SAN JUAN 6:27 - Enhlit Bible

²⁷ Noeltingya nasa quellhip nintom anco as nalhpop. Eltingya sat quellhip nintom actomja acyimnatescama ingnenyic cotmongvoycamlha nelha. Evanquic olmesic quellhip as nintom. Ayinyemaclha coo sicvisay Sictiyam Sictomja Enlhit. Dios Ingyapam aptomja selcajascama sictomja Apquitca —alhta aptomjac.

SAN JUAN 6:27 Iomraidhean Croise

SALMOS 2:7

Eycaso actomja Dios appayvam yoyam olngacsic: —Aptomjac alhta seyanya coo: Lhip aptomja sictamongvoyam. Actimescasquic lhip acnim nac jay.

SALMOS 40:7

Actomjac coo siyanya lhip: —Jelanojo coo. Yitnec vaycajac singanamaclha actalhesamalhca selhanma coo (yavamlha otnejic) — alhta actomjac coo.

PROVERBIOS 9:5

Ellhingma jilip eltasomoc nintom najan ningyam acpenesomalhca.

ECLESIASTÉS 6:7

Yitnec nincoo ningvascapma ningiltamjaycam, yoyam coytic mataa nintom. Yiplovcoc mataa mayic singajem.

ISAÍAS 42:1

Eycaso sicpayvam Dios: Quip elanojo. Eycaso aptomja selancam, aptomja sicmasma, aptomja sicyacyescama, aptomja siyasicjayo. Acpiquinquic apvalhoc Espíritu ajanco. Elngacsic sat actomja nasoc anco nipyesicsa enlhitaoc lhalhma anco.

ISAÍAS 55:2

¿Soctomja apquilha solyayem acyanmongam asoc cotnaja nintom? ¿Najan acyanmongam apquiltamjaycam elmoc asoc cotnaja nintom? Quip elaylhojo sicpayvam. Elvitac sat quellhip asoc actamila yoyam eltovamcoc. Colpayjiclhac sat apquilvalhoc, malha ningvitay asoc acmilay.

JEREMÍAS 15:16

Acjalhnoc alhta mataa lhip appayvam sepamejitquiscama lhip. Inmec alhta evalhoc lhip appayvam naysicsa siyitsovascama, silancam coo seyasinancama lhip Visqui ingac apyimtalhnamo.

HABACUC 2:13

Alhto sat cotnejic apquilvascapma apquiltamjaycam quellhip. Dios Visqui Apyimtalhnamo etvacsic sat apquillanay quellhip, cosavojoc sat talha acyovoclhojo maa.

SAN MATEO 17:5

Pilapcasquic alhta ayajapvaa yipjopay alyinmom naysicsa appamejitquiscama Pedro. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.,

SAN MATEO 25:46

Elyacsic sat enlhitaoc melpeyvomo cotmongvoycamlha nelha mayasquiscama ingyimpejic. Elyacsic sat enlhitaoc apquilpeyvomo cotmongvoycamlha nelha acyimnatem ingnenyaoc” —alhta aptomjac Jesús.

SAN MATEO 3:17

Pilapcasquic alhta ayinyema netin lhama appayvam: —Lhip nac Sictamongvoyam siyasicjayo, acyispaquic lhip —alhta intomjac appayvam.

SAN MATEO 6:19

‘Noelyeycajasacpojo nasa apquilnatam as nalhpop. Avanquic cotvacsic mataa ascoc. Coltajapoc sat najan moc asoc. Elantalhningvac sat apquilminyilhma, yoyam elminyilhic moc asoc.

SAN MATEO 8:20

Apcatingmavoc alhta Jesús: —Alhanaoc innac maling. Alhanaoc innac nata. Am coyitnac sictiyanmaclha sicvisay Sictiyam Sictomja Enlhit —alhta aptomjac.

SAN MARCOS 1:11

Inlingalhquic alhta lhama appayvam ayinyema netin: —Lhip nac sictamongvoyam siyasicjayo, acyispaquic lhip —alhta intomjac amyaa.

