhoc quilhvo. Yitnec coo acyimnatem enquenyic ayinyema moyasquiyam Dios Apquitca. Ayinyemaclha eyasicjavoc Dios Apquitca, apyinyovsomacpo apanco seyanmongam coo.

1 TESALONICENSES 1:9

Ningillhenalhquic nincoo nipyesicsa enlhitaoc maa actemaclha alhta singilmam tacja quellhip. Inlhenalhquic actemaclha apquilhaycaoc quellhip quilaycmasquiscama apquilyitquiscama Dios. Najan actemaclha apquilyanmonquiscama apquilvalhoc quellhip yoyam elanam Dios aptomja apquilmilaneycaoc najan aptomja nasoc anco.

HEBREOS 9:14

Acyiviy acmovan em pac Cristo, am colhnoc acmovan ema ac asoc acticyovam. Apmesacpec alhta apanco Cristo actemaclha macmescama Dios actomja actamila anco. Eycaso ayinyema apmopvan Espíritu Santo apquilmilaneycaoc. Cristo em pac actomja ayalhnascama ingvalhoc najan acmascoscama actemaclha ingvalhoc nano. Ingvanquic sat ongilanam Dios aptomja apquilmilaneycaoc.

1 SAN JUAN 4:9

Ingillhicmosquic nat Dios actemaclha singasicjayo. Ayinyemaclha apcapajasquic nat as nalhpop Apquitca apvamlha pac lhama. Apquiltamjoc jingilmesic acyimnatem ingnenyic.