SAN JUAN 6:29 - Enhlit Bible

²⁹ Apcatingmavoc alhta Jesús: —Apquiltamjoc coo Tata aptomja seyapajascama, yoyam mejelyascamejec quellhip. Nojelyasquim nasa coo —alhta aptomjac.

SAN JUAN 6:29 Iomraidhean Croise

SALMOS 2:12

Eltime sat apquilayo Dios Apquitca yoyam melvejec sat. Melmasquingvomejec sat naysicsa apquileyvam. Cotlapsic sat ongvita naysicsa aplom. Apquilinyejemoc anco enlhit apquiltomja apquilyilhanmeycam Visqui ingac.

SAN MATEO 17:5

Pilapcasquic alhta ayajapvaa yipjopay alyinmom naysicsa appamejitquiscama Pedro. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.,

SAN MARCOS 16:16

Am sat ancoc ongyascacmoc, coyiplovjoc sat singyapasquiscama yingmin, ongilvomsalhcac sat tap. Ningyascacmec sat ancoc, ongiltovasalhcac sat.

SAN JUAN 3:36

Am sat ancoc ongilyascacmoc Apquitca, colhic sat acyimnatem ingnenyaoc cotmongvoycamlha nelha. Am sat ancoc ongilyajaclhoc Apquitca, mongvityejec sat acyimnatem ingnenyaoc. Yimtilhec sat cotnejic acyanmongayclha ayinyema Dios Ingyapam.

SAN JUAN 5:39

Apquilinlhanacmec mataa quellhip apquilyipsateycaoc Dios appayvam actalhesomalhca. Apquililtamjoc elvitangvomoc acyimnatem apnenyaoc. Eycaso actalhesomalhca actomja aclingascama sicvisay.

SAN JUAN 6:28

Apquiltomjac alhta enlhitaoc apquilanya Jesús: —¿Soc asoc ongillanac nincoo, yoyam colcojoc apvalhoc Dios Ingyapam? —alhta apquiltomjac.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

SAN JUAN 6:57

Acyimnatem apnenyic innac coo Tata aptomja seyapajascama. Acyimnatem enquenyic coo lha innac ayinyema coo Tata. Elhojoc sat enlhit aptomja aptom ejepitic. Colhic sat acyimnatem apnenyic ayinyema coo.

LOS HECHOS 16:31

Apquilatingmavoc alhta Pablo najan Silas: —Noyasquim nasa lhip Jesucristo Visqui ingac. Evomsacpoc sat tap lhip najan apmolhama —alhta apquiltomjac.

1 TESALONICENSES 1:3

Inlhenquic mataa ingilvalhoc napato Dios Ingyapam actemaclha apquiltamjaycam quellhip ayinyema melyasquiyam. Najan actemaclha apquiltamjaycam quellhip ayinyema apquilasicjayo. Najan actemaclha apquilinlhanyam quellhip ayinyema aljalhneycam apquilvalhoc Jesucristo Visqui ingac.

HEBREOS 5:9

Apsovjoc alhta Cristo aclhamoclhojo asoc. Eycaso ayinyema ningilvomsomalhca tap ningiltomja ningilyajayquiclha.

SANTIAGO 2:22

Apvita inyicje lhip meyasquiyam Abraham acyiplomo apyiplovquiscama. Apyiplovquiscama actomja acsovjongvaycmo meyasquiyam acyovoclhojo.

1 SAN JUAN 3:23

Eycaso actomja singanamaclha Dios: Apquiltamjoc mongilyascomoc nincoo apvisay Jesucristo Dios Apquitca. Apquiltamjoc ongilasicjalhcojo nincoo ningyesicsa, acno actemaclha singanamaclha ontimjic.

1 SAN JUAN 5:1

Am sat ancoc ongilyascacmoc Jesús aptomja singvomquiscama tap, ontimjic sat Dios apquitquic. Ningasicjavoc sat ancoc Dios Ingyapam, incaymalhquic ongilasicjojo najan lha ingilyalhinga apquiltomja Dios apquitquic.

EL APOCALIPSIS 2:26

Apquilinlhanacmec sat ancoc enlhit apyiplovquiscama sicmayjayoclha acvocmo actamongvomlha nelha, omquesic sat sicmovan yoyam etnejic apyimtalhnamo nipyesicsa enlhitaoc lhalhma anco.