SAN MARCOS 9:7

Yejemoc alhta ayajapvaa lhama yipjopay. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.

SAN LUCAS 3:22

Apvayventamo alhta Espíritu Santo tacjaplhit Jesús. Malha valhaay intomjac. Ayinyema alhta netin appayvam: —Lhip nac sictamongvoyam siyasicjayo, acyispaquic lhip —alhta intomjac appayvam.

SAN LUCAS 9:35

Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.

SAN JUAN 10:28

Olmesic sat acyimnatem apnenyaoc cotmongvoycamlha nelha. Melnatovasacpejec sat mataa. Acmiyovquic coo sicnatoscama. Copvanquejec enlhit jelnatamoc sicnatoscama.

SAN JUAN 11:42

Acyasamcoc coo, apjalhnoc mataa lhip silmalhnancama. Acpamejitcasquic coo lhip, yoyam melyascomoc as enlhitaoc nac jay, aptomja lhip seyapajascama coo —alhta aptomjac.

SAN JUAN 14:6

Apcatingmavoc alhta Jesús: —Coo sictimem amay najan actomja nasoc anco najan acyimnatem ingnenyic. Am sat ancoc jeyotac coo enlhit, copvanquejec eyoclhac apnaclha coo Tata.

SAN JUAN 15:24

Am alhta copvanac poc enlhit ellanac aptamjaycam sinpilapquiscama. Am alhta ancoc ollanac coo sictamjaycam sinpilapquiscama, colhenalhquejec alhta melyascalhma apancaoc. Apquilvita eyca as enlhitaoc aclhamoclhojo asoc. Actanovalhquic coo, aptanovacpec najan coo Tata nipyesicsa as enlhitaoc.

SAN JUAN 17:2

Eyasinaquic lhip otnejic sicyimtalhnamo nipyesicsa aplhamoclhojo enlhitaoc. Yoyam olmesic aclhamoclhojo asoc ayinyema lhip: Acvisay acyimnatem ingnenyic cotmongvoycamlha nelha. Ellhovac sat aplhamoclhojo enlhit selmescama lhip.

SAN JUAN 3:15

Moclhama aptomja meyasquiyam apvisay apanco metvasacpejec sat. Colhic sat acyimnatem apnenyaoc cotmongvoycamlha nelha —alhta aptomja Jesús.

SAN JUAN 3:33

Am sat anco ongilyascacmoc nincoo appayvam aplhanma, ontimjic sat ninpeyvescasquiclha actomja nasoc anco actemaclha aplhanma Dios Ingyapam.

SAN JUAN 6:40

Eycaso actomja apmayjayoclha coo Tata aptomja seyapajascama. Apquiltamjoc yoyam colhic acyimnatem apnenyaoc moclhama aptomja selaneyo sicvisay Dios Apquitca najan aptomja mejeyasquiyam. Onalhaticjascomoc sat actamongvomlha nelha acnim —alhta aptomjac.

SAN JUAN 6:47

Actomjac coo silanya quellhip: Yitnec acyimnatem apnenyic enlhit aptomja mejeyasquiyam.

SAN JUAN 6:51

Coo nac sicvisay nintom ayinyema netin. Aptovquic sat ancoc enlhit as nintom, mengyitsepejec sat cotmongvoycamlha nelha. Nintom sicmescama coo actomja sicyovoclhojo ajanco. Momyovalhcoyc co ajanco, yoyam colhic acyimnatem apnenyic enlhit lhalhma anco —alhta aptomjac.

SAN JUAN 6:53

Apcatingmavoc alhta Jesús: —Actomjac coo silanya quellhip: Naso, am sat ancoc eltovcamcoc quellhip ejepitic sicvisay Sictiyam Sictomja Enlhit. Am sat ancoc elyinamcoc quellhip ema ajac, colhejec sat acyimnatem apnenyaoc.

SAN JUAN 6:54

Aptovquic sat ancoc enlhit ejepitic, apyinquic sat ancoc ema ajac, colhic sat acyimnatem apnenyic cotmongvoycamlha nelha. Olhaticjascomoc sat actamongvomlha nelha acnim.

