SAN JUAN 5:40 - Enhlit Bible

⁴⁰ Am colyacmoc quellhip jelyotac, yoyam colhic acyimnatem apnenyaoc.

SAN JUAN 5:40 Iomraidhean Croise

SALMOS 81:11

Am alhta eljalhnoc sicpayvam enaymacoc enlhitaoc. Am alhta elyajaclhoc sicpayvam siyanamaclha.

ISAÍAS 49:7

Aptomjac alhta appayvam Visqui ingac, apquilvomquiscama tap israelitas, apquilanyacpo enlhitaoc malvenéycam, apquiltimesaycam apquilmomap apnaclha apvisqui apmapsom: —Elvitac sat apquilviscaa metnaja israelitas apquiltemaclha quellhip apquilvomsomap tap, ingyaniclhac sat netin, eljalhic sat apnaclha lhip. Ayinyema coo, sicvisay Dios Visqui apancaoc israelitas, sictomja silyacyescama alhta lhip, ayinyema siclhanma mepqui sicyeycajascaoc — alhta aptomjac Visqui ingac.

ISAÍAS 50:2

¿So actomja yi motay enlhit seyoycta coo? ¿So actomja yi motay enlhit, yoyam jeyatingmojo? Quellhip apquilanem mepqui sicyimnatem, yoyam opasingvoclha, najan mepqui sicmovan, yoyam olvomsic tap quellhip. Evanquic coo ongvanic lhama sicpayvam, quilhvoc sat coymac yingmin acvanyam najan vatsam, yoyam colitaspoc quilasma, coltajapoc sat maa.

SAN MATEO 22:3

Apquilapajasquic nic nat apquilancam. Aptomjac nic nat apvisqui apquilanya: “Eliltimnasquiclha enlhitaoc apquilanyomap alhta, yoyam elyavac sat alyimjapma caya apto” —nic nat aptomjac. Am nic nat colyacmoc elyavac caya.

SAN MATEO 23:37

‘¡Co Jerusalén layi, co Jerusalén layi! Innamquic apquilnapma quellhip, apquilajac profetas Dios apquillingascama. Apquilyicnacpec mataymong soycam amyaa Dios apquilnancascama. Altamjoc alhta inyicje mataa ongvansiclhac quellhip co Jerusalén. Malha inyicje tataa ayansayclha ayitcaoc coning alhimpancoc. Am alhta eyca colyavocmoc quellhip.

SAN JUAN 1:11

Apvaac alhta as nalhpop actomja apanco. Am alhta emacpoc tacja nipyesicsa apnaymacoc.

SAN JUAN 10:10

‘Apvoctac sat ancoc apminyilhma apquiltamjoc eminyilhic najan elnapoc najan enatovacsic nipquesic. Acvaac coo, yoyam colhic acyimnatem apnenyaoc enlhit, yoyam coyangvomoc acyimnatem apnenyaoc.

SAN JUAN 3:19

Invaac ayitsayolhma nipyesicsa enlhit lhalhma anco. Ayinyemaclha apquilasicjavoc yatescamalhma, colhno ayitsayolhma. Ayinyemaclha apquilyiplovcasquic asoc almasomcaa.

SAN JUAN 5:39

Apquilinlhanacmec mataa quellhip apquilyipsateycaoc Dios appayvam actalhesomalhca. Apquililtamjoc elvitangvomoc acyimnatem apnenyaoc. Eycaso actalhesomalhca actomja aclingascama sicvisay.

SAN JUAN 5:41

‘Am oltamjoc coo yoyam jelavojo enlhit.

SAN JUAN 5:44

Colapvanquejec quellhip eltimjic melyasquiyam. Ayinyemaclha apquiltingyac apquilayo nipyesicsa quellhip. Am colhenac apquilvalhoc elavojo Dios Ingyapam aptomja apvamlha pac lhama.

SAN JUAN 6:27

Noeltingya nasa quellhip nintom anco as nalhpop. Eltingya sat quellhip nintom actomja acyimnatescama ingnenyic cotmongvoycamlha nelha. Evanquic olmesic quellhip as nintom. Ayinyemaclha coo sicvisay Sictiyam Sictomja Enlhit. Dios Ingyapam aptomja selcajascama sictomja Apquitca —alhta aptomjac.

SAN JUAN 6:37

Jelyotac sat moclhama enlhit aptomja selmescama Tata coo. Molantipsejec sat moclhama enlhit aptomja selyoycta.

SAN JUAN 6:40

Eycaso actomja apmayjayoclha coo Tata aptomja seyapajascama. Apquiltamjoc yoyam colhic acyimnatem apnenyaoc moclhama aptomja selaneyo sicvisay Dios Apquitca najan aptomja mejeyasquiyam. Onalhaticjascomoc sat actamongvomlha nelha acnim —alhta aptomjac.

ROMANOS 6:23

Ningyiplovcasquic sat ancoc mongilyascalhma coyiplovjoc sat ningitsepma. Dios eyca aptomja singmescama nasa acyimnatem ingnenyaoc cotmongvoycamlha nelha ninpasmeyquiclha Jesucristo Visqui ingac.

EL APOCALIPSIS 22:17

Aptomjac Espíritu Santo najan Nipquesic Apquitcoc apponcanma: —Ingyilhyim —aptomjac mataa. Itne sat lhip lha aptomja aplingay: —Ingyilhyim —sat itne. Acnim sat ancoc incajac lhip, ingyilhyim. Apquiltamjoc sat ancoc eyinic, iyin sat yingmin actomja acyimnatescama ingnenyic mepqui acyanmongam.