SAN JUAN 6:37 - Enhlit Bible

³⁷ Jelyotac sat moclhama enlhit aptomja selmescama Tata coo. Molantipsejec sat moclhama enlhit aptomja selyoycta.

SAN JUAN 6:37 Iomraidhean Croise

SALMOS 102:17

Ingyeylhojoc sat apquilmalhnancama enlhitaoc acyajapma apquilvalhoc. Ingyeylhojoc sat apquilmalhnancama mepqui aptanoncama.

SALMOS 110:3

Ingyaniclhac sat apnaymacoc apnaclha lhip naysicsa aptimem apyimtalhnamo apanco. Netin inquilhe acponquinomalhca cotnejic sat malha yalya amamyi ayitsay. Colhojoc sat lhip apyimpejic alhnancoc, malha enlhit apquitcoc.

ISAÍAS 41:9

Ayansaclhec alhta quellhip apquileyvam lhalhma anco. Ayevam alhta quellhip apnaycam nelha lhapop. Actomjac alhta silanya quellhip: —Selancam actomjac alhta quellhip, sictomja silyacyescama, sictomja sicmasma mataa quellhip.

ISAÍAS 42:3

Mengyintacsejec sat yammamoc acjalhem. Mesponsejec sat calevascama ayitlhinquiscama caspona. Melvaticsejec sat aplingascama amyaa actomja nasoc anco.

ISAÍAS 55:7

Elvatsaoc sat apquiltemaclha apancaoc quellhip apquilmapsomcaa. Elvatsaoc sat allheneycam apquilvalhoc almasomcaa. Elyanmonquis sat apquilvalhoc, ingyasicjiclhojoc sat Dios. Collhen sat apquilvalhoc Dios Visqui ingac. Quilhvoc sat emascocsic melyascalhma — alhta aptomjac profeta.

SAN MATEO 11:28

Jelyotam quellhip apquiltomja apquilyampay ayinyema apquiltamjaycam najan apquilpatmeycam. Olovquisquisic sat apquilyampay.

SAN MATEO 24:24

Elilhyemoc sat enlhit apquiltimesomap apanco Cristo najan apquilsoycam apquilmopvan amyaa. Ellhicmocsic sat asoc monquinatquiscama najan apquiltamjaycam sinpilapquiscama. Apquililtamjo inyicje elyinimsic Dios apquitquic apquilyacyesomap.

SAN JUAN 17:11

‘Molhejec sat coo mocjam as nalhpop. Elhnam sat mocjam as enlhitaoc as nalhpop. Oyoclhojoc sat coo apnaclha lhip. Tata appeyvomo, imyov sat lhip actemaclha apmopvan as enlhitaoc selmescama alhta. Altamjoc yoyam eltimjic apquilpasmeyquiclha, yoyam colhojoc moc apquilvalhoc, acno nincoo inlhama, lhip najan coo.

SAN JUAN 17:2

Eyasinaquic lhip otnejic sicyimtalhnamo nipyesicsa aplhamoclhojo enlhitaoc. Yoyam olmesic aclhamoclhojo asoc ayinyema lhip: Acvisay acyimnatem ingnenyic cotmongvoycamlha nelha. Ellhovac sat aplhamoclhojo enlhit selmescama lhip.

SAN JUAN 17:24

‘Tata, altamjoc coo jelhojoc lhama as enlhitaoc selmescama alhta lhip. Elvitangvomoc sat gloria ajanco simquescama alhta lhip. Eyasicjavoc nat lhip siclhoc anco, yicpintama yoyam collanalhcac as nalhpop.

SAN JUAN 17:6

‘Elmesquic lhip coo enlhitaoc aso nalhpop. Allhicmosquic alhta as enlhitaoc lhip apvisay. Lhip alhta apancaoc as enlhitaoc, selmescama coo. Apquilyiplovcasquic alhta mataa lhip appayvam.

SAN JUAN 6:39

Apquiltamjoc yoyam molhnanimsic lhama aptomja selmescama. Apquiltamjoc yoyam onalhaticjascomoc actamongvomlha nelha acnim.

SAN JUAN 6:65

Aptomjac alhta Jesús apquilanya: —Altimnasquic lha inyicje: Copvanquejec jeyotac enlhit, acvamlha aptomja apyantamayquinta coo Tata —alhta aptomjac.

SAN JUAN 9:34

Apquiltomjac alhta mocjam apquilanya: —Ayenmo congne meyascalhma nac lhip. ¿Apquiltamjo ya lhquip jingillhicmocsic nincoo? —alhta apquiltomjac. Aptipsacpec alhta enlhit aptamalviyam.

ROMANOS 5:20

Invaac nic nat singanamaclha yoyam coyangvomoc acvitomalhca actemaclha mongilyascalhma. Avanjec anco actemaclha singmescama nasa Dios, am colhno aclhamocma actemaclha mongilyascalhma.

FILIPENSES 1:29

Elyasamcojo quellhip: Amamyi anco aclhanma apquilvalhoc quellhip Cristo. Incaymalhquic najan melyascomoc mataa quellhip. Incaymalhquic najan colhic ayasquisa apyimpeoc quellhip ayinyema apvisay Cristo.

1 TIMOTEO 1:16

Eycaso ayinyema seyimlayquiclho Dios. Elhicmosquic alhta Jesucristo emamyi actemaclha aljalhanma apvalhoc mepqui appecjescama. Apquiltamjoc alhta Jesucristo elhicmocsic enlhitaoc sictemaclha coo yoyam elyanmongsic apquilvalhoc. Yoyam najan coytic acyimnatem apnenyaoc cotmongvoycamlha nelha ayinyema melyasquiyam.

2 TIMOTEO 2:19

Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.

HEBREOS 4:15

Apvanquic Jesús jinglingamcojoc lhama naysicsa mepqui ningilyimnatem yoyam jingimlimojo. Innec alhta acyicpilco Jesús ningnoc nincoo lha. Am alhta eyca coyitnac meyascalhma Jesús.

HEBREOS 7:25

Apvanquic mataa Jesús elvomsic tap apquiltomja apquilyoyquiclha apnaclha Dios, ayinyema apnalayclha Jesús. Ayinyemaclha Jesús aptomja apquilmilaneycaoc yoyam elmalhnesquisic mataa Dios yoyam epasmoc enlhitaoc.

1 SAN JUAN 2:19

Apquilvatsamquic sinpasmeyquiclha as enlhitaoc. Ayinyemaclha cotnaja alhta nintemolhama as enlhitaoc. Apquiltomjac alhta ancoc nintemolhama, mejingyamyiclhejec alhta. Eycaso ayinyema ningyascamco, am elanomacpo nintemolhama.

EL APOCALIPSIS 22:17

Aptomjac Espíritu Santo najan Nipquesic Apquitcoc apponcanma: —Ingyilhyim —aptomjac mataa. Itne sat lhip lha aptomja aplingay: —Ingyilhyim —sat itne. Acnim sat ancoc incajac lhip, ingyilhyim. Apquiltamjoc sat ancoc eyinic, iyin sat yingmin actomja acyimnatescama ingnenyic mepqui acyanmongam.