SAN JUAN 6:58

Eycaso siclhanma nintom ayinyema netin. Eyca as nintom am colhno nintom maná. Apquiltovcamquic nic nat apquilyeyjamcaa quellhip. Apquilitsepmec nic nat. Aptovquic sat ancoc enlhit as nintom, colhic sat acyimnatem apnenyic cotmongvoycamlha nelha —alhta aptomjac Jesús.

SAN JUAN 6:62

Coyangvomoc sat apquilnatjemo quellhip jelvitac sicvisay Sictiyam Sictomja Enlhit sicmiyaclho sat netin siyinyemayaclha —alhta aptomjac.

SAN JUAN 6:68

Apcatingmavoc alhta Simón Pedro: —Visqui, ¿soc enlhit ongyamejic nincoo? Apvamlha lhip inyitnac appayvam actema nac cotmongvoyam nelha acyimnatem ingnenyic.

SAN JUAN 8:18

Incanit nincoo ninlhanma sicvisay. Aclingasquic coo sicvisay ajanco. Aplingasquic sicvisay coo Tata aptomja seyapajascama —alhta aptomjac.

LOS HECHOS 10:38

Apquilyasamcoc quellhip aplhenacpo Jesús co Nazaret. Dios Ingyapam apcatsisquiscama alhta najan apmescama apmopvan ayinyema Espíritu Santo. Apquillanac alhta mataa Jesús aptamjaycam actamila naysicsa aptiyascam. Apquiltamilquiscacmec alhta aplhamoclhojo actovascama yavey. Ayinyemaclha aptomja mataa aplhalhma Dios Ingyapam.

LOS HECHOS 2:22

“Quellhip enlhitaoc Israel, elaylhojo sicpayvam. Pac olhenic Jesús co Nazaret. Apcasinaquic alhta Dios Ingyapam. Apquiltamjoc alhta etnejic apmopvan aptamjaycam najan aptamjaycam sinpilapquiscama najan asoc monquinatquiscama nipyesicsa quellhip. Eycaso apquilyasamcoc quellhip aptomjaclha Dios Ingyapam.

ROMANOS 4:11

Apvitac nic nat Abraham asoc monquinatquiscama apyimpejic, yoyam colhejec acyascacmo aptomja aptimesomap amamyi appeyvomo napato Dios ayinyema meyasquiyam. Apquiltamjoc nic nat Dios yoyam etnejic Abraham apvisay “mongyasquiyam inyap”. Yoyam etnejic malha apquilyap aplhamoclhojo enlhitaoc lhalhma anco apquiltomja melyasquiyam. Ayinyemaclha Dios aptimesquiscama apquilpeyvomo enlhitaoc lhalhma anco mepqui asoc monquinatquiscama apyimpeoc.

ROMANOS 6:23

Ningyiplovcasquic sat ancoc mongilyascalhma coyiplovjoc sat ningitsepma. Dios eyca aptomja singmescama nasa acyimnatem ingnenyaoc cotmongvoycamlha nelha ninpasmeyquiclha Jesucristo Visqui ingac.

1 CORINTIOS 6:13

Apquiltomjac mataa quellhip: Nintom actomja yoyam ongilyipcanmojo. Yitnec nincoo ingvocmo yoyam ontovamcoc nintom —alhta apquiltomjac. Actomjac coo silanya quellhip: Covac sat acnim yoyam etvacsic Dios actemaclha nintom najan ingvocmo. Yitnec nincoo ningyovoclhojo. Mongvanquejec eyca ongyiplovjo actemaclha ningilanatama. Yitnec nincoo ningyovoclhojo yoyam ongilanam Visqui ingac. Apquiltamjoc Visqui ingac etamilsic ningyovoclhojo nincoo.

1 CORINTIOS 9:2

Apquilyascacmec sat ancoc napocja enlhitaoc sicvisay apóstol. Nojelyasquim nasa coo, ayinyemaclha apquilyanmoncasquic alhta apquilvalhoc quellhip ayinyema sictamjaycam coo. Colhejec sat acyascacmo sictimem apóstol.

2 CORINTIOS 4:18

Incaymalhquic ontingya mataa asoc actomja mongvitay nincoo. Incaymalhquic montingyejec mataa asoc actomja ningvitay. Ayinyemaclha colmasquingvomoc asoc actomja ningvitay. Colmasquingvomejec sat cotmongvoycamlha nelha asoc actomja mongvitay nincoo.

GALATAS 5:6

Ningilanalhco ningiltomja ninpasmeyquiclha Cristo Jesús. Colhenalhquejec mataa asoc monquinatquiscama ingyimpejic najan mepqui asoc monquinatquiscama ingyimpejic. Incaymalhquic coytic mongyasquiyam naysicsa ningyiplovquiscama actemaclha ningasicjayo.

DEUTERONOMIO 30:13

Am coyitnac singanamaclha tap yingmin acvanyam, yoyam ongillhenic: ¿Soc enlhit jingiltingyasquisic najan jingilsantimquisic singanamaclha, yoyam ongilyasingvomoc najan ongyiplovcasojo? — intomjac ninlhanma.

FILIPENSES 2:13

Epasmoc sat Dios yoyam eliltamjoc quellhip actemaclha actamila yoyam elpenacsojo quellhip. Eycaso actomja apmayjayoclha Dios Ingyapam.

COLOSENSES 1:29

Eycaso ayinyema sicvascapma mataa, malha silnapomalhca intomjac. Eyimnatasquic mataa apmopvan ayinyema Cristo.

COLOSENSES 2:22

Eycaso apcascamaclha najan apcanamaclha ayinyema enlhit apanco. Inmalhquic mataa as nintom, natamin intovcalhquic mataa. Inyiplovcoc najan acmasquem acvisay nintom.

COLOSENSES 3:2

Collhen sat mataa apquilvalhoc asoc acnaycaoc netin. Nocollhen nasa apquilvalhoc asoc as nalhpop.

1 TESALONICENSES 1:3

Inlhenquic mataa ingilvalhoc napato Dios Ingyapam actemaclha apquiltamjaycam quellhip ayinyema melyasquiyam. Najan actemaclha apquiltamjaycam quellhip ayinyema apquilasicjayo. Najan actemaclha apquilinlhanyam quellhip ayinyema aljalhneycam apquilvalhoc Jesucristo Visqui ingac.

2 TIMOTEO 2:19

Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.

HEBREOS 12:16

Elavojo quellhip actemaclha ningilanatama. Noelvajanaoc nasa aptemaclha ilhnic nat Esaú. Apyinyovquic nic nat acvisay aptemaclha metnaja apquitcoc acyanmongam acvamlha lhama aptom.

HEBREOS 4:11

Incaymalhquic ongilyimnac nincoo yoyam ongilvoclha apnaclha Dios yoyam ongnam. Incaymalhquic melhnanmejec lhama ningyesicsa actemaclha ilhnic nat apquillhinganyam apquiltomja apquilyasquiyam.

SANTIAGO 1:11

Invaac sat ancoc netin acnim, yejemoc acyamamco alhquipcoc. Copalamoc sat ilhnamoc, inmasquec actamila. Sat cotnejic enlhit acma apquilnatam. Cotlapsic sat emasquingvomoc naysicsa aptingyey asoc.

1 SAN PEDRO 1:24

Eycaso intomjac aclhanma actalhesomalhca: Aplhamoclhojo enlhitaoc apquiltomja malha paat. Aplhamoclhojo apquilyimtalhnamo apquiltomja malha ilhnamoc. Inyamamquic paat, inpalacmec najan ilhnamoc.

2 SAN PEDRO 1:17

Ningvitac alhta nincoo actemaclha Dios Ingyapam aptimesquiscama apcayo Apquitca. Aptomjac alhta appayvam Dios apna ayitsayoclhilhma: “Eycaso sictamongvoyam siyasicjayo, acyispaquic coo aptemaclha” —alhta intomjac appayvam.